Hosea 2:4 - De Beebaa Dabu

⁴ Au e dee lodo aloha ange naa hogi gi ana dama, go hiidinga gilaadeu ni dama ne hagadili i de dagodo haisala.

Hosea 2:4 Iomraidhean Croise

2 Kings 9:22

De masavaa o Joram ne dae ai gi daho Jehu, gai ia ne ssili ange, “Jehu, go hiidinga o de nnoho paba oou ne humai ai naa?” Jehu ne hai ange, “Se nnoho paba aha? E deai donu se nnoho paba, i taulooloa de hanu diinonga ma huuhuaa mee a doo dinana, go Jezebel, i honga de henua alodahi?”

Isaiah 27:11

De masavaa naa huu o ono laa vaaligi e mmasa ai, gai gu hadihadi, gai denga haahine ga hai ai alaadeu ahi. Gai de huaadangada nei e dee maua donu gi tonu ange, gai de ia ne haia gilaadeu tee lodo aloha i gilaadeu; de ia ne haia gilaadeu tee abodonu ange gi gilaadeu.

Isaiah 50:1

E hagadaba Tagi Maolunga, “I hee iai de beebaa maavae a doodou dinana, aagu ne gaavadu ga hai ai ia gi hano gee? Gai goai aagu ne hagao ange goodou aagena e hagao ai agu muli? Tilo, go hiidinga oodou haisala oodou ne hagao ai gi daha, gai go oodou haisala ne hidi mai ai de hano gee o doodou dinana.

Isaiah 57:3

Aagai goodou — dama a de hine e haia gi loage hagasaalunga, loomai kinei, goodou hagadiilinga o denga haahine dagodo haisala ma de hai be se manu!

Jeremiah 13:14

Au e hai naa gilaadeu gi bei denga ssaa hadu e hagadau hoohoa laa; go denga damana ma denga dama alodahi, go Tagi Maolunga e hagadaba. Au e dee aloha ange naa donu, be e abodonu ange, aabe e lodo aloha ange gi gilaadeu, ga dee daa ai gilaadeu gi maakau.’ ”

Jeremiah 16:5

Gai e hagadaba Tagi Maolunga, “Aude ulu i de hale o dangada e hinangalosaa ai; aude hano hogi gi dangi aabe gi aloha ange gi gilaadeu, go hiidinga au gu kave gee de nnoho paba, ma dogu lodo aloha, aama dogu abodonu mai daho de huaadangada nei, go Tagi Maolunga e hagadaba.

Ezekiel 23:25

Au e hagaduasala naa goe i dogu lodo mmahi, gai gilaadeu ga vaivai hai ai goe i delaadeu llili. Gilaadeu e duuduu naa doo usu ma luoo dalinga, gai dangada e ola e daia naa ga maakau i de gadilaasa. Gilaadeu e booboo naa au dama daane ma damaa hine ga kave, gai ga dudu dangada e doe i de ahi.

Ezekiel 8:18

Deenei ai, au e hagaduasala naa gilaadeu i dogu bole; au e dee lodo aloha ange naa donu gi gilaadeu aabe hagaola gilaadeu. Gai ga kona naa donu delaadeu oo mai gi lodo luoogu dalinga, gai au e dee hagallongo donu gilaadeu.”

Ezekiel 9:10

Gai au e dee lodo aloha ange naa donu gi gilaadeu aabe hagaola gilaadeu, aagai au e hagaduasala naa donu gilaadeu i hiidinga alaadeu hegau.”

Hosea 1:2

De masavaa a Tagi Maolunga ne daamada ai de tala ana muna i daho Hosea, gai ia ne hai ange gi Hosea, “Hannoo hai bodu ange gi dahi hahine hai be se manu, ma de hagadili hanu dama i ono daho, go hiidinga de gau de henua gu bei dagodo o de hine hai be se manu laa, gilaadeu gu huuhuli gee mai i Tagi Maolunga.”

Hosea 1:6

Gai Gomer ne hai dama ange hogi ga haanau dahi damaa hine. Gai Tagi Maolunga ga hai ange gi Hosea, “Hagaagahi ange dono ingoo go Lo-Ruhamah, go hiidinga au e dee lodo aloha ange naa donu gi dangada o Israel, aabe e degi ange gi gilaadeu.

Hosea 5:7

Gilaadeu tee hai hegau ange gi Tagi Maolunga i de muna abodonu; gilaadeu ne hagadili denga dama gaiaa. Gai taonga i de duu de maasina i dai, e oha naa gilaadeu ma alaadeu veelenga.

Zechariah 1:12

Gai tangada de langi o Tagi Maolunga ga hagadaba, “Tagi o denga hagabuulinga hebagi, dee hee maa taulooloa doo dee degi ange gi Jerusalem ma denga aduhale o Judah, ma de golo age doo lili i ngadau e madahidu nei?”

John 8:41

Gai goodou e hai donu mee a doodou damana gu hai.” Gilaadeu ne hai ange gi de ia, “Gimaadeu tee hagadili i de hai be se manu; gimaadeu e dahi donu huu omaadeu damana, go de Maadua.”

Romans 11:22

Deenei ai, galo ange diiloo dagodo o de abodonu ma de hagamaatagu o de Maadua: ia e hagamadagu ange gi gilaadeu gu tuu ma gu too, aagai e abodonu adu gi de goe, noo koe e duudagi de noho i lalo dono abodonu. Gai noo e deai, gai koe e tuu donu hogi ga doo.

Romans 9:18

Deelaa ai, de Maadua e abodonu ange gi tangada oona e lodo e abodonu ange aagena, gai e hagamakaga lodo o tangada aana e lodo e hagamakaga ono lodo.

James 2:13

Go hiidinga de Maadua e dee degi ange donu gi tangada e dee degi ange laa gi dangada i de masavaa hagamodu muna; aagai tegi e kii i de hagamodu muna.