Hosea 11:10 - De Beebaa Dabu

¹⁰ Gilaadeu e daudali ange naa i Tagi Maolunga, ia e oo naa bei de laiono e goo laa; uaa, ia e oo naa bei de laiono e goo laa, gai ono dangada e bolebole naa ga loomai ai i dai.

Hosea 11:10 Iomraidhean Croise

De Beebaa go Job 37:1

Dogu hadu manava gu bolebole ma gu ngalue gee mai i dono duulanga i de hai mee nei.

Psalm 119:120

Dogu angaanga gu bolebole i dogu madagu i de goe, gai au e madagu i au hagamodu.

Psalm 2:11

Daumaha ange gi Tagi Maolunga i de maatagu, gai gi malangilangi ma de bolebole.

Isaiah 11:11

De laangi laa gai de Ia Aamua e hagaahe mai naa ono dangada e doe i ssauaa o dono lima, mai i Assyria, ma Egypt, ma Pathros, ma Ethiopia, ma Elam, ma Babylon, ma Hamath, aama mai i denga modu alodahi.

Isaiah 2:5

Loomai, goodou dangada o Jacob, gidaadeu ga seesee i de maalama o Tagi Maolunga!

Isaiah 31:4

Gai Tagi Maolunga ne hai mai gi de au, “De laiono e hagangolo, go de laiono mmahi gu maua laa ana gai — gai ga hagahi mai naa donu hanu hagabuulingaa hagaloosi ssiibi gi hebagi ange gi de laiono laa, gai ia e dee madagu donu i delaadeu hevaalogi aabe e anga ange gi delaadeu hagalongaa; gai e bei ai hogi de hano iho o Tagi o denga hagabuulinga hebagi i honga de mounga go Zion ma ono mommee maolunga.

Isaiah 42:13

Tagi Maolunga e humai naa bei taane dau i de hebagi, ia e bei naa taane hebagi e hagammahi laa ia; ia e oo i de masavaa o de hebagi, ma de hagadee kii ono hagadaumee.

Isaiah 49:10

Gilaadeu e dee hiikai naa donu be hieunu, gai de vao hagavvela ma de madangi hagavvela e dee hagammae naa donu gilaadeu. Gai de ia e lodo aloha ange laa gi gilaadeu e dagi naa gilaadeu, ga kave gi gaogao denga saalingaa vai.

Isaiah 64:2

Bei de hai a de ahi e haula ai denga laa manu vaaligiligi, ma de hai gi kai denga vai, haia hogi gi iloo e oo hagadaumee dagodo ssauaa o doo ingoo, ma de hai gi maatagu denga huaahenua i mada luoo mada!

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Isaiah 66:5

Hagalaangona muna a Tagi Maolunga, goodou e bolebole i doodou maatagu i ana muna: “Oodou daina e kino i goodou, ma de vvae gee goodou i hiidinga dogu ingoo, gu hagataba: ‘Goodou hagamahamaha ina Tagi Maolunga, gi gidee ai e gimaadeu doodou malangilangi!’ Aagai gilaadeu e dookaa naa donu.

Jeremiah 2:2

“Hannoo daalaa ange gi langona e dangada o Jerusalem, hai ange: ‘E hagadaba Tagi Maolunga, Au e manadua dau hagadubu au i doo masavaa e dama daane ai, ma doo aloha i de au bei de hine gu dai hai bodu, ma doo daudali mai i de au i de vao, go de mommee e deai mee ssomo ai.

Jeremiah 25:30

Deenei ai, basa pelaabisi daalaa muna nei alodahi hai baasi ange gi gilaadeu, ga hai ange: ‘Tagi Maolunga e haganngolo mai naa i de mommee maolunga, ma de basa mai i dono mommee noho dabu. Ia e hagangolo mai naa i de leo mmahi e hai baasi ange gi dono henua. Ia e oo naa bei dangada e dagadagahia laa denga grape, ga hai baasi ange gi dangada alodahi e nnoho i henua i lalo.

Jeremiah 31:9

Gilaadeu e loomai naa ma de tangi; gai gilaadeu e dalodalo mai naa i de masavaa aagu e hagaahe mai ai gilaadeu. Gai au e dagi mai naa gilaadeu i gaogao denga saalingaa vai, ma de haiava ssoe gi dee baakuu ai gilaadeu, i hiidinga go au tamana o Israel, gai Ephraim go dagu dama daane madua.

Jeremiah 33:9

Gai de aduhale nei e hai naa ga se mee e haia ga malangilangi au, ma de tala tuhi aama de hagadubu au i daho denga huaahenua alodahi o henua i lalo, e langona mee danuaa alodahi aagu gu hai ange gi gilaadeu. Gai gilaadeu e maatagu naa ma de bolebole i hiidinga o mee danuaa alodahi ma dagu hai ga nnoho paba de aduhale.

Jeremiah 5:22

E aha, goodou e dee maatagu naa i de au? go Tagi Maolunga e hagadaba. E aha, goodou e dee maatagu i de tuu i mada luoogu mada? Goodou e dee bolebole i doodou tuu i ogu mada i mua? Au ne hai de gelegele dea go de ngaadonga o tai, gai se buibui e dagodo gai tai e dee maua i de hano gi ui ai. Denga beau e hadihadi mai, aagai e dee maua i de oha; denga beau e hagangolo mai, aagai e dee maua i de hulo gi ui ai.

Jeremiah 50:4

Laangi laa i de masavaa laa, go Tagi Maolunga e hagadaba, gai de gau Israel ma dangada o Judah e hagabuni naa ma de tangi ga hulo ai ga ssala Tagi Maolunga delaadeu Maadua.

Jeremiah 7:6

noo goodou e dee vaivai hai de gau henua gee, ma denga gauligi gu deai olaadeu damana, ma haahine gu maakau olaadeu bodu, aama tee daa dangada gi maakau i de mommee nei, ma tee daudali ange i denga diinonga ga hagaduasala ai donu huu goodou,

Jeremiah 7:9

E aha, goodou e gaiaa laa ma de daa dangada, ma de dagodo haisala, ma de hagatoo donu i denga diinonga, ma de dudu mee maanongi ange gi Baal, aama de daumaha ange gi denga diinonga oodou e tee iloo i mua,

Ezekiel 26:16

Gai dagi alodahi o honga tai e iho mai naa i olaadeu nohoanga hodooligi, ga hagaui olaadeu malo laa daha, ma olaadeu malo hagalaagii. Gilaadeu e kona naa de maatagu, ga nnoho gi honga de gelegele, gilaadeu gu bolebole ma de llele mouli i oo dagodo.

Hosea 3:5

Muli mai naa huu gai de gau Israel e aahe ange naa ga ssala Tagi Maolunga delaadeu Maadua ma delaadeu hodooligi go David. Gilaadeu e aahe mai naa gi Tagi Maolunga i de maatagu ga kave dono abodonu i denga laangi hagaodi.

Joel 3:16

Tagi Maolunga e haganngolo mai i Zion, gai e hai gi paa mai de hatuli i Jerusalem; de langi ma henua i lalo e ngalungaalue naa. Aagai Tagi Maolunga go de buibui o ono dangada, gai ia se mommee buibui makaga niio de gau Israel.

Amos 1:2

Ia ne hagadaba: “Tagi Maolunga e hagangolo mai i Zion, ma de basa mai i Jerusalem bei de babaa o de hatuli; mommee iai helii a de gau hagaloosi manu e tangi naa, gai ulu de mounga go Carmel e mmae naa.”

Amos 3:4

E aha, e maua de laiono gi goo i lodo henua, noo tigi ai sana manu ne mau? E aha, e maua e de laiono i de haganngolo i lodo mee muimui, i de masavaa tigi ai ana mee ne mau?

Amos 3:8

De laiono gu haganngolo — gai goai naa e dee madagu? De Ia Aamua go Iahweh gu basa — gai goai naa e maua i tee basa pelaabisi?

Micah 4:5

Denga huaahenua alodahi e daudali ange naa i de ingoo o olaadeu diinonga; gai gimaadeu e daudali i de ingoo o Tagi Maolunga demaadeu Maadua, ga hano ai e dee ngado mai.

Habakkuk 3:16

Au ne langona mee nei, gai dogu angaanga gu bolebole, luoogu malaungudu gu bolebole hogi i dagu longo mee nei; ogu ivi gu daamada de pobo, gai luoogu vae gu pole. Aagai au e noho naa ga tali de masavaa o de hai ngadaa e humai ai gi honga o dangada gu hebagi mai gi gimaadeu.

Zechariah 10:10

Au e hagaahe mai naa gilaadeu i de henua go Egypt, ma de hagabuni mai gilaadeu i Assyria. Au e hagaahe mai naa gilaadeu gi Gilead ma Lebanon, ga dae ai gi delaadeu dee oo i luu mommee laa.

Zechariah 10:12

Au e hai naa gilaadeu gi mmahi i de ingoo o Tagi Maolunga gai gilaadeu e seesee naa i dono ingoo,” go Tagi Maolunga e hagadaba.

Zechariah 8:7

E hagadaba Tagi o denga hagabuulinga hebagi: Tilo, au e hagaola naa ogu dangada mai i denga henua i dua ma henua i dai,

John 8:12

Gai Iesu ga ahe ange ga basa ange gi gilaadeu, ga hai ange, “Go au de maalama o henua i lalo. Tangada e daudali mai i de au e dee seesee i de gohu, gai ia e hagamaalama i de maalama o de mouli.”

Acts 24:25

Gai de masavaa a Paul e basa ange ai i dagodo o de heohi, ma de golomagi lodo, aama de hagaduasala gu dai dae mai laa, gai Felix gu madagu, ga hai ange, “Gu lava au muna e tala, hannoo, gai au ga ssala adu ange ai goe noo gu dahi ange ogu masavaa.”

Romans 8:1

Deenei ai, iainei gu deai donu se hagaduasala o dangada e mouli i lodo o Klisdo Iesu.

2 Peter 2:10

Gai mee nei e hai ange naa donu gi gilaadeu e hai hegau i denga lodo hakino gee, aama de hagangadi mee gilaadeu iai ssauaa e dagi ai. De gau bee nei e hagamaolunga, ma de hai alaadeu hai, gilaadeu e dee maatagu donu i de pasa baubau i de gau de langi mahamaha laa;

Revelation 10:3

Gai ia ne basa i de leo laumalie, bei de leo o de laiono e goo laa. De masavaa huu oona ne basa ai, gai e hidu hatuli gu babaa.