Hosea 12:6 - De Beebaa Dabu

⁶ Deenei ai, koe gi aahe mai gi doo Maadua; hai hegau i de abodonu ma de hagamodu heohi, ma de tali hagalodolodo ange gi doo Maadua i masavaa alodahi.

Hosea 12:6 Iomraidhean Croise

Genesis 49:18

Tagi Maolunga, au e tali dau hagaola.

Psalm 123:2

Tilo, gimaadeu e bei de gau hai hegau e daumada ina laa delaadeu ia aamua, ma de hine hai hegau e daumada ina laa dono hahine aamua; e bei ai hogi, gimaadeu e daumada Tagi Maolunga, demaadeu Maadua, ga dae ai gi dono degi mai gi gimaadeu.

Psalm 27:14

Koe gi tali hagalodolodo ange gi Tagi Maolunga; koe gi lodo mmahi ma de lo taane, aama de tali ange Tagi Maolunga.

Psalm 37:7

Noho ma gi dee muu, golomagina oo lodo daalia ange ai Tagi Maolunga; aude manavasaa i de hagadaga age o dangada i alaadeu mee e hai, aabe go tangada e sula ana hagatau baubau.

Exodus 3:15

Gai de Maadua ne hai ange hogi gi Moses, “Aanei au muna e tala ange gi de gau Israel, ‘Iahweh, de Maadua o oodou dubuna madagidagi, de Maadua o Abraham, ma de Maadua o Isaac, aama de Maadua o Jacob ne haia ngau gi humai.’  Gai deenei dogu ingoo ga hano ai, gai deenei de ingoo oodou e hagamaanadu ai au i daho oodou atangada alodahi.

Proverbs 1:23

Goodou aanga mai gi agu muna hagaheohi; tilo, au e hai naa gi iloo e goodou ogu lodo, ga hai gi tonu ange goodou gi agu muna.

Proverbs 21:3

De hai hegau i de heohi ma de hagamodu heohi e kii ange de hagamogomogo i daho Tagi Maolunga i ssigidaumaha.

Isaiah 1:16

goodou gaugau gi gilimalali ai goodou. Aaua gee oodou hegau baubau mai i mada luoogu mada; duudia doodou hai de baubau,

Isaiah 30:18

Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

Isaiah 31:6

De gau Israel, goodou aahe mai gi de ia oodou gu hai baasi ange naa aagena.

Isaiah 40:31

aagai gilaadeu e haia Tagi Maolunga go delaadeu tali hagalodolodo e mahi loa. Gilaadeu e hagamaalanga age naa i bakau bei dagodo o denga igele; gilaadeu e saavini gai e dee daalea, gilaadeu e seesee gai e dee baageaa.

Isaiah 58:6

E aha, e dee deenei de hagahiikai aagu ne hili: go de hagadangadanga daula o hegau baubau, ma de tala daula o de laagau hagahai hegau, ma de hai gi ilaage gilaadeu e vaivai haia, aama de hadihadi laagau hagahai hegau alodahi?

Isaiah 8:17

Au e tali ange Tagi Maolunga, go de ia e hagamuunia luoono mada i dangada o Jacob. Gai au e tali ange naa donu ia.

Jeremiah 22:15

E aha, koe ne hai ga se hodooligi, i de hagaduu doo hale i denga cedar? E aha, doo damana tee gaimee laa ma de unu ga bosu? Ia ne hai hegau i de hagamodu soe ma de heohi, deelaa ai, ia ne duadonu.

Ezekiel 18:30

Deenei ai, dangada o Israel, au e hagaduasala naa goodou, dangada alodahi e hagaduasala naa donu gi bei dagodo o alaadeu hegau, go de Ia Aamua go Iahweh e hagadaba. Goodou daahuli oodou lodo mage huuhuli gee mai i oodou haisala alodahi, kana maakau goodou i hiidinga oodou baubau.

Hosea 10:12

Goodou dooa ange de heohi gi oodou lodo, gai goodou ga hagihagi ai hua o de abodonu; hagabalabala ina de gelegele makaga i oodou lodo, go hiidinga gu dae mai de masavaa oodou e ssala ai Tagi Maolunga, ga dae ai gi dono humai ga hai gi hano iho de heohi gi oodou elunga.

Hosea 14:1

Israel, ahe mai gi Tagi Maolunga doo Maadua, oo baubau gu hagahaisala goe.

Hosea 4:1

De gau Israel, nnoho mai hagalaangona muna a Tagi Maolunga; go hiidinga Tagi Maolunga e dahi ana mee e hai baasi ange ai gi dangada e nnoho i de henua. Gu deai dangada e hai hegau i de mee abodonu, aabe se aloha, gai dangada i honga de henua gu dee iloo de Maadua.

Joel 2:12

E hagadaba Tagi Maolunga, “Goodou aahe mai gi de au iainei, i oodou lodo alodahi, goodou hagahiikai, ma de tangi, aama de daemaha oodou lodo.”

Joel 2:13

Hagaagona mai de daemaha abodonu oodou lodo, e dee go de saesae donu huu oodou malo. Gai aahe mai gi Tagi Maolunga doodou Maadua, go hiidinga ia e abodonu ma de lodo aloha. Ia e dee moolau de lili, gai e honu i de lodo aloha, gai ia ga dee gaamai de baubau gu dai humai laa.

Amos 4:13

Tilo, de ia ne haia denga mounga, ma de hai de madangi, ma de hagaago ange ana maanadu gi tangada, gai go de ia e haia de laangi gi gohu, ma de seesee i honga mommee maolunga o henua i lalo — dono ingoo go Iahweh, de Maadua o denga hagabuulinga hebagi.

Amos 5:24

Aagai doodou hai hegau i de hagamodu heohi gi bei dagodo de sali o saalingaa vai, gai doodou hai hegau i de heohi gi bei ssaalingaa vai e dee maua laa gi masa!

Micah 6:8

Koe tangada, ia gu hagaago adu gi de goe de mee danuaa, gai se aha a Tagi Maolunga e lodo koe gi haia? E dee go de hai hegau i de mee heohi, ma de lodo aloha, aama de seesee i de lodo maolalo madali doo Maadua?

Micah 7:7

Aagai ogu dagodo, au e dagitilo naa ma de tali ange Tagi Maolunga, au e tali ange de Maadua dogu Ia Hagaola; gai dogu Maadua e hagallongo naa donu dagu dangi.

Habakkuk 2:3

Gai de midi hagaago ange e tali dono masavaa; de masavaa gu dae mai donu, gai e dee mmule naa donu. Gai ga mmule naa donu, gai koe daalia donu huu; e dae mai naa donu, e dee mmule naa donu.

Zephaniah 3:8

Deenei ai, goodou daalia mai au, go Tagi Maolunga e hagadaba, de laangi laa gai au e duu age naa ga hagabaubau goodou. Au gu baba ange e hagabuni denga huaahenua, ma denga nohoanga hodooligi, gai au ga hagaduasala ai gilaadeu i dogu lili — ma dogu bole alodahi. Henua i lalo alodahi e oha ga odi i de ahi o dogu lili i hiidinga dogu lodo gaiaa.

Zechariah 1:3

Deelaa ai, hai ange gi gilaadeu: E hagadaba Tagi o denga hagabuulinga hebagi, goodou aahe mai gi de au, gai au ga aahe adu gi oodou daha, go Tagi o denga hagabuulinga hebagi e hagadaba.

Zechariah 7:9

“E hagadaba Tagi o denga hagabuulinga hebagi: ‘Goodou hagamodu ina muna o dangada i de heohi, goodou abodonu, ma de hagadau aaloha i oodou magavaa.

Zechariah 8:16

Gai aanei oodou mee e hai: goodou hagadau daalaa de muna abodonu i oodou magavaa, ma de hai hegau i de hagamodu muna heohi i de mommee hagamodu muna, e haia laa ga nnoho paba dangada.

Acts 2:38

Peter ne hai ange gi gilaadeu, “Goodou alodahi daahuli gee i oodou haisala, ga babudaisi i de ingoo o Iesu Klisdo, gi maatala ai oodou haisala. Gai goodou ga kave ai de mee ngadi gaamai go de Hagasaalunga Dabu.

Acts 26:20

Au ne tala ange i mua gi dangada i Damascus, muli mai go Jerusalem ma Judea alodahi, aama ange hogi gi denga Gentile, gi daahuli ange ai gilaadeu gi de Maadua, ma de hai hegau e heohi ange laa gi dagodo o de daahuli olaadeu lodo.

James 1:27

Gai deenei de hai daumaha gilimalali ma de heohi i mada luu mada o Tamana go de Maadua: go de bale ange denga gauligi gu deai olaadeu maadua ma haahine gu maakau olaadeu bodu gu duasala laa, ma tee dugua ange henua i lalo gi haia gi hakino gee tangada.

James 2:13

Go hiidinga de Maadua e dee degi ange donu gi tangada e dee degi ange laa gi dangada i de masavaa hagamodu muna; aagai tegi e kii i de hagamodu muna.