Haggai 2:12 - De Beebaa Dabu

¹² ‘Noo dahi dangada e hhao ange kano manu e hai ai ssigidaumaha gi lodo ono malo ga dagidagi ai, gai dono malo e baa ange gi pelaoaa, be go ssuba, be go uvaini, be go lolo, aabe go hanu gai ange laa, gai denga mee laa e hai naa hogi ga dabu?’ ” De gau haimeedabu ne hai ange, “Deai.”

Haggai 2:12 Iomraidhean Croise

Exodus 29:37

E hidu laangi aau e hagagilimalali ai ma de hagadabu de mommee o ssigidaumaha. Gai de mommee o ssigidaumaha e hai naa ga dabu mmao. Gai be se aha naa huu e hagabaa ange gi de mommee o ssigidaumaha, gai gu dabu hogi.

Ecclesiastes 10:1

Denga lango maakau e hai ga pilo de vai hagamanongi, gai de lodo senga damaa mee e daemaha ange ono dagodo i de heiangi ma de hagadubu.

Ezekiel 44:19

Gai de masavaa naa huu olaadeu e ssao ai e hulo gi daho dangada i lo te buibui laa daha, gai gilaadeu gi hagauia malo olaadeu e hai ai laa alaadeu hegau, ga dugu i lodo aabi dabu laa; gai gi kahu i hanu malo gee ga hulo ai, gi dee paa ange ai dangada gi olaadeu malo dabu laa.

Leviticus 6:27

Gai be goai naa huu e poo ange gi kano o de manu laa gai ia gu dabu hogi; gai noo hanu ono dodo gu ssii ange ga baalau ai dahi malo, gai koe daia de malo laa i dahi mommee dabu.

Leviticus 6:29

Gai de gau haimeedabu alodahi e maua i de gaimee ai; mee nei e dabu mmao.

Leviticus 7:6

Denga daane alodahi i denga huaabodu o de gau haimeedabu e maua i de gai mee nei; gai mee nei e gai donu huu i dahi mommee dabu; se mee dabu mmao.

Matthew 23:19

Goodou ni dangada donu dee kide! Dee hee de mee hagamogomogo, go de mee ngadi gaavange, aabe go de mommee o ssigidaumaha e haia laa ga dabu de mee ngadi gaavange?

Deuteronomy 33:10

Gilaadeu e agoago ange naa Jacob i au hagamodu; gai agoagona de gau Israel i au hainga. Gilaadeu gi haia ssigidaumaha o mee maanongi i oo mada i mua, gai gi haia sigidaumaha dudu i honga dau mommee o ssigidaumaha.