Haggai 2:23 - De Beebaa Dabu

²³ De laangi laa, go Tagi o denga hagabuulinga hebagi e hagadaba, gai au e hai naa goe, Zerubbabel, dogu dangada hai hegau, tama daane a Shealtiel, go Tagi Maolunga e hagadaba, gi bei dagodo o dogu buulei hagailonga, go hiidinga au gu hili goe, go Tagi o denga hagabuulinga hebagi e hagadaba.”

Haggai 2:23 Iomraidhean Croise

Psalm 65:5

De Maadua, demaadeu Ia Hagaola, koe ne basa mai gi amaadeu dalodalo i au hegau hagalele mouli, go koe de tali hagalodolodo o henua i lalo alodahi ma mommee mmao i honga tai.

Song of Songs 8:6

Haia au bei de mee dau i honga doo hadu manava, ma de maaga i honga doo lima; go hiidinga de aloha e mmahi bei de magau, gai dono maagoda e bei de mommee o de gau maakau. Gai e dudu bei de ahi mmahi, gai dono ula e mmahi mmao.

Isaiah 42:1

Tilo, deenei dogu dangada hai hegau, go ia aagu e bale ange; go ia aagu gu hili, gai go ia oogu e malangilangi ai. Au gu hai dogu Hagasaalunga gi hano iho gi ono elunga; gai ia ga hagamodu ai muna o denga huaahenua i de heohi.

Isaiah 43:10

E hagadaba Tagi Maolunga, “Go goodou ogu dangada hagadonu, gai go dogu dangada hai hegau aagu gu hili, gai gi iloo ai e goodou ma de hagadonu, aama de tonu ange bolo go au donu deenei. E deai ange donu se maadua gu humai i ogu mua, aabe se maadua e humai i ogu dua.

Isaiah 49:16

Tilo, au gu maaga ange goe gi honga luoogu alohi lima, gai au e daumada doo buibui i masavaa alodahi.

Jeremiah 22:24

Au e hagatoo donu i dogu mouli, go Tagi Maolunga e hagadaba, e dee galemu donu koe, Jehoiachin tama daane a Jehoiakim, de hodooligi o Judah e bei de buulei i dogu lima, gai au e unusi mai naa donu goe i dogu lima.

Matthew 12:18

“Deenei dogu dangada hai hegau go au ne hilia ia, au e aloha i de ia ma de malangilangi i de ia. Au e gaavange naa gi de ia dogu Hagasaalunga, gai ia ga agoago ange ai denga Gentile dagodo o dagu hagamodu heohi.

John 6:27

Goodou aude hai hegau ange gi gai e odi laa, aagai hai hegau ange gi gai e daakodo ange laa gi de mouli e dee ngado mai, go gai a Tama a Tangada e gaavadu gi goodou, i hiidinga Tamana go de Maadua gu lava donu i de hagailonga ia.”

2 Timothy 2:19

Aagai tagelo a de Maadua ne hagaduu e duu donu huu ma e makaga, gai e maaga i muna nei: “Tagi Maolunga e iloo e ia ono dangada donu,” gai “Dangada alodahi e hagaingoo i de ingoo o Tagi Maolunga gi hulo gee i de baubau.”

1 Peter 2:4

Goodou loomai gi de ia, go ia de hadu e mouli laa — ne tili gee laa i daho dangada, aagai de Maadua ne hili ia ga hai gi se hadu hagamogomogo —