Hebrews 2:3 - De Beebaa Dabu

³ gai dee hee ai taadeu hai e hagaola ai gidaadeu, noo gidaadeu e hagangadi mee de hagamouli maolunga nei? De hagamouli nei ne tala i mua i daho Tagi Maolunga, gai dangada ne langona ne tala hagadonu mai gi gidaadeu.

Hebrews 2:3 Iomraidhean Croise

Isaiah 12:2

Tilo, de Maadua go dogu Ia Hagaola; au e hagadonu ia, deelaa ai, au e dee madagu. De Ia Aamua, Tagi Maolunga, go ogu mahi ma dagu daahili, gai go ia dogu Ia Hagaola.”

Isaiah 20:6

De laangi laa gai dangada e nnoho i tagudai e hagataba naa, ‘Kalo ange diiloo mee gu hai ange gi dangada adaadeu ne tali ange laa aagena, ma de hulo gi olaadeu daha e kave ai de bale, ma de hai gi ola gidaadeu mai i de hodooligi o Assyria! Gai dee hee ai naa taadeu hai e ola ai?’ ”

Isaiah 51:5

Dogu heohi e moolau naa donu de dae mai, dagu hagaola gu dae mai donu; ssauaa o dogu lima e hagamodu naa muna o denga huaahenua i de heohi. Mommee i tagudai e kalo mai naa gi de au, ma de tali mai ssauaa o dogu lima mmahi.

Isaiah 51:8

Go hiidinga de lengisi e gai naa gilaadeu bei dahi malo, gai de ilo e gai naa gilaadeu bei malo e hai laa i huluhulu o denga manu. Aagai dogu heohi e dee ngado mai donu, gai dagu hagaola e dagodo i denga atangada alodahi.”

Isaiah 62:11

Tilo, Tagi Maolunga gu hagailoo ange gi luu bido o henua i lalo; “Goodou hai ange gi tamaa hine o Zion: Tilo, doodou Ia Hagaola gu humai! Tilo, ia e gaamai ana hagaoanga madali ia, ma mee e hagao ange ai alaadeu hegau.”

Ezekiel 17:15

Aagai de hodooligi ne hai baasi ange gi de ia, ga hai gi hulo ono dangada sui gi Egypt, gi gaamai ai hanu hoosa ma dahi hagabuulinga hebagi soa. E aha, dana hagatau e maua naa gi sula? Gai de ia ne haia mee nei e maua naa gi ola? Gai e maua naa e tangada e oohaa de hagatoo donu hagaheloongoi nei gi ola?

Ezekiel 17:18

Ia ne hagangadi mee de hagatoo donu i dana oha de hagatoo donu hagaheloongoi laa. Gai tilo, ia ne hagatoo donu aagai ia ne hai mee nei alodahi; deelaa ai, ia e dee ola naa donu.

Matthew 23:33

Goodou e bei denga labodo, gai ni dama nii denga labodo hagammau, dee hee doodou hai e hagaola ai goodou i de hagaduasala o de ahi?

Matthew 4:17

Mai i de masavaa laa, gai Iesu ne daamada de agoago, ga hai ange, “Daahuli oodou lodo, gu baa mai de nohoanga hodooligi o de langi!”

Mark 1:14

Gai dua huu de boogia o John ga hhao gi lo te hale pono, gai Iesu ga ahe gi Galilee ga agoago ai de longo danuaa a de Maadua,

Luke 1:2

bei de hai ne tala mai ai gi gimaadeu i daho dangada ne gidee de hai mee nei mai i taamada, go gilaadeu ne agoago ina muna nei.

Luke 1:69

ia gu gaamai gi gidaadeu dahi Ia Hagaola mmahi, mai i de aamuli o dono dangada hai hegau go David,

Luke 24:19

Ia ne ssili ange gi gilaau, “Ni aha gu hai?” Gilaau ne hai ange gi de ia, “Go mee gu hai ange laa gi Iesu taane Nazareth; ia se pelaabisi e sauaa ana muna ma ana hegau i mada luu mada o de Maadua aama dangada alodahi.

John 15:27

Gai goodou ga tala hagadonu ai hogi ogu dagodo, go hiidinga goodou gu nnoho mai huu madali au i taamada.

Acts 1:22

mai i de masavaa a John ne babudaisi ai ga dae ai gi de laangi o Iesu ne gaavee gee ai i odaadeu daha ga gaavage gi lunga — dahi gilaadeu nei e hai gi se dangada e daalaa hagadonu dagodo o dono mouli age madali gidaadeu.”

Acts 2:22

De gau Israel, nnoho mai hagalaangona muna nei: Iesu taane Nazareth gu lava i de hagaago danuaa adu a de Maadua gi goodou i denga hegau sauaa ma mee hagalele mouli, aama hagailonga, i mee a de Maadua ne hagahai hegau i ono daha i oodou magavaa, bei doodou hai gu iloo ai naa.

Acts 4:12

E deai ange donu se hagamouli i daho dahi dangada ange, gai e deai ange donu se ingoo ne gaavange gi dangada o henua i lalo e maua i de hagamouli gidaadeu.”

Romans 11:14

gai au ga hai ai gi llodo gaiaa ogu dangada go de gau Ssuu, gi hagamouli ai hanu gilaadeu.

Romans 2:3

Gai koe, tangada e hagabaubau ina gilaadeu e haia hegau bee nei, aagai koe e hai donu hogi mee nei, koe e maanadu naa bolo koe e maua gi ola mai i de hagaduasala a de Maadua?

1 Corinthians 1:21

Gai go hiidinga de heiangi o de Maadua, henua i lalo tee maua gi iloo de Maadua i olaadeu heiangi donu huu, gai de Maadua ne malangilangi i de hagamouli dangada gu hagadonusia laa, i muna e deai ono haigamaiana, go mee omaadeu e agoago ai nei.

1 Thessalonians 5:3

De masavaa a dangada e hagataba ai, “Gu nnoho paba dangada ma tee manavasaa,” gai gu moolau donu de dae mai de hagaduasala, bei dagodo o de hai hagalangona o de hine gu dai haanau, aagai e deai donu e maua i de saavini e hulo gee.

1 Timothy 1:15

Muna nei ni muna abodonu gai e heohi taadeu daohi, bolo Klisdo Iesu ne humai gi henua i lalo e hagamouli ai de gau haisala, gai go au hugadoo e haisala i dangada alodahi.

Titus 2:11

Go hiidinga de abodonu o de Maadua ne hagaago mai, gi hagamouli ai dangada alodahi,

Hebrews 1:1

Madagidagi gai de Maadua ne basa ange gi odaadeu dubuna i daho denga pelaabisi, i hanonga lagolago ma hagadagodo lagolago,

Hebrews 1:14

E aha, de gau de langi e dee go hagasaalunga e hai laa gi hulo gi hai hegau ange gi gilaadeu gu hagamouli?

Hebrews 1:2

aagai denga laangi hagaodi nei, gai ia gu basa mai hogi gi gidaadeu, i daho dana Dama Daane, go de ia gu hili e bolo ange aagena mee alodahi, gai go ono daha hogi aana ne hai ai henua i lalo alodahi.

Hebrews 12:25

Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.

Hebrews 4:1

Deenei ai, go hiidinga goi dagodo huu de hagatoo donu e ulu ai i de hagamaabunga laa, gidaadeu gi maatagu, kana dee maua e dahi goodou i de ulu ai.

Hebrews 4:11

Deenei ai, gidaadeu ga hagammahi gi ulu gidaadeu i de hagamaabunga laa, kana dee maua e gidaadeu i de ulu ai i taadeu dee hagallongo ange gi de Maadua.

Hebrews 5:9

gai ga honu abodonu huu dono heohi, gai ia gu hai ai tagelo o de mouli e dee ngado ange gi dangada alodahi e hagallongo ange gi de ia,

Hebrews 9:28

gai e bei ai hogi dagodo o Klisdo: ia ne gaavange dono mouli e hai ai ssigidaumaha i e dahi donu huu hanonga, e kave gee ai haisala o dangada soa, gai ia e hagasula mai naa hogi i de lua hanonga, gai e dee se humai e hagauda haisala, aagai e hagamouli gilaadeu e daalia ia.

1 John 1:1

Gimaadeu e sisi adu gi goodou dagodo Muna o de Mouli, gu dagodo mai laa i taamada age, gai gimaadeu gu langona, ma de gidee ia i omaadeu ganomada donu, aama de poo ange gi de ia i omaadeu lima.

Jude 1:17

Aagai goodou, ogu daina hagamogomogo, hagamaanadu i muna a de gau tala o Iesu Klisdo taadeu Dagi Maolunga.

Revelation 7:10

Gai gilaadeu e oo ma e hagataba, “De hagaola se mee mai i daho taadeu Maadua e noho laa i honga de nohoanga laa, ma mai i daho Ssiibi Gauligi!”