Hosea 5:14 - De Beebaa Dabu

¹⁴ Au e hebagi ange naa gi Ephraim bei dahi laiono, gai e hebagi ange gi Judah bei dahi laiono mmahi. Au e hagalagolagohia naa gilaadeu ga tili gilaadeu gai au ga hano. Au e kave gee naa gilaadeu, gai e deai donu e maua i de hagaola gilaadeu.

Hosea 5:14 Iomraidhean Croise

De Beebaa go Job 10:16

Noo au e hagamaolunga, gai koe e dagitilo au bei dagodo o de laiono, ma de ahe ange ga hai baasi mai ai gi de au i doo sauaa hagalele mouli.

De Beebaa go Job 10:7

Koe e iloo bolo au tigi ai donu ogu sala, gai e deai hogi se dangada e hagaola ina mai au i doo sauaa.

Psalm 50:22

Goodou gu ngalo laa de Maadua, hagasaelea de mee nei, au kana hangahanga goodou, gai gu deai e maua i de hagaola goodou.

Psalm 7:2

gilaadeu kana oha dogu hagasaalunga bei hegau a de laiono, ma de hangahanga dogu angaanga, gai gu deai se dangada e hagaola ina mai au.

Isaiah 5:29

Gilaadeu e hagangolo bei de laiono, ma denga laiono mmahi; gilaadeu e hagangolo i de maua dahi manu, ga kave gee gai e deai donu e maua i de hagaola.

Jeremiah 25:38

Ia gu bei dagodo o de laiono e hano gee laa i dono hale, gai delaadeu henua gu maoha ma gu ngadi dagodo, i hiidinga o de gadilaasa a tangada daa dangada, ma hiidinga o de lili o Tagi Maolunga.

Lamentations 3:10

Ia e bei dagodo o de bea e noho laa ma e tali ai au, ma de laiono e mmuni laa ma e dagitilo ai.

Hosea 13:6

De masavaa aagu ne haangai ai gilaadeu, gai gilaadeu ne boobosu danuaa; de masavaa olaadeu ne boobosu ai, gai gilaadeu gu hagamaolunga; gilaadeu gu ngalo donu au.

Hosea 2:12

Au e sele iho naa ana grapevine ma ana fig go mee aana e hagadaba laa bolo go dono hagaoanga mai i daho ono dau soa. Au e hai naa mommee laa gi se lodo henua, gai denga manu lodo henua e gai naa mee iai.

Hosea 6:1

“Loomai, gidaadeu ga ahe ange gi Tagi Maolunga; ia gu hagammae gidaadeu, aagai ia e hagaieiangi naa gidaadeu; ia gu hagalagolagohia gidaadeu, aagai ia e saabini naa odaadeu maanuga.

Amos 2:14

Taane gemo e dee maua naa donu gi ola, taane mmahi e dee maua naa donu i de hagammahi ia, taane hebagi dau e dee maua naa hogi i de hagaola dono mouli.

Micah 5:8

Gai dangada o Jacob e doe e nnoho laa i magavaa o denga huaadangada soa, e bei de laiono i magavaa o denga manu lodo henua, ma de laiono mmahi i magavaa o denga hagabuulingaa ssiibi, e hagalagolagohia laa ma de hangahanga ina mee i honga dono haiava, gai e deai naa donu se dangada e maua i de hagaola.

Deuteronomy 28:31

Koe e gidee naa de daa o au kaau, gai e deai donu se mee daudahi aau e gai ai. Koe e gidee naa de gaavee gee au donkey mai i oo daha, gai e dee hagaahe adu naa donu gi de goe. Au ssiibi e gaavange naa gi oo hagadaumee, aagai e deai naa donu se dangada e balea adu goe.

Deuteronomy 32:39

Goodou kalo mai diiloo, go au donu deenei, gai e deai ange donu se maadua, go au donu huu. Go au e daia gi maakau, gai go au e hagamouli ina; go au e hagalagolagohia ina, gai go au hogi e hagaieiangi ina; e deai donu se dangada e maua i de hagaola dahi mai i dogu lima sauaa.