Hosea 12:7 - De Beebaa Dabu

⁷ Tangada hagao mee e hai hegau i de mee hagahidi hagasenga, e lodo i de vaivai hai dangada.

Hosea 12:7 Iomraidhean Croise

Genesis 49:18

Tagi Maolunga, au e tali dau hagaola.

Proverbs 11:1

Tagi Maolunga e kino i de mee hagahidi hagasenga, aagai e malangilangi i de mee hagahidi e heohi abodonu.

Proverbs 16:11

De mee haide ma de mee hagabau heohi ni mee nii Tagi Maolunga; gai mee alodahi e hagahidi go ia ne haia.

Isaiah 3:5

Dangada e hagadau vaivai daakodo naa i olaadeu magavaa, dahi dangada e vaivai hai tangada ange laa ma tangada e baa ange gi de ia. De gauligi e hai baasi ange naa gi tangada madumadua, tangada maolalo e hai baasi ange naa gi tangada hagadubu.

Isaiah 56:1

E hagadaba Tagi Maolunga: “Hai hegau i de hagamodu heohi, gai haia de mee heohi, go hiidinga dagu hagaola gu baa mai donu, gai dogu heohi gu dai hagaago mai donu.

Ezekiel 16:3

mage hai ange, ‘De Ia Aamua go Iahweh e hai ange gi Jerusalem: Koe ne daamada mai ma de haanau i de henua o de gau Canaan; doo damana se daane Amor, gai doo dinana se hine Heth.

Ezekiel 22:29

Dangada e nnoho i honga de henua e hai hegau hagasenga ma de gaiaa. Gilaadeu e vaivai hai de gau hagaau aloha ma gilaadeu e duasala, aama de gau henua gee.

Ezekiel 28:5

Doo heiangi i de hagao mee, gu hai ma gu kona doo lava, gai koe gu hagamaolunga i hiidinga o doo lava.

Hosea 14:2

Goodou gaavee muna nei madali goodou gai aahe mai gi Tagi Maolunga, ga hai ange gi de ia: “Degi mai gi omaadeu baubau alodahi, ma de abodonu mai gi gimaadeu i doo lodo aloha, gai gimaadeu ga tuhi goe i omaadeu ngudu bei demaadeu hai gu hagatoo donu ai.

Joel 2:12

E hagadaba Tagi Maolunga, “Goodou aahe mai gi de au iainei, i oodou lodo alodahi, goodou hagahiikai, ma de tangi, aama de daemaha oodou lodo.”

Amos 2:7

Gilaadeu ne dagadagahi biho o de gau hagaau aloha, gi lo te gelegele, gai tee hagamodu muna o dangada e duasala i de heohi. Dahi daane ma dono damana e dagodo haisala ma dahi hahine daudahi, gai gilaadeu ga hagangadi mee ai dogu ingoo dabu.

Amos 3:9

Hagailoo ina ange gi denga mommee buibui makaga o Ashdod, ma ange gi mommee buibui makaga i de henua go Egypt, hai ange, “Goodou hagabuni mai gi honga mounga o Samaria; diiloo ai de hellumi laumalie i kilaa, ma de hagaduasala gu hai i magavaa o ono dangada.”

Amos 4:1

Hagalaangona muna nei, goodou denga kaau haahine o Bashan, i honga de mounga o Samaria, goodou denga haahine e vaivai haia de gau hagaau aloha, ma de hagahai ngadaa gilaadeu e duasala; goodou e hai ange gi oodou bodu, “Gaamai ange hanu mee e unu!”

Amos 5:11

Goodou e vaivai hai de gau hagaau aloha ma de hai ia gi hagao ina taagisese o alaadeu grain. Gai goodou e hagatuu denga hale hadu danuaa aagai goodou e dee nnoho ai naa donu; goodou e doo naa denga veelengaa grape lau kohu, aagai goodou e dee unu naa donu uvaini e hai ai.

Micah 2:1

E vakaa naa dangada e hagatau ina de hai de baubau, ma gilaadeu e haia denga hagasaele baubau i honga olaadeu moenga! Gilaadeu e oho age i de gohugohu ga hai hegau nei, i hiidinga gilaadeu e maua i de hai mee nei.

Micah 7:2

Gu deai donu dangada heohi i honga de henua, gu deai donu se dangada e hai hegau i de mee heohi e doe. Dangada alodahi gu nnoho huu e daa dangada gi maakau; dahi dangada e noho e daa dono daina.

Zechariah 14:21

Denga anibada alodahi i Jerusalem ma Judah, e hagadabu ange naa gi Tagi o denga hagabuulinga hebagi, gai dangada alodahi e loomai e sigidaumaha, e kave naa denga anibada nei ga boale ai kano manu e hai ai alaadeu sigidaumaha. Gai e deai naa donu se dangada hagao mee i lo te hale o Tagi o denga hagabuulinga hebagi i de laangi laa.

Zechariah 5:8

Gai tangada de langi ne hai mai, “De hine nei se ada niio de baubau.” Gai ia ga usu iho ia gi lo te gede laa ga pono ange.

Zechariah 7:9

“E hagadaba Tagi o denga hagabuulinga hebagi: ‘Goodou hagamodu ina muna o dangada i de heohi, goodou abodonu, ma de hagadau aaloha i oodou magavaa.

Malachi 3:5

“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.

John 2:16

Gai ia ga hai ange gi gilaadeu e hagao ina denga manu kono, “Goodou gaavee gee mee nei i kinei! Goodou aude haia de hale o dogu Damana gi se mommee hagao mee!”

James 5:4

Tilo, hagaoanga o de gau hai hegau ne hagihagia hua o oodou veelenga e tangi, go hiidinga goodou tee hagao ange gilaadeu. Gai Tagi o denga hagabuulinga hebagi gu langona de tangi o de gau hagihagi.

1 Samuel 12:3

Deenei au; goodou daalaa mai gi de au, i mada luu mada o Tagi Maolunga ma tangada aana gu hagadabu: goai aagu gu kave laa dana kaau? Goai aagu gu kave laa dana donkey? Gai goai aagu gu gaiaa laa dahi ana mee? Gai goai aagu gu vaivai hai laa? Gai goai aagu gu kave laa dahi ngadi gaavange hagasenga i ono daha, gi dee hai hegau ai au i de mee heohi? Goodou daalaa mai gai au ga hagaahe adu oodou mee.”