Hosea 6:1 - De Beebaa Dabu

¹ “Loomai, gidaadeu ga ahe ange gi Tagi Maolunga; ia gu hagammae gidaadeu, aagai ia e hagaieiangi naa gidaadeu; ia gu hagalagolagohia gidaadeu, aagai ia e saabini naa odaadeu maanuga.

Hosea 6:1 Iomraidhean Croise

2 Chronicles 30:6

Gai de gau e gaavee laa denga leda ne hulo ga hagadaga i Israel ma Judah ga kave leda mai i daho de hodooligi ma dagi i ono lalo, bei dagodo muna de hodooligi gu sisi laa ma e hai ange, “De gau Israel alodahi, goodou aahe mai gi Tagi Maolunga, de Maadua o Abraham, ma Isaac, aama Israel, gai ia ga ahe mai ai gi daho dangada e doe ne saavini laa ga hulo gee mai i de hodooligi o Assyria.

De Beebaa go Job 16:9

Ia gu oha dogu angaanga i dono lili; ia e kadi mai ono niho gi de au, dogu hagadaumee e haaina donu huu au.

De Beebaa go Job 22:23

Noo koe e ahe mai gi de Ia Mmahi Mmao laa, gai koe e hagadaga age ange naa; noo koe e vvae gee de baubau mai i oo hale,

De Beebaa go Job 34:29

Aagai noo ia e dee muu, gai goai e maua i de hagabaubau ia? De masavaa aana e haoli ai luoono mada, gai goai naa e gidee ia? Gai e dee hilihili be ia e hai baasi ange gi dahi huaahenua aabe go dahi dangada,

De Beebaa go Job 5:18

Ia e hagammae, aagai e ahe ange hogi ga saabini de maanuga; ia e hagalagohia, aagai e hagaieiangi hogi.

Psalm 30:7

Tagi Maolunga, koe ne hai dogu mounga gi duu gi makaga, i doo abodonu mai gi de au; aagai au ne manavasaa ogu lodo i de masavaa aau ne hagammuni ai luoo mada.

Psalm 6:2

Tagi Maolunga, abodonu mai gi de au, au gu deai ogu mahi. Tagi Maolunga, hagaieiangi ina ngau, au gu duasala mmao.

Psalm 71:20

Koe ne hai gi gidee e au denga hai ngadaa lagolago ma de baubau, gai koe e ahe ange naa ga hagaola dogu mouli, ma de hagaahe age au i de mommee o de gau maakau.

Ecclesiastes 3:3

e dahi masavaa e daa ai gi maakau, gai e dahi hogi masavaa e hagaieiangi ai; e dahi masavaa e oha ai, gai e dahi hogi masavaa e hagaduu age ai;

Isaiah 17:7

De laangi laa gai dangada e tali ange naa de ia ne haia gilaadeu, ma de daahuli ange naa gi de Ia Dabu o Israel.

Isaiah 2:3

gai dangada soa e loomai naa, ga hagataba: “Loomai, gidaadeu ga loage gi de mounga o Tagi Maolunga ma de hale o de Maadua o Jacob; gai ia e agoago mai naa gidaadeu i ono haiava gai gidaadeu ga seesee ai i ono haiava.” Gai de hainga e gaamai naa i Zion, gai muna a Tagi Maolunga e loomai naa i Jerusalem.

Isaiah 30:22

Gai goodou e oha naa oodou diinonga gu haoli i selevaa, ma oodou diinonga gu haoli i goolo; gai goodou e tili naa mee nei bei de malo hakino gee e hai ai laa magi haahine, ga hai ange, “Hannoo i kinaa!”

Isaiah 30:26

Gai de maalama o de maasina e mmahi naa bei de maalama o de laa, gai de laa e hidu naa hanonga e kii ange ai de maalama, gu bei de mmahi o de laa i e hidu laangi, i de laangi a Tagi Maolunga e saabini ai mommee maaguluaa o ono dangada, ma de hagaieiangi olaadeu mee lagolagohia aana ne hai laa ga lagolagohia.

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

Jeremiah 3:22

“Denga dama dee hai hegau i de mee abodonu, goodou aahe mai; gai au ga hagaieiangi goodou gi hai hegau ai goodou i mee abodonu.” ⌊Dangada ne hai mai,⌋ “Uaa, gimaadeu e loomai naa gi de goe, i hiidinga go koe go Iahweh demaadeu Maadua!

Jeremiah 30:12

Gai e hagadaba Tagi Maolunga: Doo maanuga e dee maua gi mahu, gai doo mee lagohia e hagammae.

Jeremiah 30:17

Aagai au e hagaieiangi naa goe, ma de hai gi mmahu oo maanuga, go Tagi Maolunga e hagadaba, go hiidinga koe ne hagaingoo ange bolo se ia e kino ai dangada, ma Zion e deai laa dangada e anga ange aagena.

Jeremiah 33:5

Hanu e hebagi ange gi de gau Babylon, gilaadeu e hhao naa denga hale i angaanga o de gau maakau, aagu e daa gi maakau i dogu lili ma dogu bole. Gai au e huli gee naa gi dee gidee ai e au de aduhale nei, i hiidinga o alaadeu hegau baubau alodahi.

Jeremiah 33:6

Aagai au e hai naa gi mmahi ma de hagaieiangi de aduhale nei; au e hagaieiangi naa ogu dangada ga hai gi nnoho paba gilaadeu ma de duadonu.

Jeremiah 50:4

Laangi laa i de masavaa laa, go Tagi Maolunga e hagadaba, gai de gau Israel ma dangada o Judah e hagabuni naa ma de tangi ga hulo ai ga ssala Tagi Maolunga delaadeu Maadua.

Jeremiah 50:5

Gilaadeu e ssili naa de haiava e hano laa gi Zion, ma de huuhuli ange gi kilaa, ga hagataba, ‘Loomai, gidaadeu ga hagabuni ange gi Tagi Maolunga i dahi hagatoo donu hagaheloongoi dee ngado mai e dee maua laa gi ngalo.’

Lamentations 3:11

Ia ne dada mai au i ssaelenga ga hangahanga dogu angaanga ma de tili au i kilaa, teai se dangada ne balea mai au.

Hosea 11:10

Gilaadeu e daudali ange naa i Tagi Maolunga, ia e oo naa bei de laiono e goo laa; uaa, ia e oo naa bei de laiono e goo laa, gai ono dangada e bolebole naa ga loomai ai i dai.

Hosea 12:6

Deenei ai, koe gi aahe mai gi doo Maadua; hai hegau i de abodonu ma de hagamodu heohi, ma de tali hagalodolodo ange gi doo Maadua i masavaa alodahi.

Hosea 14:1

Israel, ahe mai gi Tagi Maolunga doo Maadua, oo baubau gu hagahaisala goe.

Hosea 14:4

Au e hagaieiangi naa gilaadeu mai i delaadeu hulo gee i de au ma de aloha ange gi gilaadeu, i hiidinga gu helui dogu lili i gilaadeu.

Hosea 3:5

Muli mai naa huu gai de gau Israel e aahe ange naa ga ssala Tagi Maolunga delaadeu Maadua ma delaadeu hodooligi go David. Gilaadeu e aahe mai naa gi Tagi Maolunga i de maatagu ga kave dono abodonu i denga laangi hagaodi.

Leviticus 14:48

Aagai noo tangada haimeedabu e humai ga tilo, gai denga mee dongidongi i lo te hale laa tigi dolo gi daha, i dua de lebu, gai ia gi hagadaba bolo de hale laa gu gilimalali, i hiidinga gu deai mee dongidongi iai.

Zephaniah 2:1

De huaahenua hagadookaa, goodou hagabuni, goodou hagabuni,

Deuteronomy 32:39

Goodou kalo mai diiloo, go au donu deenei, gai e deai ange donu se maadua, go au donu huu. Go au e daia gi maakau, gai go au e hagamouli ina; go au e hagalagolagohia ina, gai go au hogi e hagaieiangi ina; e deai donu se dangada e maua i de hagaola dahi mai i dogu lima sauaa.

1 Samuel 2:6

Go Tagi Maolunga e daia gi maakau ma de hai gi mouli ⌊tangada⌋; go ia e gave iho gi de mommee o de gau maakau, ma de hagamouli age.

1 Samuel 7:3

Gai Samuel ga hai ange gi de gau Israel alodahi, “Noo goodou e aahe mai gi Tagi Maolunga i oodou lodo alodahi, gai goodou aau gee denga diinonga o de gau henua gee, ma tiinonga go Ashtaroth mai i oodou daha, ga dugu ange oodou lodo alodahi gi Tagi Maolunga, ma de daumaha ange donu huu gi de ia, gai ia ga hagaola goodou mai i de gau Philistia.”