Hosea 1:11 - De Beebaa Dabu

¹¹ Dangada o Judah ma dangada o Israel e hagabuni naa ga hili dahi dagi gi dagina gilaadeu, gilaadeu e hagadagadaga age naa i honga de henua, gai de laangi o Jezreel e hai naa ga se laangi maolunga.

Hosea 1:11 Iomraidhean Croise

Psalm 110:3

Oo dangada e malangilangi naa i de daudali adu i de masavaa o de hebagi, i honga de mounga dabu. Gai oo daane e loomai naa gi oo daha bei dagodo o de mee suungia i taiao.

Jeremiah 30:21

Gai delaadeu dagi se dangada donu i olaadeu magavaa; delaadeu dangada aamua e haanau naa i olaadeu magavaa. Gai au e gaamai naa ia gi baa mai, gai ia e humai naa ga hagabaa mai gi de au, Gai goai naa donu e maua i de humai e hagabaa mai noo au e dee dugu ange? go Tagi Maolunga e hagadaba.

Jeremiah 30:3

E tae mai naa laangi, go Tagi Maolunga e hagadaba, aagu e hagaahe ange ai de manuuia o dogu huaadangada, go dangada o Israel ma Judah, ga hagaahe gilaadeu gi de henua aagu ne gaavange gi olaadeu dubuna gi henua ai,” go Tagi Maolunga e hagadaba.

Jeremiah 30:7

E vakaa naa dangada i de laangi laa! Gai e deai ange naa donu se laangi bei nei. De laangi laa e hai naa ga se masavaa hai ngadaa ange gi Jacob, aagai ia e ola mai ai naa donu.

Jeremiah 31:33

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba. Au e hai naa gi daakodo agu hainga i alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

Jeremiah 32:37

Tilo, au e hagabuni mai naa gilaadeu i denga henua aagu gu kave gilaadeu gi nnoho ai i hiidinga de kona dogu lili ma dogu bole. Au e hagaahe mai naa gilaadeu gi de mommee nei, ga hai gilaadeu gi noho paba.

Jeremiah 50:19

Aagai au e hagaahe mai naa Israel gi dono mommee iai helii, gai ia e gaimee ai i honga Carmel ma Bashan; ia e bosu danuaa naa i honga duuduu o Ephraim ma Gilead.

Ezekiel 39:25

Deenei ai, e hagadaba de Ia Aamua go Iahweh: Au e hagaahe ange naa de manuuia o de huaadangada o Jacob, ma de lodo aloha ange gi de huaadangada o Israel, gai au e lodo gaiaa naa i hiidinga o dogu ingoo dabu.

Hosea 2:1

Hai ange gi oodou daina daane, “Goodou go ogu dangada,” gai hai ange gi oodou daina haahine, “Goodou gu kave de lodo aloha.”

Hosea 3:5

Muli mai naa huu gai de gau Israel e aahe ange naa ga ssala Tagi Maolunga delaadeu Maadua ma delaadeu hodooligi go David. Gilaadeu e aahe mai naa gi Tagi Maolunga i de maatagu ga kave dono abodonu i denga laangi hagaodi.

Romans 11:15

Gai noo delaadeu tili ne hai ga maua i de hagadanuaa magavaa o de Maadua ma henua i lalo, gai dee hee maa ai naa noo gilaadeu gu hagaahe mai, e dee go de mouli mai i de magau?