Haggai 2:6 - De Beebaa Dabu

⁶ Gai e hagadaba Tagi o denga hagabuulinga hebagi: E dee mmule naa donu, gai au ga hagangalungalue de langi ma henua i lalo, ma tai aama de henua.

Haggai 2:6 Iomraidhean Croise

De Beebaa go Job 9:6

Ia e luuluu henua i lalo ga hagangalue gee i dono duulanga, ma de hai ono duludulu gi ngalungaalue.

Psalm 18:7

Henua i lalo gu ngalungalue ma de bolebole; dagelo o denga mounga gu ngalungaalue, ma de bolebole i hiidinga ia gu lili.

Psalm 37:10

De gau baubau e moolau naa donu de llilo ga dee maaleva; gai ga saalaa naa donu e goe gilaadeu i olaadeu mommee, gai koe e dee gidee gilaadeu.

Isaiah 10:25

E dee mmule naa donu gai gu helui dogu lili i goodou, gai dogu bole gu daa gilaadeu gi maakau.

Isaiah 13:13

Deelaa ai, au e hai naa gi ngalungalue de langi; gai henua i lalo gi ngalue gee mai i dono duulanga, i de laangi o de bole o Tagi o denga hagabuulinga hebagi, ma de laangi o dono lili laumalie.

Isaiah 2:19

Dangada e saavini naa ga mmuni i lodo haonga i magavaa hadu ma haonga i lo te gelegele, i hiidinga delaadeu maatagu i Tagi Maolunga, ma de mahamaha o dono maolunga, i de masavaa oona e hidi age ai ga luuluu henua i lalo.

Isaiah 29:17

E aha, e dee se masavaa bodobodo naa donu huu, gai Lebanon gu se gelegele danuaa, gai de gelegele danuaa laa e hai naa ga bei dagodo o lodo mee muimui?

Isaiah 34:4

Denga heduu alodahi i lo te langi e llilo naa, gai de langi e hhedu naa bei de beebaa mulo; denga hagabuulingaa heduu alodahi e too iho naa, bei denga lau manu mmae o de grapevine, ma lau manu mmae o de fig.

Jeremiah 33:14

Tilo, e tae mai naa laangi, go Tagi Maolunga e hagadaba, aagu e hagassula ai dagu hagatoo donu danuaa ange gi dangada o Israel ma dangada o Judah.

Jeremiah 51:33

Gai e hagadaba Tagi o denga hagabuulinga hebagi, de Maadua o Israel: “Tamaa hine o Babylon e bei de mommee hili huamanu, i de masavaa oona e dagadagahia ai; dono masavaa e hagihagi ai gu dai dae mai donu.”

Ezekiel 38:19

Go hiidinga au e hagadaba naa i dogu lodo gaiaa, ma dogu bole, bolo e hai naa dahi hagangalungalue o de henua mmahi i Israel i de masavaa laa.

Ezekiel 38:20

Denga mamu o lausedi, ma manu llele i lo te moana i lunga, ma manu dolodolo i lodo henua, ma manu e tolo i honga de gelegele, aama dangada alodahi i henua i lalo e bolebole naa i delaadeu maatagu i ogu mada luoogu mada. Denga mounga e baakuu naa, denga hadu maolunga e malili iho naa, gai denga buibui alodahi e baakuu iho naa gi honga de gelegele.

Joel 3:16

Tagi Maolunga e haganngolo mai i Zion, gai e hai gi paa mai de hatuli i Jerusalem; de langi ma henua i lalo e ngalungaalue naa. Aagai Tagi Maolunga go de buibui o ono dangada, gai ia se mommee buibui makaga niio de gau Israel.

Acts 2:19

Gai au e hai naa denga mee hagalele mouli i lo te langi i lunga, ma de hai denga sauaa i henua i lalo, i dodo, ma de ahi, aama de useahi maadolu.

Hebrews 10:37

Go hiidinga, “E dee mmule naa donu, gai de ia e humai laa e humai donu, ia e dee mmule mai naa donu,

Revelation 11:9

Gai dangada i denga huaadangada ma aamuli alodahi ma dangada e pasa i denga hagadaagangaa muna, ma denga huaahenua alodahi e loomai naa ga haina angaanga o luu daane gu maakau laa i e dolu ma de bido laangi, gai gilaadeu tee llodo donu e dugu ange dangada gi danumia olaau angaanga.