Hosea 5:10 - De Beebaa Dabu

¹⁰ Denga dagi o Judah e bei dangada e uea laa goinga o dangada. Au e hagaduasala naa gilaadeu i dogu bole bei dagodo o tolona.

Hosea 5:10 Iomraidhean Croise

Psalm 32:6

Deenei ai, dangada alodahi e heohi gi dalodalo adu gi de goe i de masavaa alaadeu e maua ai goe; ni muna abodonu, de masavaa naa huu e hagahonu age ai de vai mmahi, gai gilaadeu gu dee maua gi daea adu ia.

Psalm 69:24

Hagaduasala ina gilaadeu i doo bole, gai doo lili laumalie gi hagaduasala ina gilaadeu.

Psalm 88:17

Gilaadeu e haoli au bei dagodo o tolona mai i taiao ga boo ai; gilaadeu gu hagaabulu au.

Proverbs 17:14

Taamada o de hagadaumee e bei de maoha o dahi bae e daohia vai, deelaa ai, duudia de hagadaumee i mua de daamada.

Proverbs 22:28

Aude hagangaalue ina denga goinga madagidagi, a denga dubuna gu lava laa i de hagatuu.

Isaiah 1:23

Oodou dagi ni dangada hai alaadeu hai, gilaadeu ni soa niio de gau gaiaa. Gilaadeu alodahi e malangilangi i ngadi gaavange hagasenga ma de llodo i denga mee ngadi gaavange. Gilaadeu e dee bale ange de gauligi gu deai sono damana, be go de hine gu magau dono bodu.

Ezekiel 22:22

Gai goodou e vaivai naa bei dagodo o denga selevaa i lo te ahi mmahi, gai gi iloo ai e goodou bolo go au donu go Iahweh, ne hagaduasala ina laa goodou i dogu bole.”

Ezekiel 7:8

Au gu dai hagaago adu naa gi goodou dogu bole, gi sili ai dogu lili i goodou; au e hagamodu naa oodou muna gi bei dagodo o oodou hegau, ma de sui adu oodou dahulinga hakino gee alodahi.

Matthew 7:27

Gai ga pala iho huu de langi, ga hagahonu age de vai, ma de ssau mai de madangi ga usu de hale laa; gai gu baguu ga maoha alodahi!”

Luke 6:49

Gai tangada e langona agu muna gai e dee daudali ai, e bei dagodo o tangada e hagaduu laa dono hale i honga de gelegele, gai e deai sono dagelo makaga. Gai ga hagahonu age huu de vai ga usu de hale laa, gai gu moolau donu de baguu, gai gu maoha donu ga odi.”

Deuteronomy 19:14

Goodou e dee hagangaalue goinga o dangada e paa adu gi goodou, go goinga a oodou dubuna madagidagi gu lava i de hagatuu ma gu hagailonga, i de henua a Tagi Maolunga e gaavadu goodou gi henua ai.

Deuteronomy 27:17

“E malaia tangada e uea goinga o tangada e baa ange gi de ia.” Gai dangada alodahi gi hai ange, “Amen!”