Hosea 2:13 - De Beebaa Dabu

¹³ Au e hagaduasala naa ia i hiidinga laangi aana nogo dudu ai mee maanongi ange gi denga Baal; ia ne hagalaagii ia i denga buulei ma hadu hagamogomogo, ga doolohi saele ai ono dau soa, aagai ia gu ngalo donu au, go Tagi Maolunga e hagadaba.

Hosea 2:13 Iomraidhean Croise

2 Kings 1:2

De masavaa laa gai Ahaziah ne doo iho laa magavaa denga laagau i de aabi e mua gi lunga i dono hale i Samaria ga magi ga dagodo ai; gai ia ne kave hanu dangada gi hulo gi siilia gi iloo i daho Baal-Zebub, tiinonga o Ekron, be ia e ieiangi mai naa i dono magi be deai.

2 Kings 10:28

Deenei de hai a Jehu ne hai ai ga deai dangada e daumaha ange gi Baal i Israel.

2 Kings 21:3

Ia ne hagatuu age ange denga mommee daumaha, a dono damana go Hezekiah gu oha laa; ia ne hagatuu age hogi hanu mommee o ssigidaumaha o Baal, ma dahi duludulu laagau o Asherah, bei dagodo hegau a Ahab, de hodooligi o Israel. Ia ne ino ma de daumaha ange gi denga heduu alodahi i lo te langi.

De Beebaa go Job 8:13

Aanei dagodo o dangada alodahi e ngalo de Maadua; e deai donu se tali a de gau baubau.

Psalm 106:13

Aagai ne moolau delaadeu ngalo ana hegau; gilaadeu tee tali gi iloo e gilaadeu ana hagatau.

Psalm 106:21

Gai gilaadeu ne ngalo de Maadua, delaadeu Ia Hagaola, go de ia ne haia denga hegau maolunga i Egypt,

Psalm 78:11

Gilaadeu gu ngalo ana hegau ne hai, ma hegau hagalele mouli aana ne hagaago ange gi gilaadeu.

Exodus 32:34

Iainei gai koe hannoo dagina de huaadangada naa gaavee gi de mommee aagu gu tala adu gi de goe. Gai dogu dangada de langi e hano naa i oo mada i mua. Aagai de laangi naa huu aagu e hagaduasala ai gilaadeu, gai au ga hagaduasala gilaadeu i hiidinga olaadeu haisala.”

Isaiah 17:10

Goodou gu ngalo de Maadua doodou Ia Hagaola; goodou tee manadua de Baba ne buibuia goodou. Deelaa ai, e dee galemu donu doodou doo manu danuaa, ma denga grapevine ne sigi mai i denga henua gee;

Isaiah 65:7

go oodou baubau ma baubau o oodou dubuna, go Tagi Maolunga e hagadaba. Go hiidinga gilaadeu ne dudu denga sigidaumaha i honga denga mounga ma de hai baasi mai gi de au i honga duuduu, au e hagabau ange naa gi gilaadeu de hagaoanga o alaadeu hegau i mua.”

Jeremiah 11:13

Judah, oo diinonga gu lagolago donu bei oo aduhale, gai oo mommee o ssigidaumaha ma de dudu ai mee maanongi ange gi tiinonga hagadookaa go Baal, gu bei donu de lagolago haiava o Jerusalem.

Jeremiah 18:15

Aagai ogu dangada gu ngalo au, gilaadeu e dudu mee maanongi ange gi denga ngadi diinonga, gai denga diinonga gu hai gilaadeu gi dee maua i de seesee i de haiava madagidagi. Denga diinonga laa gu hai gilaadeu gi hulo i denga dao haiava gee, aama honga haiava tigi bae.

Jeremiah 2:32

E aha, e maua e de gauligi hahine gi ngalo ono mee hagalaagii, aabe go de hine gu dai hai bodu i de ngalo ono malo? Aagai ogu dangada gu ngalo au i hanu laangi lagolago.

Jeremiah 23:2

Gai e hagadaba Tagi Maolunga de Maadua o Israel, i dagodo o de gau hagaloosi e diiloo ange ogu dangada: “Go hiidinga goodou gu dugu agu ssiibi gi hulo, tee tilo ange gilaadeu, au e hagaduasala naa goodou i hiidinga oodou hegau baubau, go Tagi Maolunga e hagadaba.

Jeremiah 7:34

Gai au e hai naa gi dee langona leo o de hine ma taane gu dai hagahai bodu e llodo danuaa ai, aabe e malangilangi ai i lodo aduhale o Judah, aama honga haiava o Jerusalem, gai de henua e ngadi dagodo naa.”

Jeremiah 7:9

E aha, goodou e gaiaa laa ma de daa dangada, ma de dagodo haisala, ma de hagatoo donu i denga diinonga, ma de dudu mee maanongi ange gi Baal, aama de daumaha ange gi denga diinonga oodou e tee iloo i mua,

Lamentations 1:4

Denga haiava e hulo laa gi Zion gu hinangalosaa, go hiidinga gu deai dangada e loomai gi denga daonga gu hagailonga laa. Haitoga alodahi o de aduhale gu deai dangada iai, ono gau haimeedabu gu tangi; denga bua mmoe gu daemaha olaadeu lodo, gai Zion gu duasala mmao.

Lamentations 5:14

Denga daane maatua gu dee hagabuni i ma te haitoga o de aduhale; denga dama daane gu dee hagadangidangi.

Ezekiel 16:12

Au ne hagapigi ange hogi dahi buulei gi doo usu, ma hanu hakai gi luoo dalinga, aama de hagauda adu dahi hau hodooligi gi honga doo biho.

Ezekiel 16:17

Koe ne kave hogi agu hadu hagamogomogo danuaa ne gaavadu gi de goe, go hadu hagamogomogo ne hai i agu goolo ma selevaa, ga hai ai hanu diinonga bei hoolinga o taane, gai koe ga dagodo haisala madali gilaadeu.

Ezekiel 22:12

Hanu dangada i oo daha e kave mee ngadi gaavange hagasenga e daa ai dangada gi maakau; koe e hai gi laumalie de mee a dangada e paa adu gi de goe e hagao i au sseene e gaavange gi gilaadeu. Gai koe gu ngalo donu au, go de Ia Aamua go Iahweh e hagadaba.

Ezekiel 23:35

Deenei ai, e hagadaba de Ia Aamua go Iahweh: Go hiidinga koe ne ngalo au ma de huli mai doo dua gi de au, deelaa ai, koe e kave naa donu de hagaoanga o au dahulinga hakino gee ma doo hai be se manu.”

Hosea 11:2

Aagai ga dee modu huu dagu hagaagahi gilaadeu, gai gu kii ange donu delaadeu hulo ga hagammao gee i de au. Gilaadeu ne sigidaumaha ange gi denga Baal, ma de dudu mee maanongi ange gi denga diinonga.

Hosea 13:1

De masavaa o Ephraim ne basa ai, gai dangada gu maatagu; gai ia ne hagaamua ina i Israel. Aagai ia ne haisala i dono daumaha ange gi Baal, gai ia gu magau.

Hosea 13:6

De masavaa aagu ne haangai ai gilaadeu, gai gilaadeu ne boobosu danuaa; de masavaa olaadeu ne boobosu ai, gai gilaadeu gu hagamaolunga; gilaadeu gu ngalo donu au.

Hosea 2:5

Delaadeu dinana se hine hai be se manu, de hine ne hanaua gilaadeu e hagadookaa ana dahulinga. Ia ne hagadaba, ‘Au ga hano nei e ssala ogu dau soa, e gaamai laa agu gai ma vai e unu, ma agu wool ma flax, ma agu lolo aama agu mee e unu.’

Hosea 2:7

Ia e doolohi saele naa ono dau soa, aagai e dee daea e ia gilaadeu; ia e ssala naa gilaadeu, aagai e dee gi gidee. Gai ia e hagadaba naa, ‘Au ga ahe nei e hano gi daho dogu bodu i mua, go hiidinga au e kii ange dogu danuaa i de masavaa laa.’

Hosea 4:13

Gilaadeu e hai alaadeu sigidaumaha i ulu mounga, ma de dudu alaadeu sigidaumaha i honga duuduu, ma lalo denga oak, ma poplar aama terebinth, go de mommee e lilo danuaa. Deelaa ai, oodou damaa hine gu hai ma gu ni haahine hai be ni manu, gai oodou saulaba gu dagodo haisala.

Hosea 4:6

Ogu dangada gu maakau i hiidinga teai selaadeu iloo mee. Go hiidinga koe ne tili de iloo mee, au e tili gee naa hogi goe i tuulanga o dogu dangada haimeedabu; go hiidinga koe tee anga ange gi hainga a doo Maadua, au e dee anga ange naa hogi au dama.

Hosea 8:14

Israel gu ngalo de ia ne haia ia, gai gu hagatuu denga hale danuaa; Judah gu hagalagolago ono aduhale buibui. Aagai au e gaamai naa de ahi gi duungia ono aduhale, gai de ahi e dudu naa ga odi denga mommee buibui makaga.

Hosea 9:7

Denga laangi o de hagaduasala gu tae mai donu, laangi e hagao ange ai hegau a dangada gu paa mai. Haia gi iloo e Israel de mee nei. De pelaabisi gu bei tangada lodo senga; gai taane iai de hagasaalunga gu senga ange, go hiidinga oodou baubau gu lagolago mmao gai goodou gu kona mmao de hagadau kino.

Amos 8:10

Au e sui naa oodou laangi daonga gi ni laangi niiodou e tangi ai, gai oodou daahili alodahi e sui gi ni daahili hagahinangalosaa. Au e hai naa goodou gi kahu i malo daladala, ma de dahi gi malali oodou biho. Au e hai naa goodou gi tangi bei tangada e dangi laa i hiidinga de magau o dana dama dagidahi, gai de hagaodi o de laangi laa gi bei dahi laangi mmala.

Deuteronomy 32:18

Koe gu dee anga ange gi de Baba, go de ia ne hagadili ina goe; gai koe gu ngalo de Maadua ne haia goe.

Deuteronomy 6:12

gai goodou dagidiiloo goodou kana ngalo Tagi Maolunga, ne hagassao ina mai laa goodou i de henua go Egypt, go de mommee oodou nogo hai hegau hagaduasala ina ai.

Judges 10:6

Gai de gau Israel ne aahe ange hogi ga hai denga dahulinga baubau i mada luu mada o Tagi Maolunga; gilaadeu ne daumaha ange gi denga Baal, ma Ashtaroth, ma denga diinonga o Syria, ma diinonga o Sidon, ma diinonga o Moab, ma diinonga o de gau Ammon, aama diinonga o de gau Philistia. Gilaadeu ne tili Tagi Maolunga gu dee daumaha ange gi de ia.

Judges 3:7

Gai de gau Israel ne dahulinga baubau i mada luu mada o Tagi Maolunga; gilaadeu ne ngalo Tagi Maolunga delaadeu Maadua, gai ga daumaha ange gi denga Baal ma denga Ashtaroth.

1 Samuel 12:9

Aagai gilaadeu ne ngalo Tagi Maolunga delaadeu Maadua; gai ia ga dugu ange gilaadeu gi Sisera, tagi o de hagabuulinga hebagi o Hazor, ma de gau Philistia, aama de hodooligi o Moab, gi hagadee kii ina gilaadeu.