Haggai 2:16 - De Beebaa Dabu

¹⁶ ma de masavaa o tangada ne hano ai gi dahi hagabuulingaa grain gu hagabau ange laa bolo se madalua hagabaaunga iai, gai gu se madaangahulu donu huu hagabaaunga i kilaa. Gai de masavaa o tangada e hano ai e asu e madalima hagabaaunga uvaini i de mommee e hhao ai uvaini, gai gu madalua donu huu i kilaa.

Haggai 2:16 Iomraidhean Croise

Isaiah 5:10

Gai de madaangahulu acre o denga veelengaa grape e dahi donu huu bath uvaini e maua ai, e dahi homer golee e doo naa aagai e dahi ephah e maua ai.”

Jeremiah 48:33

Gai gu deai se malangilangi be se lodo danuaa i gelegele e doo ai manu i de henua o Moab. Au gu hai gi deai uvaini i mommee e kumi ai uvaini; gu deai hogi dangada e dagadagahia denga grape ma de malangilangi i kilaa; Gai dangada e oo, gai e dee se oo i delaadeu malangilangi.

Haggai 1:6

Goodou e doo manu lagolago, aagai e sogoisi donu huu oodou mee e hagihagi. Goodou e gaimee aagai e dee boobosu. Goodou e unu, aagai e goi hieunu huu. Goodou e kahu i denga malo, gai e dee maua gi mahanahana. Goodou e kave oodou hagaoanga, gai e dagodo be goodou e hhao ange gi lo te beagi e avaava tagelo.

Haggai 2:15

Goodou nnoho hagasaelea dagodo o mee nei mai ailaa nei ga hano ai. I mua doodou daamada de hagatau age hadu e hagaduu ai de temple o Tagi Maolunga,

Haggai 2:17

Au ne hai gi mmae ma de dongidongi oodou manu, ma de gaamai denga dibadibaa haisi gi oohaa oodou manu; aagai goodou tee aahe mai gi de au, go Tagi Maolunga e hagadaba.

Malachi 2:2

Noo goodou e dee hagallongo mai, noo goodou e dee daohi muna nei i oodou lodo, e hagadubu ai dogu ingoo, go Tagi o denga hagabuulinga hebagi e hagadaba, gai au e hai naa gi humai de malaia gi goodou, gai au e hai naa doodou manuuia gi se malaia. Ni muna abodonu, au gu hagamalaia donu mee nei, i hiidinga goodou e dee daohi mee nei i oodou lodo.