Hosea 10:10 - De Beebaa Dabu

¹⁰ De masavaa naa huu oogu e lodo ai, gai au e hagaduasala naa gilaadeu; denga huaahenua e hagabuni naa ga hebagi ange gi gilaadeu ga noonooa gilaadeu i hiidinga olaadeu haisala gu lagolago.

Hosea 10:10 Iomraidhean Croise

1 Kings 12:28

Gai Jeroboam ne madaangudu ange gi ono daane bale, gai ia ga hai e lua kaau goolo. Gai ia ga hai ange gi dangada, “Gu lava oodou hulo gi Jerusalem e daumaha ai. De gau Israel, goodou kalo ange diiloo, aanei diinonga ne hagassao ina mai goodou i de henua go Egypt.”

De Beebaa go Job 39:10

Koe e maua i de nnoa dahi kaau lodo henua gi hagabalabala ina de gelegele, aabe gi daudali adu i oo dua gi hagabalabala ina ai denga geelonga?

Isaiah 1:24

Deenei ai, de Ia Aamua, Tagi o denga hagabuulinga hebagi, de Ia Mmahi o Israel, e hagadaba: “E vakaa naa ogu hagadaumee, au e hagaduasala naa gilaadeu i dogu bole, ma de sui ange hegau a dangada e kino i de au.

Jeremiah 15:6

Koe ne tili au, go Tagi Maolunga e hagadaba; koe tee modu de ahe dua. Deelaa ai, au e hagaabo naa dogu lima e hagaduasala ai goe; au gu dalea i de golomagi ogu lodo.

Jeremiah 16:16

Aagai au e aalu naa de gau haangoda soa, go Tagi Maolunga e hagadaba, gai gilaadeu ga haangoda gilaadeu. Dua mee nei gai au e aalu naa gi loomai de gau dili manu soa, gai gilaadeu ga dilidili gilaadeu i honga mounga alodahi, ma duuduu aama lodo haonga i magavaa hadu.

Jeremiah 21:4

‘E hagadaba Iahweh, de Maadua o Israel: Tilo, au gu dai hai baasi adu naa gi goodou i goloa hebagi, oodou e hebagi ange ai naa gi de hodooligi o Babylon, ma de gau Babylon, i tua de buibui o de aduhale. Gai au e hagabuni mai naa gilaadeu gi lo te aduhale nei.

Ezekiel 16:37

deenei ai, tilo, au e hagabuni mai naa oo dau soa alodahi, go gilaadeu oou ne dagodo haisala madali, go gilaadeu alodahi oou ne aloha ai aama gilaadeu oou ne kino ai. Au e gaamai naa gilaadeu i mommee alodahi gi hai baasi adu gi de goe, ma de hagaui oo malo i olaadeu mada i mua, gi gidee ai e gilaadeu doo gilisau.

Ezekiel 16:42

Dua naa huu mee nei, gai au gu ui dogu lili i de goe, gai au gu dee maagoda adu gi de goe. Au e sili naa ogu lodo, au gu dee lili.

Ezekiel 23:46

Gai e hagadaba de Ia Aamua go Iahweh: Haia gi loomai dahi hagabuulingaa dangada gi hai baasi ange gi gilaau, ma de hagamaatagu gilaau ga hai gi de mahi olaau goloa.

Ezekiel 23:9

Deelaa ai, au ne dugu ange ia gi ono dau soa, go de gau Assyria oona e lodo e dagodo haisala ai.

Ezekiel 5:13

Gai dogu lili e sili naa, dogu bole i gilaadeu e helui naa, gai au e hagasili naa ogu lodo. Gai gi iloo ai e gilaadeu bolo go au donu go Iahweh ne tala muna nei i dogu lodo mmahi.

Hosea 10:9

De gau Israel, goodou ne haisala mai huu i de masavaa o Gibeah, gai gilaadeu goi duudagi donu huu de haisala. E aha, e dee dae mai naa de hebagi ga hagaduasala gilaadeu i Gibeah?

Hosea 4:19

De madangi gu haoli gilaadeu i luoono bakau, gilaadeu e dookaa naa i hiidinga o alaadeu sigidaumaha.

Hosea 4:9

Dangada ma de gau haimeedabu gu dagodo daudahi donu huu; au e hagaduasala naa gilaadeu i hiidinga o alaadeu hegau, ma de hagao ange alaadeu hegau baubau.

Hosea 8:1

Ilihia de hanga manu i doo ngudu! Dahi igele gu hano iho gi honga de hale o Tagi Maolunga, go hiidinga gilaadeu gu oha dagu hagatoo donu hagaheloongoi, ma de hai baasi ange gi agu hainga.

Hosea 8:10

Gai e dee galemu donu delaadeu hagao ange gilaadeu gi denga huaahenua, gai au gu dai hagabuni mai naa gilaadeu. Gilaadeu gu hagadaga ange naa de sogoisi i delaadeu hagaduasala ina i daho denga hodooligi ma dagi.

Matthew 22:7

Gai de hodooligi laa gu kona mmao de lili. Gai ia ga hai gi hulo ono daane hebagi gi daia gi maakau de gau daa dangada laa magi duungia delaadeu aduhale.

Deuteronomy 28:63

Gai Tagi Maolunga e malangilangi naa hogi i de hai adu tanuaa gi de goe ma de hai gi soa goodou, aagai ia e malangilangi naa hogi i de hagaduasala goodou ga dae ai gi teai se goodou e doe. Goodou e gaavee gee naa i de henua oodou ga hulo naa e kave e henua ai.