Hosea 1:2 - De Beebaa Dabu

² De masavaa a Tagi Maolunga ne daamada ai de tala ana muna i daho Hosea, gai ia ne hai ange gi Hosea, “Hannoo hai bodu ange gi dahi hahine hai be se manu, ma de hagadili hanu dama i ono daho, go hiidinga de gau de henua gu bei dagodo o de hine hai be se manu laa, gilaadeu gu huuhuli gee mai i Tagi Maolunga.”

Hosea 1:2 Iomraidhean Croise

2 Chronicles 21:13

Aagai ne ago ange gi hegau a denga hodooligi o Israel, ma de dagi dangada o Judah ma Jerusalem gi daumaha ange gi denga diinonga, bei de hai a de huaabodu o Ahab ne dagi ai laa dangada i de nohoanga hodooligi o Israel, gai koe ne daa hogi ga maakau oo daina daane, e kii ange laa de danuaa i de goe.

Psalm 106:39

Gai gilaadeu gu hakino gee i alaadeu hegau ne hai, gilaadeu ne hai hegau bei de hine hai be se manu.

Psalm 73:27

Tilo, dangada e hagammao gee i de goe e maakau donu; gai koe e daa gi maakau gilaadeu e hulo gee mai i de goe.

Jeremiah 2:13

Ogu dangada gu hai e lua baubau: gilaadeu gu tili au, ssaalingaa vai o de mouli, gai gilaadeu ne hoda mommee e hagasahu ai vai, go mommee e dee maua gi daakodo ai vai.

Jeremiah 2:20

Madagidagi loo gai koe ne hhadi de laagau hagahai hegau i honga doo eu ma de duuduu oo mee noonoa; aagai koe ne hagadaba, ‘Au e dee daumaha adu donu gi de goe!’ Gai koe ne dahulinga baubau i honga mommee maolunga alodahi ma lalo o denga manu ssomo alodahi bei dagodo o de hine hai be se manu.

Jeremiah 2:23

Gai dee hee dau hai e hagadaba ai naa, ‘Au e dee hakino gee donu; au tigi daudali ange donu i Baal’? Galo ange diiloo au mee e hai i lo te geelonga, gai hagasaelea dagodo o au hegau. Koe e gemo i de savini saele bei dagodo o dahi gamelo hahine,

Jeremiah 3:9

Go hiidinga ia ne hagangadi mee donu dono dagodo haisala, gai ia ne hai ga hakino gee de henua alodahi i ana hegau haisala, i dono daumaha ange gi denga hadu ma laagau.

Ezekiel 6:9

Gai gilaadeu e ola laa ga gaavee gi denga huaahenua gee, e manadua naa au, ma delaadeu hagadaemaha ogu lodo i delaadeu dee hai hegau i de mee abodonu i olaadeu lodo, gai ne huuhuli gee i de au, gai gilaadeu ne llodo mmao i olaadeu diinonga. Gilaadeu e kino naa donu i gilaadeu i hiidinga denga hegau baubau alaadeu ne hai, aama alaadeu dahulinga hakino gee alodahi.

Hosea 2:7

Ia e doolohi saele naa ono dau soa, aagai e dee daea e ia gilaadeu; ia e ssala naa gilaadeu, aagai e dee gi gidee. Gai ia e hagadaba naa, ‘Au ga ahe nei e hano gi daho dogu bodu i mua, go hiidinga au e kii ange dogu danuaa i de masavaa laa.’

Hosea 3:1

Gai Tagi Maolunga ne hai mai gi de au, “Hannoo ahe ange aloha i de hine gu aloha laa i dahi daane gee, gai se hine dagodo haisala, bei de hai a Tagi Maolunga e aloha ai laa i de gau Israel, e dee galemu donu delaadeu aaloha i denga diinonga ma de llodo i denga duudangaa raisin.”

Hosea 5:3

Au e iloo dagodo o Ephraim, gai dagodo o Israel e dee maua i de hagammuni i de au. Ephraim, koe gu hai hegau bei de hine hai be se manu, gai Israel gu dee gilimalali.

Mark 1:1

Deenei taamada de longo danuaa o Iesu Klisdo, Tama Daane a de Maadua.

Deuteronomy 31:16

Gai Tagi Maolunga ga hai ange gi Moses, “Tilo, gu baa mai doo masavaa e hano ai madali oo dubuna madagidagi; gai de huaadangada nei e daumaha ange naa, gi denga diinonga o de henua olaadeu ga hulo nei e nnoho ai. Gilaadeu e hulo gee naa i de au ma de oha dagu hagatoo donu hagaheloongoi gu hai madali gilaadeu.

2 Peter 2:14

Olaadeu mada e haaina denga haahine hai be se manu, gai e dee lava donu olaadeu llodo i de haisala. Gilaadeu e hagasenga gilaadeu e baageaa olaadeu lodo. Gai olaadeu lodo gu hagaabo ange gi de nnoo hagamau mee. Gilaadeu gu hagamalaia donu!

Revelation 17:5

Gai honga dono lae e sisi ai dahi mee e dee iloo laa: “Babylon de aduhale laumalie, tinana o de gau hai be ni manu, aama de hai denga dahulinga hakino gee o henua i lalo.”