Hebrews 1:3 - De Beebaa Dabu

³ Gai Tama go de maalama o de mahamaha o de Maadua, ia go hagadulagi donu o de Maadua, gai ia e daohi mee alodahi i ssauaa o ana muna. Gai dua huu dana hagagilimalali denga haisala, gai ia gu noho i de baasi madau o de Ia Maolunga Mmao laa i mommee maolunga.

Hebrews 1:3 Iomraidhean Croise

1 Chronicles 29:11

Tagi Maolunga, koe e maolunga, gai e mmahi, koe e mahamaha, koe e kii, gai niiou ssauaa e dagi ai, gai niiau mee alodahi i de langi ma henua i lalo. Tagi Maolunga, niiou de nohoanga hodooligi, gai koe e aamua i honga mee alodahi.

De Beebaa go Job 37:22

De maalama mahamaha e hanage i ngaiho; de Maadua gu gahu i de mahamaha hagalele mouli.

Psalm 110:1

Tagi Maolunga ne hai ange gi dogu Ia Aamua, “Noho i dogu baasi madau, ga dae ai gi dagu hai oo hagadaumee go de mee e dugu ange aagena luoo vae.”

Psalm 75:3

De masavaa o henua i lalo e ngalungalue ai madali dangada iai, gai go au e daohia gi makaga ono duludulu. Selah

Ecclesiastes 8:4

De muna a de hodooligi e sauaa, gai goai e maua i de hai ange gi de ia, “Ni aha aau e hai naa?”

Leviticus 15:15

Gai tangada haimeedabu gi haia ssigidaumaha i luu manu llele laa; dahi e hai ai ssigidaumaha o haisala, gai dahi e hai ai ssigidaumaha dudu. Deenei de hai a tangada haimeedabu e hagagilimalali ai tangada e ssali mai ai laa, i mada luu mada o Tagi Maolunga.

Micah 5:4

Ia e duu naa ga hagaloosi ana ssiibi i mahi o Tagi Maolunga, ma ssauaa o Iahweh dono Maadua. Gai gilaadeu e nnoho paba naa, gai ia e maolunga naa i henua i lalo alodahi.

Matthew 22:24

ga hai ange, “Tangada Agoago, Moses ne hagadaba, ‘Noo gu magau dahi daane dau bodu gai teai sana dama, gai dono daina daane gi hai bodu ange gi dono maa, e hai ai dahi hagadiilinga moo dono daina daane.’

Mark 16:19

Gai ga lava huu muna a Tagi Maolunga go Iesu, ange gi ana dangada agoago, gai ia gu gaavage gi de langi, ga noho i de baasi madau o de Maadua.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

John 1:29

De laangi i ono dua, gai a John ne gidee e ia Iesu e humai gi ono daha, gai ia ne hagadaba, “Tilo, Ssiibi Gauligi a de Maadua, go de ia e gaavee gee haisala o henua i lalo!

John 1:4

Go ono daha iai de mouli, gai de mouli laa go de maalama o dangada.

Acts 2:33

Deenei ai, ia gu noho i de baasi madau o de Maadua, gai gu kave de Hagasaalunga Dabu gu lava laa i de hagatoo donu i daho Tamana, ma gu hai ia gi hano iho, bei doodou hai gu gidee ai naa ma de langona.

Acts 7:56

gai ia ga hagadaba, “Tilo, au e gidee de langi gu mahuge, gai Tama a Tangada e duu i de baasi madau o de Maadua.”

Romans 1:16

Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

Romans 8:34

Goai ai naa e maua i de hagabaubau gilaadeu? E deai donu. Go Klisdo Iesu ne magau — gai ia ne mouli age hogi — gai ia gu noho i de baasi madau o de Maadua, ma e dangidangi ai i odaadeu hiidinga.

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.

Colossians 3:1

Noo goodou gu mouli age madali Klisdo, gai goodou gi hai mee ange gi mee i lunga, go de mommee o Klisdo e noho ai i de baasi madau o de Maadua.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

Hebrews 1:13

Gai goai tangada de langi a de Maadua gu hai ange laa, “Noho i dogu baasi madau, ga dae ai gi dagu hai oo hagadaumee go de mommee e dugu ange aagena luoo vae”?

Hebrews 10:12

Aagai dua huu de hai a Klisdo ssigidaumaha i dono angaanga donu, i dahi hanonga, i hiidinga o denga haisala, gai ia gu noho i de baasi madau o de Maadua.

Hebrews 12:2

Gidaadeu ga daumada Iesu, taamada ma de hagaodi o odaadeu kai. Ia ne hagaduu ngae ga hagauda de laagau lui, ia tee anga ange donu gi dono hagadogaa ina, i hiidinga o de malangilangi gu dagodo laa i ono mada i mua, gai iainei ia gu noho i de baasi madau o de nohoanga o de Maadua.

Hebrews 4:14

Go hiidinga e dahi odaadeu dangada haimeedabu maolunga gu hano gi de langi, go Iesu, Tama Daane a de Maadua, deenei ai, gidaadeu ga hagammahi e daohi de gai adaadeu e tala hagadonu laa.

Hebrews 7:27

Ia e dee bei dagodo o de gau haimeedabu maolunga ange laa; ia e dee aheahe ange e hai ssigidaumaha i laangi alodahi, e tala ai ono haisala donu, gai muli mai go haisala o de huaadangada. Aagai ne dahi donu huu hanonga aana ne hai ai ssigidaumaha i dono angaanga donu, i hiidinga olaadeu haisala.

Hebrews 8:1

De mee hagamogomogo i lodo amaadeu muna e tala adu deenei: gidaadeu e dahi odaadeu dangada haimeedabu maolunga, e noho i de baasi madau o de nohoanga o de Ia Maolunga Mmao laa i de langi,

Hebrews 9:16

Go hiidinga de boolonga e hagasauaa donu huu noo tangada ne haia gu magau,

Hebrews 9:26

Noo deenei tagodo, gai Klisdo ne aheahe ange ga hagaduasala mai i taamada de hai o henua i lalo. Aagai tagodo donu, ia ne humai i dahi hanonga daudahi i denga laangi hagaodi nei, e gaavange dono mouli e hai ai ssigidaumaha e kave gee ai haisala.

1 Peter 1:21

Gai go ono hiidinga oodou ne hagadonusia ai de Maadua, de ia ne hagamouli ina age ia mai i de magau ga hagamahamaha ia; deenei ai, tagelo o oodou kai ma oodou tali hagalodolodo go de Maadua.

1 Peter 3:22

de ia gu hanage laa gi de langi ma e noho i de baasi madau o de Maadua — gai de gau de langi, ma gilaadeu e sauaa, ma gilaadeu e mmahi gu nnoho i lalo dono sauaa.

2 Peter 1:16

Gai gimaadeu tee tala adu hanu ngadi daalanga, i de masavaa amaadeu ne tala adu ai dagodo o ssauaa ma de ahe mai o taadeu Dagi Maolunga go Iesu Klisdo, aagai gimaadeu ne gidee donu dagodo o dono mahamaha.

2 Peter 1:17

De masavaa aana ne kave ai de mahamaha ma de hagadubu, mai i daho Maadua Tamana, gai dahi leo ne humai gi de ia i daho de Mahamaha Sauaa laa, ga hai ange, “Deenei dagu Dama hagamogomogo, au e malangilangi i de ia.”

1 John 1:7

Aagai noo gidaadeu e seesee i de maalama bei ono dagodo, gai gidaadeu e buni i de lodo daudahi, gai dodo o dana Dama Daane go Iesu e hagagilimalali gidaadeu mai i odaadeu haisala alodahi.

1 John 3:5

Aagai goodou e iloo bolo Klisdo ne humai, gai ia ga kave gee ai odaadeu haisala. Gai ia e deai donu ono haisala.

Jude 1:25

aama ange gi de Maadua e dahi laa donu huu, go taadeu Ia Hagaola, i hiidinga o Iesu Klisdo taadeu Dagi Maolunga, de mahamaha, ma de maolunga, ma ssauaa e dagi ai, ma de mmahi, mai i mua de hai o mee alodahi aama iainei ga hano ai e dee ngado mai. Amen.

Revelation 3:21

Be goai e kii, gai au e hai ia gi noho madali au i honga dogu nohoanga hodooligi, bei dogu hai ne kii ai laa hogi ga noho i honga de nohoanga hodooligi o dogu Damana.

Revelation 4:11

“Tagi Maolunga demaadeu Maadua, koe e bau ange gi de kave de mahamaha ma de hagadubu aama de mmahi. Go hiidinga go koe ne haia mee alodahi, gai go dau hagatau ne haia ga hanu mee nei.”