Hosea 10:14 - De Beebaa Dabu

¹⁴ deenei ai, de hagalongaa o de hebagi e dae mai naa gi oo dangada, gai oo mommee buibui makaga alodahi e oha naa — bei de hai a Shalman ne oha ai laa Beth Arbel i de masavaa o de hebagi, ma de masavaa o denga dinana ma alaadeu dama ne dagadagahia ai gi lo te gelegele.

Hosea 10:14 Iomraidhean Croise

Genesis 32:11

Au e dangidangi adu, koe gi hagaola ina au mai i dogu daina go Esau, go hiidinga au e madagu ia kana humai ga hebagi mai gi gimaadeu ma denga dinana aama denga gauligi.

2 Kings 17:16

Gai gilaadeu ne tili denga muna alodahi a Tagi Maolunga, delaadeu Maadua gu tala ange gi gilaadeu, gai ga hai e lua kaau baalanga ga daumaha ange aagena, ma dahi duludulu laagau o Asherah. Gilaadeu ne daumaha ange hogi gi denga heduu i lo te langi aama Baal.

2 Kings 17:3

Gai Shalmaneser, de hodooligi o Assyria, ne hebagi ange ga hagadee kii ia, gai Hoshea gu noho i ono lalo, ma de hagao ange taagisese gi de ia.

2 Kings 18:33

Gu hanu laa diinonga o denga henua ange laa ne maua i de hagaola delaadeu henua mai i de hodooligi o Assyria?

Isaiah 17:3

Denga aduhale buibui o Ephraim e llilo naa, Damascus e deai naa sono sauaa e dagi ai; gai dangada e doe i Syria e bei naa dagodo o de mahamaha o de gau Israel, go Tagi o denga hagabuulinga hebagi e hagadaba.

Isaiah 33:14

De gau haisala i Zion gu maatagu mmao; dangada e dee hai lodo o de Maadua gu bolebole: “Goai de gidaadeu e maua i de noho madali de ahi e duungia laa mee? Gai goai de gidaadeu e maua i de noho i de mommee iai de ahi e ula laa ga hano ai?”

Jeremiah 13:14

Au e hai naa gilaadeu gi bei denga ssaa hadu e hagadau hoohoa laa; go denga damana ma denga dama alodahi, go Tagi Maolunga e hagadaba. Au e dee aloha ange naa donu, be e abodonu ange, aabe e lodo aloha ange gi gilaadeu, ga dee daa ai gilaadeu gi maakau.’ ”

Jeremiah 48:41

Denga aduhale e hagadee kii ina naa, gai denga hale hagaloosi makaga e gaavee naa. De laangi laa gai lodo o denga daane hebagi o Moab e bei naa dagodo lodo o de hine gu hai ono hagalangona.

Hosea 10:15

Bethel, mee nei e hai adu naa gi de goe, go hiidinga de kona de lagolago oodou baubau. De hodooligi o Israel e daia naa ga magau i de dae mai de laangi laa.

Hosea 13:16

Dangada o Samaria e hagaduasala donu i hiidinga olaadeu haisala, go hiidinga gilaadeu ne hai baasi ange gi delaadeu Maadua. Gilaadeu e daa naa ga maakau i de gadilaasa; alaadeu gauligi e dagadagahia naa gi lo te gelegele, alaadeu haahine hai tama e hangahanga ina naa olaadeu dinae.

Amos 3:14

De laangi aagu au e hagaduasala ai Israel i hiidinga ono haisala, gai au e oha naa denga mommee o ssigidaumaha o Bethel; gai hanga i honga de mommee o ssigidaumaha e duuduu naa ga tili gi honga de gelegele.

Amos 3:8

De laiono gu haganngolo — gai goai naa e dee madagu? De Ia Aamua go Iahweh gu basa — gai goai naa e maua i tee basa pelaabisi?

Amos 9:5

De Ia Aamua go Tagi o denga hagabuulinga hebagi e poo ange gi henua i lalo gai gu vaivai, gai dangada alodahi e nnoho i kilaa e tangi naa; de henua e hagahonu age naa bei de Nile, gai e hano iho naa hogi bei de Nile i Egypt —

Micah 5:11

Au e oha naa denga aduhale i doo henua, ma de oha iho oo mommee buibui makaga.

Nahum 3:10

Aagai ono dangada gu gaavee gee i de henua, ma de gaavee gi dahi henua gee. Ana gaagaa ne dagadagahia naa gi lo te gelegele i dege o denga haiava. Dangada e dada naa denga laagau i ono dangada aamua, gai ono dangada maolunga ne noonoodia i daula baalanga.

Nahum 3:12

Oo hale buibui makaga alodahi e bei naa denga fig gu lleu laa ono hua i taamada: de masavaa naa huu e luuluu ai, gai ono hua gu malili ange gi lo te ngudu o tangada e gaina.

Habakkuk 1:10

Gilaadeu e doo mee i denga hodooligi, ma de hakadanga i denga dagi. Gilaadeu e kada i denga mommee buibui makaga, gilaadeu e hagabudubudu age denga gelegele e hagadee kii ai de aduhale.