Hebrews 6:9 - De Beebaa Dabu

⁹ Denga daina hagamogomogo, e dee galemu demaadeu pasa adu bee nei gi goodou, gai gimaadeu e iloo bolo e hanu donu manuuia gu hagababa adu gi goodou — go mee oodou e kave madali doodou hagamouli.

Hebrews 6:9 Iomraidhean Croise

Hebrews 10:39

Aagai gidaadeu e dee bei dagodo o dangada gu aahe dua laa gai gu maakau, aagai gilaadeu e kai e hagamouli donu olaadeu hagasaalunga.

Hebrews 2:3

gai dee hee ai taadeu hai e hagaola ai gidaadeu, noo gidaadeu e hagangadi mee de hagamouli maolunga nei? De hagamouli nei ne tala i mua i daho Tagi Maolunga, gai dangada ne langona ne tala hagadonu mai gi gidaadeu.

2 Corinthians 7:10

Gai taemaha i de hagatau a de Maadua e hai ga dahuli de lodo e dagina ange laa tangada gi de hagamouli, gai e deai se lua lodo iai; aagai taemaha o henua i lalo e hano ga duu ange gi de magau.

Hebrews 10:34

Goodou ne aaloha ange gi gilaadeu i lo te hale pono, gai ne malangilangi donu i de hai gi de mahi ina oodou goloa, go hiidinga goodou e iloo bolo e hanu oodou goloa e danuaa ange i goloa laa, gai e daakodo ga hano ai.

Hebrews 5:9

gai ga honu abodonu huu dono heohi, gai ia gu hai ai tagelo o de mouli e dee ngado ange gi dangada alodahi e hagallongo ange gi de ia,

1 Corinthians 10:14

Deenei ai, ogu daina hagamogomogo, goodou saavini hulo gee i de daumaha ange gi denga diinonga.

Acts 20:21

au ne tala hagadonu ange hogi gi de gau Ssuu ma denga Gentile dagodo o de daahuli ange gi de Maadua, ma de kai ange gi Iesu Klisdo taadeu Dagi Maolunga.

Mark 16:16

Gai be goai e hagadonusia ga babudaisi gai ia e hagamouli. Aagai be goai e dee hagadonusia, gai ia e hagaduasala donu.

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Hebrews 6:10

Gai de Maadua e dee haisala donu dana hagamodu; ia e dee ngalo naa donu oodou hegau danuaa, i doodou bale ange ono dangada dabu, i hiidinga doodou aaloha i de ia, gai goodou goi duudagi donu huu de bale ange gilaadeu iainei.

Galatians 5:6

Go hiidinga e deai donu haigamaiana de tuu dagaholiage aabe go tee tuu dagaholiage i daho Klisdo Iesu, aagai go de gai donu huu e hai hegau laa i de aloha.

Acts 11:18

Gai ga langona huu e gilaadeu muna laa, gai gilaadeu gu dee maua i de hai baasi ange, gai gilaadeu ga tuhi de Maadua ga hagataba, “De Maadua gu hai hogi gi daahuli lodo o denga Gentile gi hagamouli ai gilaadeu.”

2 Corinthians 7:1

Denga daina hagamogomogo, go hiidinga denga hagatoo donu nei ni mee mai gi gidaadeu, deenei ai, gidaadeu ga hagagilimalali gidaadeu mai i denga mee alodahi e haia gi dee gilimalali de angaanga ma de hagasaalunga. Gai gidaadeu ga hai gi honu taadeu hai gi dabu gidaadeu i de madagu i de Maadua.

2 Corinthians 12:19

Goodou e maanadu naa bolo gimaadeu e hagaheohi adu gimaadeu? Gimaadeu e pasa adu nei i mada luu mada o de Maadua bei dagodo o dangada e seesee i lodo o Klisdo, denga daina hagamogomogo, mee nei alodahi ne hai e hagammahi ai oodou kai.

1 Peter 2:11

Ogu daina hagamogomogo, au e hagammahi adu goodou e nnoho gaainga ma de mavaevae saele, gi dilia lodo haisala o de angaanga, go mee e hai baasi ange laa gi oodou hagasaalunga.

2 Peter 3:1

Ogu soa hagamogomogo, deenei de lua leda aagu gu sisi adu gi goodou, gai au ga hai gi aahe ange goodou gi manadua mee gilimalali.

1 John 2:7

Ogu soa hagamogomogo, muna aagu e sisi adu nei gi goodou e dee ni muna hoou, aagai ni muna duai donu niiodou gu iloo mai i taamada age; muna duai go muna donu gu lava laa i doodou hagallongo.

Jude 1:3

Ogu soa hagamogomogo, au ne lodo mmao e sisi adu gi goodou, dagodo o de hagamouli adaadeu alodahi gu kave nei, aagai au ne gidee bolo e danuaa dagu sisi e hagammahi adu, goodou gi lo taane ma de hagaduu ngae i de gai gu gaavange laa gi dangada alodahi o de Maadua.