Hosea 5:1 - De Beebaa Dabu

¹ De gau haimeedabu, nnoho mai hagalaangona muna nei! Dangada o Israel, goodou nnoho mai hagalaangona! Huaabodu o denga hodooligi, nnoho mai hagalaangona! De hagaduasala nei e hai adu donu gi goodou; go hiidinga goodou ne hagasengalia i Mizpah, gai dahi sele gu doha i honga de mounga go Tabor.

Hosea 5:1 Iomraidhean Croise

Jeremiah 11:7

Mai i de masavaa aagu ne hagassao mai ai oodou dubuna i Egypt ga dae mai ai gi anailaa nei, gai tee modu dagu hagakana ange gilaadeu, ma de hai ange, “Goodou hagallongo mai gi de au.”

Jeremiah 13:18

Hai ange gi de hodooligi ma tinana o de hodooligi: “Gooluu iho mage nnoho i denga nohoanga maolalo, go hiidinga ooluu hau hodooligi mahamaha gu aau gee mai i ooluu biho.”

Jeremiah 46:18

Au e hagatoo donu i dogu mouli, go de Hodooligi e hagadaba, dono ingoo go Tagi o denga hagabuulinga hebagi: E humai naa dahi bei dagodo o Tabor i magavaa o denga mounga, ma dagodo o Carmel i gaogao tai.

Hosea 10:15

Bethel, mee nei e hai adu naa gi de goe, go hiidinga de kona de lagolago oodou baubau. De hodooligi o Israel e daia naa ga magau i de dae mai de laangi laa.

Hosea 13:8

Au e lele ange naa ga gadigadi gilaadeu bei hegau a de bea gu gaavee laa ana dama. Au e gai naa gilaadeu bei hegau a de laiono; gai dahi manu alasala e hangahanga naa gilaadeu.

Hosea 4:1

De gau Israel, nnoho mai hagalaangona muna a Tagi Maolunga; go hiidinga Tagi Maolunga e dahi ana mee e hai baasi ange ai gi dangada e nnoho i de henua. Gu deai dangada e hai hegau i de mee abodonu, aabe se aloha, gai dangada i honga de henua gu dee iloo de Maadua.

Hosea 6:9

De gau haimeedabu soa gu bei de gau daa dangada e mmuni laa ma e tali, e daa gi magau tangada i honga de haiava e hano laa gi Shechem, gilaadeu se hagabau donu e hai hegau baubau nei.

Hosea 9:8

De pelaabisi, go de ia dagitilo o Ephraim madali dogu Maadua, gai sele e dada ai ia gu dugu i honga ono haiava alodahi, gai de hagadau kino gu dagodo i lo te hale o dono Maadua.

Joel 1:2

Denga daane maatua, goodou hagalaangona muna nei, alodahi e nnoho i honga de henua, hagalaangona. Gu hanu laa hegau bee nei ne hai i doodou masavaa, aabe go de masavaa o odaadeu dubuna madagidagi?

Amos 3:1

De gau Israel, goodou hagalaangona muna a Tagi Maolunga e hai baasi adu ai gi goodou, ma e hai baasi ange ai gi denga huaabodu alodahi aagu ne hagassao mai i de henua go Egypt:

Amos 7:9

Denga mommee daumaha o Isaac e oha naa ga ngadi daakodo, mommee dabu o Israel e oha naa ga maoha, gai au e hebagi ange naa gi de huaabodu o Jeroboam i dagu gadilaasa.”

Micah 3:1

Gai au ne hagadaba: “Denga biho o Jacob, ma dagi o de gau Israel, goodou hagalaangona. E dee se mee heohi doodou hai gi iloo de hagamodu heohi?

Micah 3:9

Goodou dagi o dangada o Jacob, goodou dagi o de gau Israel, nnoho mai hagalaangona. Goodou e kino i de hagamodu muna heohi, gai e hagahaisala mee heohi alodahi.

Micah 7:2

Gu deai donu dangada heohi i honga de henua, gu deai donu se dangada e hai hegau i de mee heohi e doe. Dangada alodahi gu nnoho huu e daa dangada gi maakau; dahi dangada e noho e daa dono daina.

Malachi 1:6

Tagi o denga hagabuulinga hebagi e hai adu gi goodou, “Tama e hagadubu dono damana, gai tangada hai hegau e hagadubu dono dangada aamua. Gai noo go au doodou damana, gai gu aha gu deai ai naa soodou hagadubu au? Gai noo go au doodou dangada aamua, gai gu aha goodou gu hagangadi mee ai naa au? Go goodou ogu dangada haimeedabu e hagangadi mee ina naa dogu ingoo. Aagai goodou e ssili, ‘Dee hee demaadeu hai ne hagangadi mee ai doo ingoo?’

Malachi 2:1

“De gau haimeedabu, muna nei ni muna adu gi goodou:

Judges 4:12

Gai de masavaa huu a Sisera ne langona ai bolo Barak, tama daane a Abinoam, gu hanage gi de mounga go Tabor,

Judges 4:6

Gai ia ne aalu Barak, tama daane a Abinoam, mai i Kedesh i de vaaenga o Naphtali, ga hai ange gi de ia, “Tagi Maolunga, de Maadua o Israel, e hai adu gi de goe, ‘Hannoo hagabuni ina e dahisemada daane mai i de aamuli o Naphtali ma de aamuli o Zebulun, ma goodou hulo gi de mounga go Tabor.

1 Samuel 7:16

Ngadau alodahi gai ia e hagadaga i Bethel, ma Gilgal, aama Mizpah, ga hagamodu ai muna o de gau Israel i mommee laa alodahi.

1 Samuel 7:5

Gai Samuel ga hai ange, “Hagabuni ina de gau Israel alodahi i Mizpah, gai au ga dalodalo ange gi Tagi Maolunga i oodou hiidinga.”

1 Samuel 7:6

De masavaa o dangada ne hagabuni i Mizpah, gai gilaadeu ne asu mai vai ga llingi i mada luu mada o Tagi Maolunga, ma de hagahiikai i de laangi laa, ga hagataba, “Gimaadeu gu haisala ange gi Tagi Maolunga.” Gai Samuel ne noho i Mizpah ga dagi ai de gau Israel.