Hosea 1:10 - De Beebaa Dabu

¹⁰ Aagai de soa o dangada o Israel e bei naa de lagolago o denga gelegele i gabugabu tai, e dee maua laa i de hagabau aabe go de dau. Gai de mommee gu tala ai laa olaadeu dagodo ma gu hai ange, “Goodou e dee go ogu dangada,” e sui naa ga hai ange, “Goodou go dama a de Maadua e mouli laa.”

Hosea 1:10 Iomraidhean Croise

Genesis 13:16

Gai au e hai naa oo hagadiilinga gi soa bei de lagolago o gelegele o de henua, gai noo e maua i de dau denga gelegele o de henua, gai e maua naa hogi i de dau de soa o doo hagadiilinga.

Genesis 22:17

deelaa ai, au e hagamanuuia naa donu goe, ga hai gi soa oo hagadiilinga, bei de lagolago o denga heduu i lo te langi, ma de lagolago o denga gelegele i gaogao tai. Gai oo hagadiilinga e kave naa denga aduhale o olaadeu hagadaumee.

Genesis 32:12

Aagai koe ne hai mai, ‘Au e abodonu adu naa gi de goe, ma de hai gi soa doo aamuli gi bei de lagolago o denga gelegele i gabugabu tai, e dee maua laa i de dau.’ ”

2 Samuel 7:24

Koe ne hai Israel go oo dangada donu ga hano ai. Gai koe, Tagi Maolunga, ne hai go delaadeu Maadua.

Isaiah 43:6

Au e hai ange naa gi denga henua i ngaiho, ‘Dugu gilaadeu gi loomai!’ Au e hai ange naa gi henua i ngaage, ‘Goodou aude daohia gilaadeu.’ Hagaahea mai agu dama daane ma damaa hine mai i henua i lalo alodahi —

Isaiah 48:19

Gai oo hagadiilinga e soa naa bei de lagolago o denga gelegele, gai au dama e soa naa hogi bei de lagolago o gelegele malili; olaadeu ingoo e dee llilo naa donu, aabe aau gee mai i mada luoogu mada.”

Isaiah 63:16

Aagai go koe demaadeu Damana, e dee galemu donu Abraham e dee iloo gimaadeu, gai Israel e dee madea gimaadeu. Tagi Maolunga, go koe donu demaadeu Damana, gai go koe demaadeu Ia Hagaola mai loo madagidagi.

Isaiah 64:8

Gai iainei, Tagi Maolunga, go koe demaadeu Damana. Gimaadeu go denga bela pigi, gai koe go de ia hai gumedi hadu; gimaadeu alodahi ni mee niiau ne hai.

Isaiah 65:1

“Au gu baba ange e hagaago ange au gi dangada e tee siilia ogu dagodo; gai gilaadeu tee saalaa au e gidee naa e gilaadeu au. Gai au e hai ange naa gi de huaahenua tee dalodalo i dogu ingoo, ‘Deenei au, deenei au!’

Isaiah 66:20

Gai gilaadeu e hagaahe mai naa oodou daina i denga huaahenua alodahi gi dogu mounga dabu, e hai ai ssigidaumaha ange gi Tagi Maolunga. Gilaadeu e loomai naa i honga denga hoosa ma hada hebagi, ma honga hada ange laa, ma honga denga donkey ma gamelo, bei de hai a de gau Israel e gaamai ai laa alaadeu sigidaumaha grain i lodo gumedi gilimalali gi de hale o Tagi Maolunga, go Tagi Maolunga e hagadaba.

Jeremiah 33:22

Gai au e hai naa gi soa hagadiilinga o dogu dangada hai hegau go David ma mogobuna o Levi e haia hegau a tangada haimeedabu i mada luoogu mada, bei de lagolago o denga heduu aama gelegele i gabugabu tai e dee maua laa i de dau.”

Daniel 6:26

Au gu hagasauaa dahi hainga i dogu nohoanga hodooligi alodahi, bolo dangada alodahi gi maatagu ma de hagadubu de Maadua o Daniel. Go ia de Maadua e mouli laa ga hano ai e dee ngado mai; dono nohoanga hodooligi e dee oha naa donu, dono sauaa e dagi ai e deai naa donu se odi.

Hosea 1:9

Gai Tagi Maolunga ga hai ange, “Hagaagahi ina ange dono ingoo go Lo-Ammi, go hiidinga goodou e dee go dogu huaadangada, gai au e dee go doodou Maadua.”

Hosea 2:23

gai au e doo naa ia e hai ai dagu manu i de henua. Au e lodo aloha ange naa gi Lo-Ruhamah, gai au e hai ange naa gi Lo-Ammi, ‘Goodou go ogu dangada’; gai ia e hai mai naa gi de au, ‘Go koe dogu Maadua.’ ”

John 1:12

Aagai gilaadeu alodahi e gaavee ma de hagadonusia ia, gai ia e gaavange naa gi gilaadeu ssauaa e hai ai gi ni dama nii de Maadua,

Romans 8:19

Denga mee gu hagadau e tali ma de llodo mmao gi dae mai de masavaa e hagaago mai ai dama a de Maadua.

2 Corinthians 6:18

gai au e hai naa go doodou damana, gai goodou go agu dama, go Tagi Maolunga Mmahi Mmao laa e hagadaba.”

Hebrews 11:12

Deelaa ai, mai i daho dahi daane daudahi, se daane gu bei dagodo o taane gu magau, ne loomai ai denga hagadiilinga soa, bei denga heduu i lo te langi, aama gelegele i gabugabu tai, e dee maua laa i de dau.