Hosea 3:4 - De Beebaa Dabu

⁴ De gau Israel e daulooloa naa teai selaadeu hodooligi aabe se dagi i de henua, gu deai alaadeu sigidaumaha be ni duludulu dabu, e deai hogi olaadeu ephod aabe ni diinonga i lodo olaadeu hale.

Hosea 3:4 Iomraidhean Croise

Genesis 31:19

De masavaa o Laban ne hano ai e duuduu huluhulu o ana ssiibi, gai Rachel ne gaiaa denga diinonga a de huaabodu o dono damana.

Genesis 31:34

Gai Rachel gu lava i de kave denga diinonga laa, ma gu velo ange gi lo te mee e nnoho ange ai tangada gi honga de gamelo, ga noho ange aagena. Gai Laban ne ssala hogi i lo te hale malo laa, gai teai donu ana mee ne gidee.

Genesis 49:10

De laagau hodooligi e dee aau gee naa donu i daho Judah, aabe e aau gee togo o tagi mai i magavaa luoono vae, ga dae ai gi de humai o de ia niiona togo laa; gai denga huaahenua e hagallongo ange gi de ia.

2 Samuel 6:14

Gai David ga hagaodi ange ono mahi i de anu i mada luu mada o Tagi Maolunga; gai ia ne gahu i dahi ephod e hai i linen.

2 Kings 23:24

Gai Josiah ne hai hogi gi deai dangada e pasa ange gi de gau maakau, ma dangada e pasa ange gi denga hagasaalunga baubau, ma diinonga o denga huaabodu, ma diinonga hakino gee alodahi i Judah ma Jerusalem. Ia ne hagassula muna gu sisi i lo te beebaa o de hainga a tangada haimeedabu go Hilkiah ne gidee laa i lo te hale o Tagi Maolunga.

2 Chronicles 15:2

gai ia ne hano ga hedae ange gi Asa, ga hai ange gi de ia, “Asa, ma denga daane alodahi o Judah ma Benjamin, goodou hagalaangona agu muna. Tagi Maolunga e noho madali goodou, noo goodou e nnoho madali ia. Noo goodou e ssala ia, gai goodou e gidee naa donu ia, aagai noo goodou e tili ia, gai ia e tili naa hogi goodou.

Exodus 28:4

Aanei malo alaadeu e hai: e dahi mee e dau i hadahada, e dahi ephod, e dahi malo laa daha, e dahi malo belee, e dahi goobai malo, aama e dahi mee e nnoa ai lo te ungaalodo. Gilaadeu gi haia malo o doo daina go Aaron ma ana dama daane, e hai hegau mai gi de au i hegau a de gau haimeedabu.

Exodus 28:6

“Gilaadeu gi haia de ephod i goolo, ma huga malo buluu, ma de purple, ma de mmea, aama linen danuaa gu amu ga hilo, ga maaga gi hagalaagii.

Lamentations 2:9

Haitoga o de aduhale gu baakuu gi honga de gelegele; gai olaadeu laagau hagamakaga gu hadihadi ma de maoha. De hodooligi ma denga dagi o de henua gu gaavee gi denga huaahenua; gai gu deai donu hainga, gu deai hogi midi e hagaago ange gi denga pelaabisi mai i daho Tagi Maolunga.

Ezekiel 19:14

De ahi ne daamada de dudu dahi ono laa, gai ne dudu ga vvela ono laa alodahi ma ono hua. Gu deai donu laa makaga o de manu laa e doe e danuaa ange laa gi de hai ai denga laagau hodooligi.’ De mee nei se daahili hagahinangalosaa, gai se daahili e hua i denga maakau.”

Ezekiel 20:32

Gai oodou mee e maanadu naa e dee maua donu i de hai, i doodou hagataba, “Gimaadeu e hai gi bei dagodo o denga huaahenua ange laa, ma huaabodu i denga henua ange laa, gimaadeu e daumaha ange gi denga laagau ma hadu.”

Ezekiel 21:21

De hodooligi o Babylon e humai naa ga duu i de hesilihaginga o luu haiava laa, ga hai ai de buubuu; ia e luuluu naa denga dao o de mee hholu gi too gi lalo, ma de ssili gi iloo i daho ono diinonga, aama de galo ange ga tilo de ade.

Ezekiel 21:31

Au e hagaduasala naa goe i dogu bole ma de hai baasi adu gi de goe i de kona dogu bole; au e dugu ange naa goe gi de gau alasala, go dangada e aabo i de oha mee.

Daniel 11:31

Gai ono hagabuulinga hebagi e hai naa ga dee gilimalali de mommee buibui makaga go de temple, ma de tuu de hai denga sigidaumaha, e hai laa i de laa tubua. Gai gilaadeu e hagaduu age naa de mee hakino gee, e haia laa ga ngadi dagodo de mommee laa.

Daniel 12:11

Gai taelodo o laangi, mai i de masavaa ne tuu ai de hai denga sigidaumaha dudu i de laa tubua, ma de duu age o de mee hakino gee e haia laa ga ngadi dagodo o de mommee laa, se 1,290 laangi.

Daniel 9:27

Gai ia e hai naa dahi hagatoo donu hagaheloongoi makaga madali dangada soa i e dahi uvigi. Gai ga madohi lua naa huu de uvigi laa, gai ia ga tuu gi dee hai denga sigidaumaha dudu ma sigidaumaha ange laa, gai ia e hagaduu naa dahi mee hakino gee i de bido o de temple, e haia laa ga ngadi dagodo de mommee, ga dae ai gi dono hagaodi bei de hai gu hagamodu ange ai laa gi de ia.”

Hosea 13:10

I hee iai doo hodooligi, gai ia ga hagaola ai goe? I hee ai oo dagi i lodo oo aduhale alodahi, go gilaadeu aau ne hai mai laa, “Gaamai gi de au dahi hodooligi ma hanu dagi o de henua”?

Hosea 13:11

Gai au ne gaavadu gi goodou dahi hodooligi i dogu lili, au ne kave gee hogi ia i dogu bole.

Hosea 2:11

Au e tuu naa gi dee hai ana daonga alodahi: go ana daonga gu hagailonga, ma ana daonga i de duu de maasina i dai, ma laangi o Sabbath, aama ana daonga alodahi gu hagailonga.

Leviticus 8:7

Gai ia ga hakahu ange Aaron i dono malo belee, ga nnoa lo tono ungaalodo, ma de hakahu ange ia i de malo laa daha, ga hagauda ange de ephod gi de ia ga nnoa i de malo hagalaagii e nnoa ai laa de ephod.

Zechariah 10:2

Denga diinonga e dee tala de muna abodonu, de gau e daalaa mee e loomai e hadu muna; gilaadeu e tala denga midi dee heohi, alaadeu muna hagaaneane e deai haigamaiana. Deelaa ai, dangada gu ssenga saele bei denga ssiibi; gilaadeu gu duasala i hiidinga gu deai selaadeu hagaloosi.

Zechariah 13:2

E hagadaba Tagi o denga hagabuulinga hebagi: De laangi laa gai au e aau naa ingoo o denga diinonga mai i de henua, gi dee aahe ange ai dangada gi manadua. Gai au e hai naa hogi gi hulo gee mai i honga de henua denga pelaabisi ma hagasaalunga hakino gee.

Luke 21:24

Hanu gilaadeu e daia naa ga maakau i de gadilaasa, hanu e gaavee naa gi denga henua gee; aagai denga Gentile e dagadagahi naa Jerusalem gi lalo olaadeu vae, ga dae ai gi de odi delaadeu masavaa.

John 19:15

Gai gilaadeu ga hevaalogi ga hai ange, “Gaavee gee ia, gaavee gee ia, daudau ina ia i de laagau lui!” Pilate ne ssili ange gi gilaadeu, “Goodou e llodo au gi daudaulia doodou Hodooligi i de laagau lui?” Gai de gau haimeedabu maolunga ga hai ange, “E deai ange donu semaadeu hodooligi, go Caesar donu huu.”

Hebrews 10:26

Gai noo gidaadeu se hagabau donu e haisala, i dua taadeu iloo de muna abodonu, aagai gu deai ange donu se sigidaumaha e maua i de kave gee odaadeu haisala,

Judges 17:5

Gai taane go Micah e dahi ono mommee hai daumaha, gai ia ne hai dahi ephod ma hanu diinonga, ga hili dahi ana dama daane e hai ai dono dangada haimeedabu.

Judges 18:14

Gai denga daane dogolima ne hulo laa e mulidagi ina de mommee go Laish, ga hai ange gi olaadeu dangada, “Goodou e iloo laa bolo e dahi hale i kinei iai dahi ephod, ma hanu diinonga o de huaabodu, aama dahi diinonga i laagau ma baalanga? Gai goodou hagasaelea be ni aha oodou e hai.”

Judges 8:27

Gai Gideon ne hai dahi ephod goolo, ga kave ga dugu i dono aduhale go Ophrah. Gai de gau Israel alodahi ne daumaha ange aagena i kilaa, gai de mee laa gu se mee hagalaavea ai lodo o Gideon ma dono huaabodu.

1 Samuel 14:3

ma Ahijah, tama daane a Ahitub, taina daane o Ichabod, tama daane a Phinehas, tama daane a Eli, tangada haimeedabu o Tagi Maolunga i Shiloh, gai ia e gahu i de ephod. Gai denga daane tee iloo donu bolo Jonathan gu hano.

1 Samuel 15:23

De hai baasi ange gi de ia e bei de hai huuhuaa mee, gai de lodo maolunga e bei de daumaha ange gi denga diinonga. Go hiidinga koe ne kino i muna a Tagi Maolunga, deelaa ai, ia gu kino hogi i de hai goe gi hodooligi.”

1 Samuel 2:18

Gai Samuel e hai hegau i mada luu mada o Tagi Maolunga, gai e gahu i de ephod linen mai i dono gauligi.

1 Samuel 21:9

Gai tangada haimeedabu ga hai ange, “Go de gadilaasa donu huu a Goliath, taane Philistia, go taane aau ne daa ga magau i de geelonga go Elah i kinei; gai e saabini i de malo ma e dugu i tua de ephod. Gaavee de gadilaasa nei, noo koe e lodo ai, go hiidinga e deai ange donu se gadilaasa i kinei.” Gai David ga hai ange, “E deai ange donu se gadilaasa e danuaa ange i de gadilaasa naa; gaamai e kave madali au.”

1 Samuel 22:18

Gai de hodooligi ga hai ange gi Doeg, “Hannoo daia gi maakau de gau haimeedabu naa.” Gai taane Edom go Doeg ne hano ga daa gu maakau de gau haimeedabu laa. Ia ne daa ga maakau e dinovalu ma dogolima daane e kahu i de ephod linen i de laangi laa.

1 Samuel 23:6

De masavaa o Abiathar, tama daane a Ahimelek, ne savini mai ai e mmuni i daho David i Keilah, gai ia ne gaamai dahi ephod madali ia.

1 Samuel 23:9

Gai David gu iloo bolo a Saul gu hagadabena e hebagi ange ai gi de ia. Gai ia ga hai ange gi Abiathar, tangada haimeedabu, “Gaamai de ephod gi kinei.”

1 Samuel 30:7

Gai David ga hai ange gi tangada haimeedabu go Abiathar, tama daane a Ahimelek, “Gaamai de ephod gi ogu daha i kinei.” Gai Abiathar ga gaamai de ephod laa gi de ia.