Hosea 13:16 - De Beebaa Dabu

¹⁶ Dangada o Samaria e hagaduasala donu i hiidinga olaadeu haisala, go hiidinga gilaadeu ne hai baasi ange gi delaadeu Maadua. Gilaadeu e daa naa ga maakau i de gadilaasa; alaadeu gauligi e dagadagahia naa gi lo te gelegele, alaadeu haahine hai tama e hangahanga ina naa olaadeu dinae.

Hosea 13:16 Iomraidhean Croise

2 Kings 15:16

De masavaa laa gai Menahem ne humai i Tirzah ga hebagi ange gi Tiphsah, ma dangada alodahi i de aduhale ma ono mommee alodahi, go hiidinga gilaadeu tee llodo e hhuge ono haitoga. Ia ne oha Tiphsah ma de hangahanga dinae o denga haahine hai tama alodahi.

2 Kings 17:18

Deelaa ai, Tagi Maolunga gu lili mmao i de gau Israel, ga aau gee gilaadeu i mada luoono mada. Go de aamuli donu huu o Judah e doe,

2 Kings 17:5

Gai de hodooligi o Assyria ne hebagi ange gi de henua alodahi, gai ia ne duuli luu baasi o Samaria i e dolu ngadau.

2 Kings 17:6

Gai ssiva ngadau huu o Hoshea, gai de hodooligi o Assyria ga hagadee kii Samaria, ga kave de gau Israel gi Assyria, ga dugu gilaadeu i Halah ma Gozan i gaogao ssaalingaa vai go Habor, aama lodo aduhale o de gau Media.

2 Kings 8:12

Gai Hazael ga ssili ange, “Dogu dangada aamua, gu aha gu dangi ai naa goe?” “Go hiidinga au e iloo bolo koe e hai ange naa dahi hegau baubau gi de gau Israel. Koe e dudu naa olaadeu aduhale buibui, ma de daa gi maakau alaadeu dama daane i de gadilaasa, ma de maga alaadeu gauligi gi honga de gelegele, aama de hangahanga dinae o denga haahine hai tama.”

Isaiah 13:16

Alaadeu gaagaa e dagadagahia naa ga maakau i olaadeu mada i mua; gai goloa i lodo olaadeu hale e gaavee naa, gai alaadeu haahine dau bodu e haia naa gi de mahi.

Isaiah 17:3

Denga aduhale buibui o Ephraim e llilo naa, Damascus e deai naa sono sauaa e dagi ai; gai dangada e doe i Syria e bei naa dagodo o de mahamaha o de gau Israel, go Tagi o denga hagabuulinga hebagi e hagadaba.

Isaiah 8:4

go hiidinga i mua dana iloo de hagaagahi adu, ‘Dogu damana’ aabe go ‘Dogu dinana’, gai de lava o Damascus ma goloa o Samaria e gaavee gee naa e de hodooligi o Assyria.”

Hosea 10:2

Gilaadeu gu llodo lagolago, gai gilaadeu e hagaduasala naa donu i hiidinga olaadeu baubau. Tagi Maolunga e oha naa olaadeu mommee o ssigidaumaha, ma duludulu o olaadeu diinonga.

Hosea 11:6

De gadilaasa e hano naa laa lodo olaadeu aduhale, ga oha mee hagamakaga o denga haitoga, ma de hai gi dee ssula alaadeu hagatau.

Hosea 7:14

Gilaadeu tee dalodalo mai i de lodo abodonu, aagai e tangi see i honga olaadeu moenga. Gilaadeu ne hagalagolagohia gilaadeu i hiidinga denga grain ma uvaini hoou; aagai gilaadeu ne daahuli gee mai i de au.

Amos 1:13

E hagadaba Tagi Maolunga: “Tolu hanonga o de gau Ammon e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu ne hangahanga dinae o denga haahine hai tama i Gilead, gi kii ange de lahalaha delaadeu henua.

Amos 3:9

Hagailoo ina ange gi denga mommee buibui makaga o Ashdod, ma ange gi mommee buibui makaga i de henua go Egypt, hai ange, “Goodou hagabuni mai gi honga mounga o Samaria; diiloo ai de hellumi laumalie i kilaa, ma de hagaduasala gu hai i magavaa o ono dangada.”

Amos 9:1

Au ne gidee de Ia Aamua e duu i gaogao de mommee o ssigidaumaha, gai ia ne hagadaba, “Hagailiilihia de ulu o denga duludulu gi ngalungalue ai de hale alodahi, ma de maoha iho gi honga biho o dangada alodahi. Gai dangada e doe gai au e daa naa gi maakau i de gadilaasa; e deai donu se gilaadeu e maua i de savini e hano; e deai donu se gilaadeu e hagaola.

Micah 1:4

Denga mounga gu vaivai i lalo luoono vae, gai denga geelonga gu mahangahanga, bei denga wax e vaivai laa i de ahi, ma denga vai e ssali iho laa i de madadaagodo.

Micah 6:16

Koe ne kana ange ga daohi hainga a Omri, ma hegau alodahi a de huaabodu o Ahab; goodou e daudali i alaadeu hagasaele. Deelaa ai, au e hai naa goe gi ngadi dagodo, gai oo dangada e hai naa ga llele mouli o dangada, ma de hagangadi mee ina daho dangada.”

Nahum 3:10

Aagai ono dangada gu gaavee gee i de henua, ma de gaavee gi dahi henua gee. Ana gaagaa ne dagadagahia naa gi lo te gelegele i dege o denga haiava. Dangada e dada naa denga laagau i ono dangada aamua, gai ono dangada maolunga ne noonoodia i daula baalanga.