Hosea 2:16 - De Beebaa Dabu

¹⁶ De laangi laa, go Tagi Maolunga e hagadaba, gai koe e hagahi mai naa ‘Dogu bodu’ gi de au, koe gu dee hai mai ‘Dogu Baal’.

Hosea 2:16 Iomraidhean Croise

Genesis 34:3

Gai ia gu kona donu dono vaasuu i Dinah, tamaa hine a Jacob; ia gu aloha i tamaa hine laa, ga basa maamaane ange gi de ia.

Isaiah 40:2

Hagamaamaane ina lodo o Jerusalem; daalaa ange gi de aduhale laa bolo gu odi ange dono masavaa hagaduasala, gai ono baubau gu maatala; Tagi Maolunga ne hai gi lua hanonga e kii ange ai dono hagaduasala i ono haisala.

Isaiah 54:5

Go hiidinga doo bodu go ia ne haia goe, dono ingoo go Tagi o denga hagabuulinga hebagi; gai de Ia Dabu o Israel go doo Ia Hagaola, ia e hagaingoo ange go de Maadua o henua i lalo alodahi.

Jeremiah 3:14

Goodou aahe mai, denga dama gu daahuli gee i de au, go Tagi Maolunga e hagadaba. Go au doodou dangada aamua; au e kave naa hanu goodou — e dahi mai i dahi aduhale gai e dogolua mai i dahi huaabodu — gai au e hagaahe mai naa goodou gi Zion.

Ezekiel 20:35

Gai au e kave naa goodou gi de vao o denga huaahenua, gai au ga hagaduasala ai goodou i kilaa.

Hosea 2:7

Ia e doolohi saele naa ono dau soa, aagai e dee daea e ia gilaadeu; ia e ssala naa gilaadeu, aagai e dee gi gidee. Gai ia e hagadaba naa, ‘Au ga ahe nei e hano gi daho dogu bodu i mua, go hiidinga au e kii ange dogu danuaa i de masavaa laa.’

John 3:29

Taane niiona de bodu go taane gu dai hagahai bodu. Gai ssoa o taane gu dai hagahai bodu e duu ma e tali e hagallongo ana muna, gai ia e malangilangi mmao i dana langona de leo o taane gu dai hagahai bodu. Deenei ai, dogu malangilangi gu honu danuaa.

2 Corinthians 11:2

Au gu lodo gaiaa i oodou hiidinga i de lodo gaiaa o de Maadua. Au ne hagatoo donu e hai goodou go de hagababa gilimalali o dahi daane, go Klisdo.

Revelation 19:7

Gidaadeu ga malangilangi ma de llodo danuaa, aama de hagamahamaha ia, go hiidinga gu dae mai de masavaa o de hagahai bodu o Ssiibi Gauligi, gai dono bodu gu lava i de hagadabena ono mee,

Judges 19:3

Gai dono bodu ne hano gi kilaa e usuusu ange ia gi ahe mai. Gai ia ne kave dahi ono daane hai hegau, ma e lua donkey madali ia. Gai de hine laa ne kave ia gi de hale o dono damana, gai dono damana ne malangilangi i de abodonu ange gi de ia, i de masavaa aana ne gidee ai ia.

Ruth 2:13

Gai a Ruth ga hai ange, “Dogu dangada aamua, gu laumalie doo abodonu mai gi de au. Koe gu hagaaneane ogu lodo ma de basa danuaa mai gi de au, doo hahine hai hegau, e dee galemu donu au e dee go dahi oo hahine hai hegau.”