Haggai 2:4 - De Beebaa Dabu

⁴ Aagai koe gi lo taane, Zerubbabel, go Tagi Maolunga e hagadaba. Joshua, tama daane a Jehozadak, tangada haimeedabu maolunga, koe gi lo taane. Dangada alodahi o de henua, goodou gi lo taane, go Tagi Maolunga e hagadaba, goodou hagammahi hai hegau. Go hiidinga au madali goodou, go Tagi o denga hagabuulinga hebagi e hagadaba.

Haggai 2:4 Iomraidhean Croise

2 Samuel 5:10

Gai David gu hagadagadaga ange de mmahi, go hiidinga Tagi Maolunga, de Maadua o denga hagabuulinga hebagi e noho i ono daha.

1 Chronicles 22:13

Gai koe e hagadagadaga age naa, noo koe e daohi mee a Tagi Maolunga gu hagasauaa ma de hagamodu ange gi Moses, ia gi gaavange gi de gau Israel. Koe gi lodo mmahi ma de lo taane. Aude madagu aabe gi baageaa oo lodo.

1 Chronicles 28:20

Gai David ne hai ange hogi gi dana dama go Solomon, “Koe gi lodo mmahi ma de lo taane i de hai de hegau nei. Aude madagu aabe gi lodo baageaa, go hiidinga Tagi Maolunga de Maadua, dogu Maadua, e noho madali goe. Ia e dee hano gee naa donu i oo daha aabe tili goe ga dae ai gi de lava hegau o de hale o Tagi Maolunga.

Ezra 10:18

Gai hagadiilinga o de gau haimeedabu ne hai bodu ange gi denga haahine henua gee: Mai i hagadiilinga o Jeshua, tama daane a Jozadak, ma ono daina daane: go Maaseiah, ma Eliezer, ma Jarib, aama Gedaliah.

Ezra 5:2

Gai Zerubbabel, tama daane a Shealtiel, ma Jeshua, tama daane a Jozadak, ne daamada de hagaduu age de hale o de Maadua i Jerusalem, gai luu pelaabisi o de Maadua madali gilaadeu ne bale ange gilaadeu.

Exodus 3:12

Gai de Maadua ga hai ange, “Au e noho naa donu madali goe. Gai deenei de hagailonga e hagadonu ai bolo go au donu ne haia goe gi hano: de masavaa naa huu aau e hagassao mai ai de gau Israel i Egypt, gai goodou e loomai naa ga daumaha mai gi de au i honga de mounga nei.”

Haggai 1:13

Gai Haggai, tangada hagailoo o Tagi Maolunga, ne tala ange muna a Tagi Maolunga gi dangada, ga hai ange, “Au madali goodou,” go Tagi Maolunga e hagadaba.

Zechariah 4:6

Gai ia ne hai ma gi de au, “Aanei muna a Tagi Maolunga ne tala ange gi Zerubbabel: e dee go mahi aabe go ssauaa o tangada, aagai go mahi o dogu Hagasaalunga, aanei muna a Tagi o denga hagabuulinga hebagi.

Zechariah 8:9

E hagadaba Tagi o denga hagabuulinga hebagi: Goodou alodahi ne langona laa muna nei i daho denga pelaabisi, i de laangi ne hagadagodo ai tagelo o de hale o Tagi o denga hagabuulinga hebagi, goodou gi lodo mmahi gi maua ai i de hagaahe age de temple.

Mark 16:20

Gai ana dangada agoago ne hulo ga agoago i mommee alodahi. Aagai Tagi Maolunga ne hai hegau madali gilaadeu aama de hagadonu alaadeu muna i denga hagailonga alaadeu e hai.]

Acts 7:9

Aagai odaadeu dubuna hagadubu ne hagao Joseph gi gaavee gi Egypt, i hiidinga delaadeu magiaa. Aagai de Maadua ne noho i ono daha,

1 Corinthians 16:13

Goodou dagitilo, ma de tuu gi makaga i de gai, gai gi lo taane ma de lodo mmahi.

Ephesians 6:10

Denga daina, aanei agu muna hagaodi, hagammahi ina goodou i mahi o Tagi Maolunga ma dono sauaa mmahi.

Deuteronomy 31:23

Gai Tagi Maolunga ne hagadabu Joshua, tama daane a Nun, ga hai ange, “Koe gi lodo mmahi ma de lo taane, go hiidinga go koe e gaavee de gau Israel gi de henua aagu gu hagatoo donu e gaavange gi gilaadeu, gai au e noho naa donu madali goe.”

2 Timothy 2:1

Deenei ai, dagu dama, koe gi lodo mmahi i de abodonu e dagodo laa i daho Klisdo Iesu;

2 Timothy 4:17

Aagai Tagi Maolunga ne noho madali au ma de hagammahi mai ogu lodo, gai au ga tala ai gi langona e denga Gentile de longo danuaa alodahi. Deelaa ai, au ne ola mai i de ngudu o de laiono.

Joshua 1:6

Gai koe gi lodo mmahi ma de lo taane; go hiidinga go koe e dagina de huaadangada nei gi de henua aagu gu hagatoo donu ange gi oodou dubuna madagidagi e gaavange gi gilaadeu.

Joshua 1:9

E aha, au tee tala adu laa koe gi lodo mmahi ma de lo taane? Koe gi dee madagu aabe manavasaa oo lodo, go hiidinga Tagi Maolunga doo Maadua e noho madali goe i mommee alodahi oou e hano aagena.”

Judges 2:18

Gai de masavaa a Tagi Maolunga ne gaamai ai de gau hagamodu muna gi olaadeu daha, gai ia ne noho madali de gau hagamodu muna laa, aama de hagaola gilaadeu mai i lalo olaadeu hagadaumee alodahi, i de masavaa o tangada hagamodu muna laa e mouli ai. Gai Tagi Maolunga ne aloha i gilaadeu i delaadeu tangi i hiidinga delaadeu vaivai haia aama de hagaduasala ina.

1 Samuel 16:18

Gai dahi dama daane ne hai ange, “Tilo, au e iloo dahi dama daane a Jesse, taane Bethlehem, ia e mmau i de hagadangidangi, gai se daane mmahi ma de dau i de hebagi. Ia e heiangi i de basa, gai se daane mahamaha, gai Tagi Maolunga e noho i ono daha.”