Hosea 12:3 - De Beebaa Dabu

³ Ia ne poo de gubu vae o dono daina daane i de masavaa oona i lo te dinae ai o dono dinana, gai ia ne hebagi ange gi de Maadua i de masavaa oona ne madua ai.

Hosea 12:3 Iomraidhean Croise

Genesis 25:26

Gai muli mai, gai dono daina gu haanau, gai ia e kumi de muli de vae o Esau, gai ia ga hagaingoo ange ia go Jacob. Gai Isaac gu madaono ono ngadau, i de masavaa a Rebekah ne haanau ai delaau maasanga.

2 Kings 17:18

Deelaa ai, Tagi Maolunga gu lili mmao i de gau Israel, ga aau gee gilaadeu i mada luoono mada. Go de aamuli donu huu o Judah e doe,

2 Kings 17:20

Gai Tagi Maolunga gu kino i denga aamuli alodahi o Israel, gai ia ga hagaduasala gilaadeu, ga hai olaadeu hagadaumee gi gaiaadia alaadeu mee, ga dae ai gi dana aau gee gilaadeu i mada luoono mada.

2 Kings 17:23

ga dae ai gi de masavaa a Tagi Maolunga ne hai ai gilaadeu gi dee nnoho i mada luoono mada, bei dana hai gu tala ai laa i daho ono dangada hai hegau go denga pelaabisi. Deelaa ai, de gau Israel gu noonoodia ga gaavee gi Assyria, ga dae mai ai gi anailaa nei.

Jeremiah 2:9

Deenei ai, au e hagabuu adu naa ssala gi goodou, go Tagi Maolunga e hagadaba. Au e hagabuu ange naa ssala gi dama a oodou dama.

Ezekiel 7:3

Gu dae mai doodou hagaodi, gai au e hai baasi adu naa gi goodou i dogu lili, au e hagamodu naa oodou muna gi bei dagodo o oodou hegau, ma de sui adu oodou dahulinga hakino gee alodahi.

Ezekiel 7:8

Au gu dai hagaago adu naa gi goodou dogu bole, gi sili ai dogu lili i goodou; au e hagamodu naa oodou muna gi bei dagodo o oodou hegau, ma de sui adu oodou dahulinga hakino gee alodahi.

Hosea 4:1

De gau Israel, nnoho mai hagalaangona muna a Tagi Maolunga; go hiidinga Tagi Maolunga e dahi ana mee e hai baasi ange ai gi dangada e nnoho i de henua. Gu deai dangada e hai hegau i de mee abodonu, aabe se aloha, gai dangada i honga de henua gu dee iloo de Maadua.

Hosea 4:9

Dangada ma de gau haimeedabu gu dagodo daudahi donu huu; au e hagaduasala naa gilaadeu i hiidinga o alaadeu hegau, ma de hagao ange alaadeu hegau baubau.

Amos 2:4

E hagadaba Tagi Maolunga: “Tolu hanonga o Judah e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu gu tili hainga a Tagi Maolunga, ma tee daohi ana mee gu hagasauaa, aagai gilaadeu ne hagasengalia i denga diinonga hadu muna, go diinonga a olaadeu dubuna ne daumaha ange laa aagena.

Micah 6:2

Denga mounga, hagalaangona muna a Tagi Maolunga e hagabaubau ai goodou; denga dagelo o henua i lalo e daakodo laa ga hano ai, goodou hagalaangona. Go hiidinga Tagi Maolunga e dahi ana mee e hai baasi ange ai gi dono huaadangada; ia e hagadaumee ange donu gi Israel.

Romans 9:11

gai i mua de haanau o luu dama daane laa, tigi haia hogi e gilaau tanuaa aabe go de baubau — gai gi hagassula ai de hagatau a de Maadua i dana hilihili e dee maua laa i de sui, gai e dee go hiidinga hegau a dahi, aagai go hiidinga o dana hagahi —