Hosea 3:2 - De Beebaa Dabu

² Gai au ne hagao de hine laa i e madaangahulu ma lima shekel selevaa ma dahi homer ma dahi lethek barley.

Hosea 3:2 Iomraidhean Croise

Genesis 31:41

Au ne noho madali goe i doo hale i e madalua ngadau. Au ne hai hegau adu gi de goe i e madaangahulu ma haa ngadau, i hiidinga o luaau damaa hine, gai ne tilo ange au manu i e ono ngadau, gai koe ne sui dogu hagaoanga i e madaangahulu hanonga.

Genesis 34:12

Goodou daalaa mai be dee hee maa de hagaoanga, ma de mee ngadi gaavange aagu e gaavadu, gai au ga gaavadu donu gi bei doodou mee e llodo ai, aagai goodou gaamai doodou damaa hine e hai ai dogu bodu.”

Exodus 22:17

Aagai noo tamana o tamaa hine e dee lodo donu e dugu ange dana damaa hine gi hai bodu ange gi taane laa, gai taane laa gi gaavange donu taelodo o sseene e hagao ai laa de bua moe gu dai hai bodu laa.

Isaiah 5:10

Gai de madaangahulu acre o denga veelengaa grape e dahi donu huu bath uvaini e maua ai, e dahi homer golee e doo naa aagai e dahi ephah e maua ai.”

Ezekiel 45:11

De ephah ma de bath e hai gi se hagabaaunga daudahi, de bath se dahi diba i diba e madaangahulu o de homer, gai de ephah se dahi diba i diba e madaangahulu o de homer; gai hagabaulia mee nei i de homer e hai hegau ai laa i de laa tubua.

Hosea 3:3

Gai au ne hai ange gi de ia, “Koe e noho i ogu daha i hanu laangi lagolago; koe e dee dahulinga bei de hine hai be se manu, koe e dee hano hogi gi daho dahi daane gee, gai au ga noho ai naa hogi i oo daha.”

Leviticus 27:16

Gai noo tangada gu vvae gee dahi mommee i de gelegele o dono huaabodu e hagadabu ange gi Tagi Maolunga, gai de hagaoanga o de gelegele laa e hagabau ange gi taelodo o denga golee e doo ai: se madalima shekel selevaa i dahi homer golee barley.

Ruth 4:10

Gai au e kave hogi a Ruth de hine Moab, de bodu o Mahlon, e hai ai dogu bodu. Gai gimaau ga hai ai gi dee lilo de ingoo o demaadeu daina gu magau laa i honga dono alahenua, ma mai i daho dono huaabodu aama mai i dono aduhale. Anailaa nei gai goodou gu hai ai de gau hagadonu o mee nei!”

1 Samuel 18:25

Saul ne hai ange, “Goodou hai ange gi David, ‘E deai ange donu se hagaoanga o de hodooligi e lodo ai, i doo hai bodu ange gi dana damaa hine, go doo hano donu huu ga duuduu e lau gili o denga daane Philistia, e sui ange ai hegau a ono hagadaumee ne hai.’ ” Aagai a Saul ne maanadu de hai denga daane Philistia gi daia David gi magau.