Hosea 5:13 - De Beebaa Dabu

¹³ Gai de masavaa a Ephraim ne gidee ai dono magi, gai Judah ne gidee hogi dono maanuga, gai Ephraim ne hano gi Assyria e ssala ai dahi bale, ia ne hai hanu gi hulo gi de hodooligi maolunga laa. Aagai ia tee maua i de hagaieiangi ia, aabe go de hai gi mmahu ono maanuga.

Hosea 5:13 Iomraidhean Croise

2 Kings 15:19

Gai Pul, de hodooligi o Assyria, ne humai e hebagi ange gi de henua, gai Menahem ne gaavange gi de ia e mano talent selevaa, gai ia ga balea ange ai ia e daohi de nohoanga hodooligi laa.

2 Kings 15:29

Gai de masavaa o Pekah e hodooligi ai i Israel, gai Tiglath-Pileser, de hodooligi o Assyria ne humai ga hagadee kii Ijon, ma Abel Beth Maacah, ma Janoah, ma Kedesh, ma Hazor, ma Gilead, ma Galilee, aama de vaaenga alodahi o Naphtali, ga noonooa dangada ga kave gi Assyria.

2 Kings 16:7

Deelaa ai, Ahaz ne aalu ga hai ange gi Tiglath-Pileser, de hodooligi o Assyria, “Au se dangada hai hegau niiou ma e bei dau dama donu. Humai hagaola ina mai au i de hodooligi o Syria ma de hodooligi o Israel, go dangada gu loomai nei e hebagi mai gi de au.”

Isaiah 3:7

Aagai ia e oo naa i de laangi laa, ga hai ange, “Au e dee maua i de hagadanuaa mee nei. E deai donu gai be ni malo i dogu hale; goodou e dee hai au go doodou dagi.”

Jeremiah 30:12

Gai e hagadaba Tagi Maolunga: Doo maanuga e dee maua gi mahu, gai doo mee lagohia e hagammae.

Ezekiel 23:5

Gai Oholah se hine hai be se manu i dono masavaa nogo hai bodu mai ai gi de au; ia ne lodo mmao i ono dau soa go de gau Assyria — go denga daane hebagi

Hosea 10:6

Tiinonga laa e gaavee naa gi Assyria, ga gaavange gi de hodooligi maolunga laa. Ephraim e dogaa naa, Israel e dogaa naa hogi i dono diinonga.

Hosea 12:1

Ephraim e gai de madangi, ma de doolohi de madangi mai i dua i taiao ga boo ai. Gilaadeu e dee modu de hadu muna ma de vaivai hai dangada; gilaadeu e hai dahi hagatoo donu hagaheloongoi madali Assyria, ma de kave denga lolo gi Egypt.

Hosea 14:3

Assyria e dee maua i de hagaola gimaadeu; gimaadeu e dee kage donu i honga denga hoosa hebagi. Gimaadeu e dee aahe ange naa donu e hagahi ange, ‘Omaadeu maadua’ gi denga diinonga amaadeu ne hagatuu, i hiidinga koe e lodo aloha ange gi denga gauligi gu deai olaadeu damana.”

Hosea 2:7

Ia e doolohi saele naa ono dau soa, aagai e dee daea e ia gilaadeu; ia e ssala naa gilaadeu, aagai e dee gi gidee. Gai ia e hagadaba naa, ‘Au ga ahe nei e hano gi daho dogu bodu i mua, go hiidinga au e kii ange dogu danuaa i de masavaa laa.’

Hosea 7:11

Ephraim gu bei dahi manu kono e lodo senga laa ma teai ana maanadu danuaa; ia e hagahi ange Egypt ma de hano gi Assyria.

Hosea 8:9

Gilaadeu gu hulo gi Assyria, bei dahi donkey aada e silivaahea saele laa. Ephraim gu hagao ange ia gi ono dau soa.

Micah 1:9

Go hiidinga dono maanuga gu dee maua gi mahu, gai gu lele ange hogi gi Judah; gai gu dae gi haitoga o Jerusalem, go de aduhale o ogu dangada.