Hosea 4:6 - De Beebaa Dabu

⁶ Ogu dangada gu maakau i hiidinga teai selaadeu iloo mee. Go hiidinga koe ne tili de iloo mee, au e tili gee naa hogi goe i tuulanga o dogu dangada haimeedabu; go hiidinga koe tee anga ange gi hainga a doo Maadua, au e dee anga ange naa hogi au dama.

Hosea 4:6 Iomraidhean Croise

2 Chronicles 15:3

Gai ne daulooloa mmao teai se Maadua abodonu i Israel, teai ai hogi se dangada haimeedabu e agoagona ange gilaadeu, gai teai hainga.

De Beebaa go Job 36:12

Aagai noo gilaadeu e dee hagallongo ange, gai gilaadeu e maakau naa i de gadilaasa, ma de maakau i teai olaadeu iloo mee.

Psalm 119:139

Ogu lodo gu honu i de lodo gaiaa, i hiidinga ogu hagadaumee e dee anga ange gi au muna.

Psalm 119:153

Galo mai diiloo dogu duasala, gai hagaola ina dogu mouli, i hiidinga au tee ngalo donu au hainga.

Psalm 119:61

Gai ga noodia naa donu au i uga a de gau baubau, gai au e dee ngalo donu dau hainga.

Psalm 18:27

Koe e hagaola gilaadeu e llodo maolalo, aagai e hagamaolalo gilaadeu e llodo maolunga.

Proverbs 10:21

Muna a tangada heohi e bale ange dangada soa, aagai de gau llodo ssenga e maakau i hiidinga delaadeu ssenga.

Proverbs 19:2

E dee danuaa de lodo o tangada i dahi mee gai e deai sono iloo mee, gai be goai e hagamoolau e hano, e dee gidee naa e ia de haiava.

Isaiah 1:3

De kaau e iloo dono dangada aamua, dahi donkey e iloo de mommee haangai manu a dono dangada aamua; aagai Israel e dee iloo, ogu dangada tigi tonu ange donu.”

Isaiah 17:10

Goodou gu ngalo de Maadua doodou Ia Hagaola; goodou tee manadua de Baba ne buibuia goodou. Deelaa ai, e dee galemu donu doodou doo manu danuaa, ma denga grapevine ne sigi mai i denga henua gee;

Isaiah 27:11

De masavaa naa huu o ono laa vaaligi e mmasa ai, gai gu hadihadi, gai denga haahine ga hai ai alaadeu ahi. Gai de huaadangada nei e dee maua donu gi tonu ange, gai de ia ne haia gilaadeu tee lodo aloha i gilaadeu; de ia ne haia gilaadeu tee abodonu ange gi gilaadeu.

Isaiah 28:7

Gilaadeu nei e ssenga hogi i denga uvaini, ma de ssee saele i de unu mee mmahi; de gau haimeedabu ma denga pelaabisi gu ssee saele i de unu mee mmahi ma uvaini; gilaadeu e ssenga ange naa i de unu mee mmahi; gilaadeu e ssee saele i delaadeu gidee denga midi, gilaadeu gu dee maua i de hagamodu muna.

Isaiah 29:12

Gai noo de beebaa nei e gaavange gi dahi dangada e dee iloo de dau, ga hai ange, “Daulia de beebaa nei,” gai ia e hai adu naa, “Au e dee iloo i de dau.”

Isaiah 3:12

Denga gauligi e vaivai hai naa ogu dangada, denga haahine e dagudagu ange naa gi gilaadeu. Ogu dangada, oodou dagi e dagi gee goodou; gilaadeu e kave gee goodou i de haiava.

Isaiah 45:20

Goodou loomai hagabuni i dahi mommee; goodou e doe i denga huaahenua, hagabuni mai. Gilaadeu e gaavee saele olaadeu diinonga laagau ni dangada ssenga, gilaadeu e dalodalo ange gi denga diinonga e dee maua laa i de hagaola.

Isaiah 5:13

Deelaa ai, ogu dangada e gaavee naa gi denga henua gee, go hiidinga teai selaadeu iloo mee; olaadeu daane maolunga e maakau naa i de hiikai, gai olaadeu hagabuulinga soa e maakau naa i de hieunu.

Jeremiah 2:8

De gau haimeedabu tee ssili, ‘I hee iai Tagi Maolunga?’ De gau hai hainga tee iloo e gilaadeu au; gai de gau hagaloosi ssiibi gu haisala mai gi de au. Denga pelaabisi gu pasa pelaabisi i de ingoo o Baal, ma de daudali i denga diinonga deai haigamaiana.

Jeremiah 4:22

⌊Tagi Maolunga e hagadaba,⌋ “Ogu dangada ni dangada llodo ssenga; gilaadeu e dee iloo au. Gilaadeu ni dama llodo ssenga; gilaadeu e dee tonu ange. Gilaadeu e heiangi i de hai mee baubau, gai e dee iloo i de hai tanuaa.”

Jeremiah 5:21

Goodou hagalaangona muna nei, e de gau llodo ssenga ma de ssenga, goodou e hanu oodou ganomada, aagai e dee gidee, goodou e hanu oodou dalinga, aagai e dee langona.

Ezekiel 44:23

De gau haimeedabu gi agoago ina ange gi iloo e ogu dangada de hai e vvae ai de mee dabu aama de mee e dee dabu, ma de hagaago ange gi gilaadeu de hai e vvae ai de mee gilimalali ma de mee e dee gilimalali.

Hosea 13:6

De masavaa aagu ne haangai ai gilaadeu, gai gilaadeu ne boobosu danuaa; de masavaa olaadeu ne boobosu ai, gai gilaadeu gu hagamaolunga; gilaadeu gu ngalo donu au.

Hosea 2:13

Au e hagaduasala naa ia i hiidinga laangi aana nogo dudu ai mee maanongi ange gi denga Baal; ia ne hagalaagii ia i denga buulei ma hadu hagamogomogo, ga doolohi saele ai ono dau soa, aagai ia gu ngalo donu au, go Tagi Maolunga e hagadaba.

Hosea 4:1

De gau Israel, nnoho mai hagalaangona muna a Tagi Maolunga; go hiidinga Tagi Maolunga e dahi ana mee e hai baasi ange ai gi dangada e nnoho i de henua. Gu deai dangada e hai hegau i de mee abodonu, aabe se aloha, gai dangada i honga de henua gu dee iloo de Maadua.

Hosea 4:12

o ogu dangada. Gilaadeu e ssili ange naa gi dahi diinonga laagau, gai go dahi bido laagau e basa ange. Gai de hagasaalunga o de hai be se manu gu dagi gee gilaadeu; gilaadeu gu dee hai hegau ange gi delaadeu Maadua i de mee abodonu.

Hosea 4:14

Au e dee hagaduasala naa donu oodou damaa hine i delaadeu hai be ni manu; aabe hagaduasala oodou saulaba i delaadeu dagodo haisala, go hiidinga denga daane e hulo hogi gi daho denga haahine hai be ni manu, ma de hai alaadeu sigidaumaha madali denga haahine hai be ni manu; de huaadangada e dee hai laa gi tonu ange e hagaduasala naa donu.

Hosea 5:4

Alaadeu hegau hakino gee gu daohi gilaadeu gi dee aahe mai gi delaadeu Maadua. Go hiidinga gilaadeu e llodo mmao i de hai be se manu, gai gilaadeu gu dee iloo Tagi Maolunga.

Hosea 6:6

Go hiidinga au e lodo i de lodo aloha, e dee go ssigidaumaha; au e lodo i de iloo mee o de Maadua, e dee go denga sigidaumaha dudu.

Hosea 7:11

Ephraim gu bei dahi manu kono e lodo senga laa ma teai ana maanadu danuaa; ia e hagahi ange Egypt ma de hano gi Assyria.

Hosea 7:9

De gau henua gee gu hai gi deai ono mahi, aagai ia e dee gidee iho donu. Ia gu sinasinaa dono biho aagai ia e dee iloo donu.

Hosea 8:1

Ilihia de hanga manu i doo ngudu! Dahi igele gu hano iho gi honga de hale o Tagi Maolunga, go hiidinga gilaadeu gu oha dagu hagatoo donu hagaheloongoi, ma de hai baasi ange gi agu hainga.

Hosea 8:12

Au ne sisi ange gi gilaadeu mee lagolago i dagodo agu hainga, aagai gilaadeu ne hai hainga nei bei ni mee gee.

Hosea 8:14

Israel gu ngalo de ia ne haia ia, gai gu hagatuu denga hale danuaa; Judah gu hagalagolago ono aduhale buibui. Aagai au e gaamai naa de ahi gi duungia ono aduhale, gai de ahi e dudu naa ga odi denga mommee buibui makaga.

Hosea 9:17

Dogu Maadua e tili naa gilaadeu, go hiidinga gilaadeu tee hagallongo ange gi de ia; gilaadeu e silivaahea saele naa i magavaa o dangada i denga huaahenua.

Matthew 1:6

Gai Jesse ne hagadili de hodooligi go David. David ne hagadili Solomon i daho de bodu o Uriah.

Matthew 15:14

Goodou aude anga ange, gilaadeu ni dagi e dee kide, e dagina de gau dee kide. Noo dahi dangada dee gide e dagidahi dangada dee gide, gai gilaau ngaadahi e too ange donu gi dahi geelinga.”

Matthew 15:8

‘De huaadangada nei e hagadubu au i olaadeu ngudu, aagai olaadeu lodo e mmao gee donu i de au;

1 Samuel 2:12

Gai luu dama daane a Eli ni daane baubau; gilaau ne hagangadi mee Tagi Maolunga.