Hosea 14:5 - De Beebaa Dabu

⁵ Au e bei naa de maluulu o taiao ange gi Israel; gai ono huaala e bei naa bei de lilii. Ono aga e bei naa aga o cedar o Lebanon,

Hosea 14:5 Iomraidhean Croise

2 Samuel 23:4

ia e bei de maalama o de laa i taiao, ma de laa e dii laa i de laangi e deai hagausinga iai, ma de maalama i dua de pala de langi e hagassomo ina laa helii i honga de gelegele.’

2 Kings 19:30

Gai dangada ne ola i Judah e nnoho naa i de henua bei dagodo o de manu somo e ssomo laa ono aga ga hulo gi lo te gelegele, gai ono laa iai hua lagolago.

De Beebaa go Job 29:19

Au e bei de manu somo e hulo laa ono aga gi lodo vai, gai ono laa e hagamaluulu i ssuungia o de boo.

Psalm 133:3

Gai e bei de mee maluulu o Hermon, e hano iho laa gi honga de mounga go Zion. Go kilaa a Tagi Maolunga e hagamanuuia ai; go kilaa hogi iai de mouli e dee ngado mai.

Psalm 72:16

Gi lagolago grain i honga de henua; ma de singasinga saele i honga mounga. Gai ono huamanu gi ssomo danuaa bei Lebanon; gai gi soa dangada i lodo aduhale bei denga helii lagolago i honga de henua.

Psalm 72:6

Ia gi bei dagodo o de langi e hagamaluulu ina laa denga helii, ma vai e hagamaluulu ina laa henua i lalo.

Psalm 80:9

Koe ne hagamalaelae de gelegele ga doo ai, gai gu ssomo ono aga, gai de manu laa gu somo ga haoli honga de henua.

Psalm 92:12

Tangada heohi e bei de nui somo danuaa, gai ia e somo bei dahi cedar o Lebanon.

Psalm 92:13

Gilaadeu e doo i lo te hale o Tagi Maolunga, gilaadeu e ssomo danuaa i lodo buibui o taadeu Maadua.

Proverbs 19:12

De bole o de hodooligi e bei de hagangolo o de laiono, aagai dono abodonu e bei de mee suungia e hano iho laa gi honga helii.

Song of Songs 2:16

Dogu dau soa niiagu, gai au niiana; ia e haangai ana ssiibi i magavaa o denga lilii.

Song of Songs 4:5

Luoo gaanuunu e bei e lua gazelle gauligi, ma luu dama a dahi gazelle, e gaimee saele laa i magavaa lilii.

Isaiah 12:1

De laangi laa gai koe e hagadaba naa: “Tagi Maolunga, au e hagaahe adu de abodonu gi de goe, go hiidinga, e dee galemu koe nogo lili i de au, gai iainei koe gu dee lili, gai gu hagaaneane ogu lodo.

Isaiah 18:4

Tagi Maolunga ne hai mai gi de au, “Au e noho naa ga dee muu ga galo iho ai i dogu mommee noho, bei de vvela o de laa i de masavaa e dii ai, ma de mee maluulu i de masavaa hagihagi e hagavvela laa.”

Isaiah 26:19

De gau maakau e mouli age naa; olaadeu angaanga e hiihidi age naa. Goodou denga angaanga i lodo daanunga, hiihidi age daahili i doodou malangilangi. Go hiidinga oodou mouli hoou e bei de mee suungia i taiao, gai de gelegele e hagaahe age naa denga hagasaalunga o de gau maakau.

Isaiah 27:6

Gai Jacob e ssomo mai naa ono aga i laangi e loomai, gai Israel e loage naa ono laa ma ono huaala, ga loage ono hua ga hhao henua i lalo alodahi.

Isaiah 35:2

gai ono hua manu e aala naa; gai e oo naa ga malangilangi ma de lodo danuaa. Gai e mahamaha naa bei Lebanon, ma de maolunga o Carmel ma Sharon. Gai dangada e gidee naa de mahamaha o Tagi Maolunga, ma de maolunga o taadeu Maadua.

Isaiah 44:3

Au e llingi ange naa denga vai gi honga de henua e deai vai iai, ma de hai gi hanu saalingaa vai i honga de gelegele mmasa; au e gave iho naa dogu Hagasaalunga gi honga doo hagadiilinga, ma de hagamanuuia oo aamuli.

Isaiah 45:8

De langi i lunga, haia gi hano iho de heohi bei de langi pala mai i denga hagausinga. Gai henua i lalo gi huugea ono haitoga, gi somo age ai de hagaola gai de heohi gi matili age hogi; go au, go Iahweh ne haia de mee nei.

Isaiah 57:18

Au gu gidee donu ana haingaa mee, aagai au e hagaieiangi naa donu ia, au e dagi naa ia ma de hagaaneane ia, aama ono dangada e hinangalosaa,

Isaiah 57:19

ma de hai gilaadeu e hinangalosaa i Israel gi duuhia. De noho baba, de noho baba, ange gi gilaadeu e mmao, ma gilaadeu e paa mai, go Tagi Maolunga e hagadaba. Gai au e hagaieiangi naa gilaadeu.

Jeremiah 3:22

“Denga dama dee hai hegau i de mee abodonu, goodou aahe mai; gai au ga hagaieiangi goodou gi hai hegau ai goodou i mee abodonu.” ⌊Dangada ne hai mai,⌋ “Uaa, gimaadeu e loomai naa gi de goe, i hiidinga go koe go Iahweh demaadeu Maadua!

Jeremiah 32:41

Gai au e malangilangi naa donu i de hai ange tanuaa gi gilaadeu, ma de hai naa gilaadeu gi nnoho i de henua nei ga hano ai, i ogu lodo alodahi, ma dogu hagasaalunga alodahi.

Hosea 6:3

Gidaadeu gi iloo Tagi Maolunga, gai gi hagaduu ngae gi iloo e gidaadeu Tagi Maolunga. Gai ia e hanage naa donu bei de sula age o de laa i taiao; ia e humai naa gi odaadeu daha bei de langi i de masavaa hagamagalili, ma de langi i taamada o de ngadau e hagamaluulu ina honga de henua.”

Micah 5:7

Gai dangada o Jacob e doe i daho denga huaadangada soa e bei naa de mee maluulu mai i daho Tagi Maolunga, ma de langi pala i honga helii, e dee tali ange donu dahi dangada aabe e dahi alaadeu tali ange gi tangada.

Micah 7:18

De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.

Matthew 6:28

Aagai gu aha goodou gu manavasaa ai naa i oodou mee e kahu ai? Goodou kalo ange diiloo de hai o denga lilii i lo te duu malaelae e ssomo ai. Gilaadeu e dee hai hegau aabe e llanga olaadeu malo,

Luke 12:27

Goodou kalo ange diiloo denga lilii: gilaadeu e dee hai hegau aabe e llanga olaadeu malo. Aagai au e hai adu gi goodou: Solomon, i dono mahamaha alodahi tee gahu hagadanuaa donu bei dagodo o dahi lilii nei.

Ephesians 3:17

gi noho ai Klisdo i oodou lodo i de gai, gai goodou gu hagamakaga ma de dagelo i de aloha,

Deuteronomy 32:2

Agu agoago e bei dagodo o de langi pala, agu muna e loiho bei de mee suungia o taiao; bei de langi e pala iho laa gi honga helii se goodo matili age, aama de langi e hano iho maalie laa gi honga denga manu ssomo vaaligiligi.