Hosea 4:2 - De Beebaa Dabu

² Gilaadeu e hagatoo donu i de hagasenga, e hadu muna, ma de daa gi maakau dangada, e gaiaa ma de dagodo haisala. Gilaadeu gu oha hainga alodahi, ma de duudagi de daa ga maakau dangada.

Hosea 4:2 Iomraidhean Croise

Genesis 4:8

Gai a Cain ga hai ange gi dono daina daane, “Gidaau ga hulo gi tuu malaelae.”  Gai de masavaa olaau e nnoho ai i tuu malaelae, gai a Cain ga hebagi ange gi dono daina go Abel, ga daa ia gu magau.

Isaiah 24:5

Dangada gu hai gi hakino gee henua i lalo, gilaadeu tee daudali i denga hainga, gilaadeu gu hagahaisala mee gu lava i de hagasauaa, ma de oha de hagatoo donu hagaheloongoi dee ngado mai laa.

Isaiah 48:1

Dangada o Jacob, goodou hagalaangona muna nei, go goodou gu hagaingoo ange go Israel, gai ne hagadili i daho Judah, goodou e hagatoo donu i de ingoo o Tagi Maolunga, ma de dagudagu de Maadua o Israel, aagai e dee se muna abodonu aabe e hai i de heohi.

Jeremiah 51:5

Gai de Maadua, go Tagi o denga hagabuulinga hebagi, tigi tili donu Israel ma Judah, e dee galemu donu delaadeu henua gu honu i de haisala i mada luu mada o de Ia Dabu o Israel.

Jeremiah 6:7

De aduhale nei e honu malingilingi i de baubau, bei de vai geli e honu baabaa laa i vai. De alasala ma de oha mee e hai i kilaa; gai au e gidee dagodo o dono magi ma ono maanuga i masavaa alodahi.

Lamentations 4:13

Aagai mee nei ne hai i hiidinga haisala o ono pelaabisi aama baubau o de gau haimeedabu, i delaadeu daa ga maakau de gau heohi i lo te aduhale laa.

Ezekiel 7:23

Hagadabena ina denga daula baalanga, go hiidinga de henua gu honu i de gau daa dangada, gai gu kona de vaivai haia dangada i de aduhale.

Hosea 10:13

Goodou ne doo de baubau, gai goodou gu hagihagi hua o de baubau, goodou ne gai hogi hua o de hadu muna. Gai go hiidinga goodou ne kai ange gi oodou mahi donu ma oodou daane hebagi soa,

Hosea 10:4

Gilaadeu e tala hanu ngadi muna, ma de hai denga ngadi hagatoo donu hagaheloongoi; deelaa ai, de hagaduasala gu sula age bei dagodo o denga helii hagammau e ssomo age laa i de mommee gu hagabalabala.

Hosea 11:12

Ephraim gu duuli au i denga muna hhadu, de gau Israel gu daahanga mai au; gai a Judah goi hai baasi ange huu gi de Maadua, de Ia Dabu e hai hegau laa i de mee abodonu.

Hosea 12:14

Aagai Ephraim ne hai ga kona dono lili; gai dono Ia Aamua e hagabaubau naa ia dana daa dangada ga maakau, ma de hagao ange ia i dana hagangadi mee dono Ia Aamua.

Hosea 5:2

Gilaadeu e hai dahi geelonga gelo i Shittim; gai au e haele naa gilaadeu alodahi.

Hosea 6:8

Gilead se aduhale iai de gau baubau, gai e daakodo ai duulangaa dabuvae iai dodo.

Hosea 6:9

De gau haimeedabu soa gu bei de gau daa dangada e mmuni laa ma e tali, e daa gi magau tangada i honga de haiava e hano laa gi Shechem, gilaadeu se hagabau donu e hai hegau baubau nei.

Hosea 7:1

de masavaa aagu e lodo ai e hagaieiangi Israel, gai gu gidee mai baubau a Ephraim, ma hegau dee heohi a Samaria. Gilaau ne hai hegau i de hagasenga, de gau gaiaa e ulu gi lodo hale e gaiaa ai, denga hagabuulinga e gaiaa mee o dangada i honga denga haiava;

Hosea 7:3

Gilaadeu e hagamalangilangi denga hodooligi i alaadeu dahulinga baubau, gai e hagamalangilangi denga dagi i alaadeu muna hhadu.

Hosea 7:4

Gilaadeu alodahi ni dangada dagodo haisala; gai e bei dagodo o de umu mmahi a tangada e dee ulu laa ga dae ai gi de hhua danuaa denga pelaoaa.

Micah 3:2

Goodou ni dangada e kino i tanuaa gai e llodo i de baubau; goodou e bei denga manu e holeholea laa gili o ogu dangada ma de aau gee kano i olaadeu ivi.

Micah 3:9

Goodou dagi o dangada o Jacob, goodou dagi o de gau Israel, nnoho mai hagalaangona. Goodou e kino i de hagamodu muna heohi, gai e hagahaisala mee heohi alodahi.

Micah 6:10

E aha, e maua e au i de hagangalo goloa i de hale o tangada baubau, ne maua i hegau dee heohi, ma de ephah e dee odi ange ma de hagabaubau ina?

Micah 7:2

Gu deai donu dangada heohi i honga de henua, gu deai donu se dangada e hai hegau i de mee heohi e doe. Dangada alodahi gu nnoho huu e daa dangada gi maakau; dahi dangada e noho e daa dono daina.

Zephaniah 3:1

E vakaa naa de aduhale hagamanege ma de hakino gee, gai se aduhale e vaivai haia dangada!

Zechariah 5:3

Gai ia ga hai mai gi de au, “De beebaa nei e sisi ai de hagamalaia e gaavange gi honga henua i lalo alodahi; dahi baasi e sisi ai de hagaduasala o tangada gaiaa, gai de baasi ange laa e sisi ai de hagaduasala o tangada e haia dahi hagatoo donu hadu muna.

Zechariah 7:9

“E hagadaba Tagi o denga hagabuulinga hebagi: ‘Goodou hagamodu ina muna o dangada i de heohi, goodou abodonu, ma de hagadau aaloha i oodou magavaa.

Matthew 23:35

Gai dodo o de gau heohi oodou gu daa ga maakau i henua i lalo alodahi, e dau adu naa gi goodou, mai i dodo o Abel ga dae ai gi dodo o Zechariah tama daane a Berekiah, go taane oodou ne daa ga magau i magavaa o de Aabi Dabu ma de mommee o ssigidaumaha.

Acts 7:52

Gai goai denga pelaabisi a oodou dubuna madagidagi tee vaivai hai? Gilaadeu ne daa ga maakau dangada ne daalaa dagodo de humai o de Ia Heohi laa, go de ia oodou gu gaavange laa ma de daa ga magau —

Deuteronomy 5:11

Aude hagangadi mee ina de ingoo o Iahweh doo Maadua, go hiidinga Tagi Maolunga e hagahaisala donu tangada e hagangadi mee ina dono ingoo.

Deuteronomy 5:18

Aude dagodo haisala.

Deuteronomy 5:19

Aude gaiaa.

1 Thessalonians 2:15

aanei hogi gilaadeu ne daia ga magau Tagi Maolunga go Iesu ma denga pelaabisi, aama de alualu gimaadeu gi hulo. Gilaadeu tee hagamalangilangi de Maadua, aama de hai baasi ange gi dangada alodahi!

Revelation 17:6

Gai au ne gidee bolo de hine laa gu senga i de unu dodo o dangada o de Maadua, go dodo o dangada ne maakau laa, i hiidinga delaadeu tala hagadonu dagodo o Iesu. Gai de masavaa huu aagu ne gidee ai ia, gai au gu kona de lele ogu mouli.