Haggai 1:9 - De Beebaa Dabu

⁹ Goodou e tali bolo oodou mee e lagolago naa, aagai ne sogoisi donu oodou mee ne mau. Gai au ne hai gi deai mee oodou ne gaamai gi oodou hale. Aahee hiidinga? go Tagi o denga hagabuulinga hebagi e siilia adu. Go hiidinga dogu hale gu maoha ma e dagodo ai, gai tangada nei ma tangada nei e dee saohia donu huu i de hai dono hale.

Haggai 1:9 Iomraidhean Croise

2 Samuel 21:1

De masavaa o David e hodooligi ai, gai ne duudagi de hai de onge i honga de henua i e dolu ngadau. Gai David ne ssili ange gi Tagi Maolunga dagodo o de onge. Gai Tagi Maolunga ne hai ange, “De onge nei ne hai i hiidinga o Saul ma dono huaabodu daa dangada; go hiidinga gilaadeu ne daa ga maakau de gau Gibeon.”

2 Samuel 22:16

Lodo ava o tai gu ssula age, gai dagelo o henua i lalo gu gidee, i de hagasee a Tagi Maolunga, ga busi luoono bongaa usu.

2 Kings 19:7

Tilo, au e hai naa dahi hagasaalunga gi ulu gi ono lodo, gai de masavaa naa huu aana e langona ai dahi longo, gai ia e ahe naa gi dono henua. Gai au e hai naa dahi gi daia ia gi magau i de gadilaasa i dono henua.’ ”

De Beebaa go Job 10:2

Au e hai ange gi de Maadua: Aude hagaduasala ina au, aagai daalaa mai be se aha aau e hai baasi mai ai naa gi de au.

Proverbs 11:24

Dahi dangada e abodonu i de ngadi gaavange mee, aagai ia e kii ange naa donu de lagolago ana mee; tangada ange laa e daohi mee e heohi dana gaavange, aagai ia e hano naa donu ga hagaau aloha.

Proverbs 27:20

De mommee o de gau maakau ma Abaddon e dee maua donu gi hoohonu, gai luu ganomada o tangada e dee maua hogi gi lava ana mee e tilo.

Ecclesiastes 1:8

Mee alodahi e kona donu de hagadaalea, e hai ngadaa i de tala ono dagodo. Luu ganomada e dee maua gi lava alaau mee e tilo, luu dalinga e dee maua hogi gi lava alaau mee e hagallongo.

Isaiah 40:7

Denga helii e mmae, denga huaala e malili, i de masavaa o Tagi Maolunga e manava ange ai aagena. Ni muna abodonu, dangada e bei dagodo o denga helii.

Isaiah 5:10

Gai de madaangahulu acre o denga veelengaa grape e dahi donu huu bath uvaini e maua ai, e dahi homer golee e doo naa aagai e dahi ephah e maua ai.”

Jeremiah 12:13

Gilaadeu e doo denga grain aagai e hagihagi denga manu daladala; gilaadeu ne ngadi hagadaalea donu huu gilaadeu, aagai e deai donu mee e maua ai. Gilaadeu e dookaa i de momo alaadeu mee ne hagihagi, go hiidinga de lili o Tagi Maolunga gu laumalie.”

Ezekiel 21:31

Au e hagaduasala naa goe i dogu bole ma de hai baasi adu gi de goe i de kona dogu bole; au e dugu ange naa goe gi de gau alasala, go dangada e aabo i de oha mee.

Leviticus 19:25

Aagai de lima ngadau naa huu, gai goodou gu maua i de gai hua oodou e hagihagi. Mee nei se hai gi hhua lagolago ai oodou manu. Go au donu go Iahweh doodou Maadua.

Haggai 1:4

“E aha, se masavaa niiodou e nnoho ai i lodo oodou hale laagau danuaa, gai ga tili de hale nei gi ngadi dagodo?

Haggai 1:6

Goodou e doo manu lagolago, aagai e sogoisi donu huu oodou mee e hagihagi. Goodou e gaimee aagai e dee boobosu. Goodou e unu, aagai e goi hieunu huu. Goodou e kahu i denga malo, gai e dee maua gi mahanahana. Goodou e kave oodou hagaoanga, gai e dagodo be goodou e hhao ange gi lo te beagi e avaava tagelo.

Malachi 2:2

Noo goodou e dee hagallongo mai, noo goodou e dee daohi muna nei i oodou lodo, e hagadubu ai dogu ingoo, go Tagi o denga hagabuulinga hebagi e hagadaba, gai au e hai naa gi humai de malaia gi goodou, gai au e hai naa doodou manuuia gi se malaia. Ni muna abodonu, au gu hagamalaia donu mee nei, i hiidinga goodou e dee daohi mee nei i oodou lodo.

Deuteronomy 28:38

Gai koe e mmoli naa hanu golee lagolago gi lodo au veelenga, gai e momo naa donu huu au mee e hagihagi ai, i hiidinga denga hua e gaina naa i denga itebuubuu.

Revelation 2:4

Aagai e dahi mee aagu e hagasee ai goe: koe gu tili doo aloha i taamada.

Revelation 3:19

Au e hagasee donu ma de haele gilaadeu alodahi oogu e aloha ai. Deenei ai, koe gi hagammahi dahuli oo lodo.