Hebrews 3:1 - De Beebaa Dabu

¹ Deenei ai, denga daina dabu, go goodou gu gaavee laa de hagahi mai i de langi, goodou hagasaelea dagodo o Iesu, go tangada tala ma tangada haimeedabu maolunga adaadeu e tala hagadonu.

Hebrews 3:1 Iomraidhean Croise

Psalm 110:4

Tagi Maolunga gu hagatoo donu gai ia e dee sui naa donu dana hagatoo donu: “Koe se dangada haimeedabu ga hano ai, bei dagodo o Melkizedek.”

Isaiah 1:3

De kaau e iloo dono dangada aamua, dahi donkey e iloo de mommee haangai manu a dono dangada aamua; aagai Israel e dee iloo, ogu dangada tigi tonu ange donu.”

Isaiah 41:20

gi gidee ai e dangada ma de iloo, gai gi maua ai e gilaadeu i de hagasaele ma de tonu ange bolo go de lima sauaa o Tagi Maolunga donu ne haia de mee nei, gai go de Ia Dabu o Israel ne haia gi hanu de mee nei.

Isaiah 5:12

Gilaadeu e hanu harp ma lyre i alaadeu daonga, ma tambourine ma flute aama uvaini; aagai gilaadeu e hagangadi mee hegau a Tagi Maolunga, aama tee hagadubu ana hegau e hai.

Ezekiel 12:3

Deenei ai, tama a tangada, haoa oo goloa i de laangi, gai koe ga seesee ga hano gee mai i doo hale gi dahi mommee gee, i madamada olaadeu alodahi, bei dagodo o dangada e gaavee laa gi dahi henua gee. Kana adu gilaadeu e tonu ange naa, e dee galemu donu delaadeu hagamaanege.

Ezekiel 18:28

Go hiidinga ia ne gidee gai ia ga dahuli gee i haisala alodahi aana gu hai, gai ia e mouli donu; ia e dee magau donu.

Haggai 1:5

E hagadaba Tagi o denga hagabuulinga hebagi: Goodou nnoho muhuu hagasaelea age dagodo o oodou hegau.

Haggai 2:15

Goodou nnoho hagasaelea dagodo o mee nei mai ailaa nei ga hano ai. I mua doodou daamada de hagatau age hadu e hagaduu ai de temple o Tagi Maolunga,

John 17:3

Gai deenei de mouli e dee ngado mai: gi iloo e gilaadeu goe, gai e deai ange donu se Maadua abodonu, ma Iesu Klisdo, go de ia aau ne hai laa gi humai.

John 20:21

Gai Iesu ga hai ange hogi gi gilaadeu, “De baba gi dagodo i oodou daha. Tamana ne hai au gi humai, gai au e hai naa hogi goodou gi hulo.”

John 20:27

Gai ia ga hai ange gi Thomas, “Dugua mai doo madannia gi kinei, gai galo ange diiloo luoogu lima. Haalo ina mai doo lima mage dugua ange gi dogu gaogao. Aude lua lodo gai hagadonusia.”

Acts 1:15

Laangi laa gai Peter ne duu age i magavaa o dangada gu hagadonusia laa (taelodo o dangada i kilaa se 120) ga hai ange,

Romans 11:17

Aagai noo hanu laa gu aau gee, gai koe, de laa o de uli o dahi olive de vao, gu hagapigi ange madali denga laa ange laa, gai iainei koe gu kave hogi mahi mai i aga o de olive laa,

Romans 15:27

Gai gilaadeu ne malangilangi donu i de hai de hegau nei, ni muna abodonu denga Gentile e muli ange donu gi gilaadeu. Go hiidinga noo denga Gentile gu kave hogi denga manuuia i de baasi gi de hagasaalunga madali de gau Ssuu, gai e heohi donu delaadeu bale ange de gau Ssuu i mee bee nei.

Romans 15:8

Gai au e tala adu gi goodou bolo Klisdo ne hai ga se dangada hai hegau niio de gau Ssuu, e hagaago mai ai bolo de Maadua e hai hegau i de mee abodonu, gai e hagadonu ai denga hagatoo donu ange gi denga dubuna madagidagi,

Romans 9:24

Aanei gidaadeu aana gu lava laa i de hagahi, e dee mai donu huu i magavaa o de gau Ssuu, gai mai hogi i magavaa o denga Gentile.

1 Corinthians 1:2

Ange gi de nohoanga dabu o de Maadua i Corinth, go gilaadeu gu hagadabu laa i lodo o Klisdo Iesu, ma de hagahi e hai ai ono dangada dabu, madali gilaadeu alodahi e hagahia ange laa de ingoo o Tagi Maolunga go Iesu Klisdo, i mommee alodahi — go Tagi Maolunga olaadeu aama gimaadeu hogi:

1 Corinthians 10:17

Go hiidinga e dahi donu huu duudangaa pelaoaa, gai e soa gidaadeu e hai ai de angaanga daudahi, go hiidinga gidaadeu alodahi e gai dahi pelaoaa daudahi.

1 Corinthians 9:23

Au e hai au gi bei mee nei alodahi i hiidinga o de longo danuaa, gi maua ai e au i de kave manuuia o de longo danuaa.

2 Corinthians 1:7

Gai demaau tali hagalodolodo i oodou hiidinga e dee ngalungalue donu, go hiidinga demaau iloo bolo goodou e hagaduasala hogi madali gimaau, aama de hagaaneane ina oodou lodo madali gimaau.

2 Corinthians 9:13

De hegau oodou gu hai nei gu hagaago danuaa ange gi gilaadeu dagodo o oodou kai, gai gilaadeu gu tuhi de Maadua i hiidinga doodou hagallongo i muna, ma doodou daohi muna o de longo danuaa o Klisdo, aama de laumalie doodou mee ne daohi age e bale ange ai gilaadeu madali de gau ange laa.

Ephesians 3:6

Deenei de mee nogo dee iloo laa: denga Gentile gu dau hogi i de boolonga madali de gau Ssuu, gilaadeu alodahi gu dau ange gi de angaanga daudahi, ma de kave de hagatoo donu i lodo o Klisdo Iesu i de longo danuaa.

Ephesians 4:1

Deenei ai, au tangada o Tagi Maolunga e noho laa i lo te hale pono, e dangidangi adu goodou gi mouli bei tagodo e heohi ange laa gi de hagahi oodou gu hagahia ange laa aagena,

Ephesians 4:4

E dahi donu huu angaanga, e dahi donu huu Hagasaalunga, bei doodou hai ne hagahia ai naa gi gaavee de tali hagalodolodo e dahi laa donu huu;

Philippians 3:14

Au e hagaduu ngae e houhou ange gi maua e au de hagaoanga i de hagaodi, a de Maadua ne hagahi mai au gi gaavee madali Klisdo Iesu.

Colossians 1:12

gai hagaahe ange de abodonu gi Tamana; go ia ne haia ga maua e gidaadeu i de kave de boolonga o dangada o de Maadua i de nohoanga hodooligi o de maalama.

Colossians 1:22

Aagai iainei ia gu hagadanuaa oodou magavaa i de angaanga o Klisdo i dono magau, gai ia ga gaavange ai goodou gi de ia, goodou gu dabu ma de gilimalali, gai gu dee hagabaubau i mada luoono mada —

Colossians 3:12

Deenei ai, goodou dangada a de Maadua gu hili e hai ai ono dangada, goodou e dabu ma de hagamogomogo, goodou gi hai hegau i de lodo aloha, ma de abodonu, ma de lodo maolalo, ma de daudonu, ma de golomagi lodo.

1 Thessalonians 2:12

gimaadeu ne hagakana ange goodou, ma de hagaaneane aama de hagammahi adu goodou gi mouli bei dagodo e heohi ange laa gi de Maadua, ne hagahia ange goodou gi dono nohoanga hodooligi ma dono mahamaha.

1 Thessalonians 5:27

Au e tala adu gi goodou i ssauaa o Tagi Maolunga, goodou daulia ange de leda nei gi denga daina alodahi.

2 Thessalonians 1:11

Deenei ai, gimaadeu e dalodalo i goodou i masavaa alodahi, gai de Maadua ga hai ai gi heohi ange goodou gi de kave dana hagahi, ma de hagammahi goodou gi haia tanuaa aama hegau alodahi o de gai i dono sauaa,

2 Thessalonians 2:14

Gai ia ne hagahi ange goodou gi de mee nei i doodou hagadonu de longo danuaa amaadeu gu agoago adu ai goodou, gai gi gaavee ai e goodou de mahamaha o taadeu Dagi Maolunga go Iesu Klisdo.

1 Timothy 6:12

Gai koe gi hagaduu ngae i de hebagi danuaa o de gai. Haia gi maua e goe de kave de mouli e dee ngado mai, go de mee oou gu hagahi ange naa aagena i dau masavaa ne tala hagadonu ai doo gai i madamada o de gau hagadonu soa.

1 Timothy 6:2

De gau hai hegau o tangada aamua gu hagadonusia laa gi dee hagangadi mee ina ia, i hiidinga ia gu se daina, aagai gi kii ange delaadeu hai hegau danuaa ange gi de ia, go hiidinga dangada e hagadanuaa i alaadeu hegau ni dangada gu hagadonusia, gai ni daina hagamogomogo donu hogi niiolaadeu. Koe gi agoagona mee nei ma de hagammahi ange dangada gi hai hegau ai.

2 Timothy 1:9

go de ia ne hagamouli ina gidaadeu ma de hagahi ange gidaadeu gi de mouli dabu — aagai e dee go hiidinga o adaadeu hegau gu hai, gai go hiidinga o dana hagatau aama dono abodonu mai gi gidaadeu i lodo o Klisdo Iesu mai i taamada age,

2 Timothy 2:7

Noho hagasaele age agu muna e tala adu nei gi de goe, gai Tagi Maolunga ga hai ai gi donu ange goe gi mee nei alodahi.

Hebrews 10:19

Deenei ai, denga daina, gidaadeu gu lo taane i de ulu i de Mommee Dabu mmao laa i dodo o Iesu,

Hebrews 10:21

Gai gu dahi odaadeu dangada haimeedabu maolunga e dagina de hale o de Maadua.

Hebrews 10:23

Gidaadeu ga hagammahi e daohi taadeu tali hagalodolodo gu tala hagadonu laa, gidaadeu gu dee llodo lagolago, go hiidinga de ia ne haia de hagatoo donu laa e hai hegau i de muna abodonu.

Hebrews 13:22

Denga daina, au e dangidangi adu goodou gi golomagi ina oodou lodo i agu muna e bale adu ai goodou, go hiidinga e sogoisi donu huu agu muna e sisi adu.

Hebrews 2:11

Gai de ia ne haia ga dabu dangada ma gilaadeu ne hai ga dabu ne loomai i se huaabodu daudahi. Deelaa ai, ia e dee dogaa i de hagadaba bolo gilaadeu ni daina niiona,

Hebrews 2:17

Deenei ai, ia ne hai ga bei ono daina i mee alodahi, gi maua ai e ia i de hai gi se dangada haimeedabu maolunga e degi ma de hai hegau i de muna abodonu i hegau a de Maadua, gai ia ga degi ange ai gi haisala o dangada.

Hebrews 3:12

Denga daina, goodou dagidiiloo gi deai se goodou e daohia dahi lodo baubau be go tee hagadonusia, ga dagi gee ai goodou i de Maadua e mouli laa.

Hebrews 3:14

Go hiidinga gidaadeu e dau madali Klisdo, noo gidaadeu e daohi gi makaga taadeu llodo mmahi mai i taamada ga dae ai gi de hagaodi.

Hebrews 6:20

go de mommee o de ia gu hano laa i odaadeu mada i mua ne ulu ai i odaadeu hiidinga, go Iesu. Gai ia gu hai gi se dangada haimeedabu maolunga ga hano ai bei dagodo o Melkizedek.

Hebrews 7:26

Gai e heohi donu de hai gi dahi odaadeu dangada haimeedabu maolunga bei ono dagodo — ia e dabu, e dee haisala, e gilimalali, ia e vvae gee ma de gau haisala, gai gu hagaamua i de langi i lunga.

Hebrews 7:28

De hainga ne hili de gau e haisala ma de baageaa e hai ai de gau haimeedabu maolunga; aagai de hagatoo donu soe a de Maadua ne hai laa i dua de hainga, ne hili Tama Daane gu hai laa ma gu heohi abodonu ga hano ai.

Hebrews 9:11

Aagai de masavaa o Klisdo ne humai ai ga hai tangada haimeedabu maolunga o mee danuaa gu daakodo laa donu iainei, gai ia ne ulu gi lo te hale malo e maolunga ange ma de heohi abodonu ono dagodo, gai e dee se hale malo ne hai i lima o dangada, e bei, e dee se mee ne hai madali mee o henua i lalo nei.

Hebrews 9:15

Deenei ai, Klisdo go de ia donu e hano i magavaa o dangada ma de Maadua i de hagatoo donu hagaheloongoi hoou, gi maua ai e gilaadeu gu hagahia laa i de kave de mouli e dee ngado mai gu hagatoo donu laa, go hiidinga ia ne magau e hagao ai gilaadeu, gai ia ga hai ai gi ilaage gilaadeu mai i olaadeu haisala ne haisala ai i lalo tahi hagatoo donu hagaheloongoi.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

1 Peter 3:5

Gai deenei de hai a denga haahine dabu e tali hagalodolodo ange ai gi de Maadua ne hagamahamaha ai gilaadeu; gilaadeu ne hagallongo ange gi olaadeu bodu,

1 Peter 5:1

Au e hagakana ange denga dagi o de nohoanga dabu i oodou magavaa, i hiidinga au gu se dagi hogi bei olaadeu dagodo, gai se dangada ne gidee de hagaduasala o Klisdo, gai e kave naa hogi de mahamaha gu dai hagaago mai laa:

1 Peter 5:10

Gai dua naa huu doodou hagaduasala i dahi damaa masavaa, gai de Maadua o de abodonu alodahi, ne hagahia adu goodou gi gaavee dono mahamaha e deai laa se ngado i lodo o Klisdo, gi hagaieiangi ina goodou ma de hai gi mmahi goodou, gi maua ai e goodou i de tuu gi makaga.

1 John 1:3

Gai gimaadeu gu tala adu hogi gi goodou amaadeu mee gu gidee ma de longo, gi buni ai gidaadeu i de mee daudahi. Gai gidaadeu gu buni madali Tamana ma dana Dama Daane go Iesu Klisdo.

Jude 1:1

Mai i daho Jude, tangada hai hegau o Iesu Klisdo, taina daane o James. Ange gi dangada a de Maadua gu hagahia laa, ma de hagamogomogo i daho de Maadua Tamana ma de buibui i daho Iesu Klisdo.

Revelation 17:14

Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”

Revelation 18:20

De langi, ma goodou dangada o de Maadua, ma de gau tala, aama denga pelaabisi, goodou malangilangi i dagodo o de aduhale laa! Go hiidinga de Maadua gu hagaduasala de aduhale laa i dana hagaduasala goodou!