Haggai 1:1 - De Beebaa Dabu

¹ De lua ngadau huu o de hodooligi go Darius, i tahi laangi o de ono malama, gai Tagi Maolunga ne hagaago ange gi de pelaabisi go Haggai ana muna ange gi Zerubbabel, tama daane a Shealtiel, de goobenaa o Judah, aama Joshua, tama daane a Jehozadak, tangada haimeedabu maolunga:

Haggai 1:1 Iomraidhean Croise

1 Kings 10:15

gai tee hagapuni ange goolo mai i daho de gau hagao mee ma de gau hagahesuihagi mee, ma mai i daho denga hodooligi o Arabia alodahi, ma goobenaa o denga vaaenga o de henua.

1 Kings 14:18

Gai de gau Israel alodahi ga danu ia ma de tangi i de ia, bei dagodo muna a Tagi Maolunga gu tala i daho dono dangada hai hegau go Ahijah, de pelaabisi.

2 Kings 14:25

Gai ia ne hagaahe mai goinga o Israel mai i Lebo Hamath ga dae ai gi Tai o Arabah, bei muna a Tagi Maolunga, de Maadua o Israel gu tala laa i daho dono dangada hai hegau go Jonah, tama daane a Amittai, de pelaabisi mai i Gath Hepher.

1 Chronicles 3:17

Hagadiilinga o Jehoiachin, go taane ne gaavee gi dahi henua gee: dana dama daane go Shealtiel,

1 Chronicles 3:19

Dama daane a Pedaiah: go Zerubbabel ma Shimei. Dama daane a Zerubbabel: go Meshullam, ma Hananiah, aama delaau daina hahine go Shelomith.

Ezra 1:8

Gai Cyrus, de hodooligi o Persia, ne hai Mithredath, tangada doange gi hagassao ina mai goloa laa mage daulia gi odi ange ga gaavange gi Sheshbazzar, tagi o Judah.

Ezra 10:18

Gai hagadiilinga o de gau haimeedabu ne hai bodu ange gi denga haahine henua gee: Mai i hagadiilinga o Jeshua, tama daane a Jozadak, ma ono daina daane: go Maaseiah, ma Eliezer, ma Jarib, aama Gedaliah.

Ezra 2:2

Gilaadeu ne aahe madali Zerubbabel, ma Jeshua, ma Nehemiah, ma Seraiah, ma Reelaiah, ma Mordecai, ma Bilshan, ma Mispar, ma Bigvai, ma Rehum, aama Baanah.) Gai deenei taelodo o de gau Israel ne daohi:

Ezra 2:63

Gai de goobenaa ne hai ange gilaadeu gi dee gaina gai dabu, ga dae ai gi de dahi dangada haimeedabu e hagamodu ina mee nei i de Urim ma de Thummim.

Ezra 3:2

Gai Jeshua, tama daane a Jozadak, ma de gau haimeedabu ange laa, ma Zerubbabel, tama daane a Shealtiel ma ono dangada, ne hagaahe age de mommee o ssigidaumaha o de Maadua o Israel e hai ai ssigidaumaha dudu, bei de hai gu sisi ai laa i lodo hainga a Moses, taane o de Maadua.

Ezra 3:8

De lua ngadau huu i de lua malama i dua delaadeu tae gi de hale o de Maadua i Jerusalem, gai Zerubbabel, tama daane a Shealtiel, ma Jeshua, tama daane a Jozadak, ma olaau dangada ange laa, go de gau haimeedabu ma de aamuli o Levi, aama dangada alodahi ne aahe mai laa madali gilaadeu gi Jerusalem, ne daamada de hegau. Gai gilaadeu ne hili denga daane de aamuli o Levi gu dagimadalua laa olaadeu ngadau ga hanage ai, gi hagaseesee ina hegau o de hale o Tagi Maolunga.

Ezra 4:2

gai gilaadeu ga loomai gi daho Zerubbabel ma dagi o denga huaabodu, ga hai ange gi gilaadeu, “Gimaadeu e llodo e bale adu goodou e hagaduu ai de hale nei; go hiidinga gimaadeu e daumaha ange gi doodou Maadua bei goodou, gai gu sigidaumaha ange huu gi de ia mai i de masavaa a Esarhaddon, de hodooligi o Assyria, go de ia ne gaamai gimaadeu gi kinei.”

Ezra 4:24

Deelaa ai, gu tuu de hai de hale o de Maadua i Jerusalem, gai ne tee ahe ange e hai ga dae ai loo gi de lua ngadau o Darius de hodooligi o Persia.

Ezra 5:1

De masavaa laa gai luu pelaabisi go Haggai ma Zechariah, tama daane a Iddo, ne pasa pelaabisi ange gi de gau Ssuu e nnoho laa i Judah aama Jerusalem i de ingoo o de Maadua o Israel e dagina laa gilaadeu.

Ezra 5:3

De masavaa laa gai Tattenai, de goobenaa i baasi dai o Euphrates, ma Shethar-Bozenai, aama olaau soa ange laa ne loomai gi olaadeu daha, ga hai ange gi gilaadeu, “Goai ne hagasauaa ina naa goodou gi hagaduulia age de hale daumaha nei ma de hagalava mee nei?”

Ezra 6:14

Gai dagi o de gau Ssuu ne duudagi de hagaduu, ma de hagasula de hegau, i de masavaa o luu pelaabisi go Haggai aama Zechariah, tama daane a Iddo. Gai gilaadeu ne hagaduu ga lava de hale daumaha, bei dagodo muna a de Maadua o Israel, aama de hagamodu a Cyrus ma Darius aama Artaxerxes, denga hodooligi o Persia.

Nehemiah 12:1

Gai aanei de gau haimeedabu, ma hagadiilinga o Levi ne aahe mai madali Zerubbabel tama daane a Shealtiel, ma Jeshua: go Seraiah, ma Jeremiah, ma Ezra,

Nehemiah 12:10

Gai Jeshua ne hagadili Joiakim, Joiakim ne hagadili Eliashib, Eliashib ne hagadili Joiada,

Nehemiah 5:14

Mai i de laangi oogu ne dae ange ai ga goobenaa i de henua go Judah, mai i de madalua ngadau o Artaxerxes ne hodooligi ai, ga dae ai gi de matolu ma lua ngadau, se madaangahulu ma lua ngadau, gai teai donu se gimaadeu ma ogu dangada ne gaimee i tuuhanga o gai e gaavange laa gi de goobenaa.

Nehemiah 7:7

gilaadeu ne loomai madali Zerubbabel, ma Jeshua, ma Nehemiah, ma Azariah, ma Raamiah, ma Nahamani, ma Mordecai, ma Bilshan, ma Mispereth, ma Bigvai, ma Nehum, aama Baanah). Aanei ingoo o de gau Israel ne daohi:

Nehemiah 8:9

Gai Nehemiah, de goobenaa, ma Ezra, tangada haimeedabu ma ssisi, ma denga daane de aamuli o Levi ne agoago ina ange laa dangada, ga hai ange gi dangada alodahi, “Anailaa nei se laangi e dabu ange gi Tagi Maolunga doodou Maadua; goodou aude llodo baubau aabe gi tangi.” Go hiidinga dangada alodahi gu tangi i de masavaa alaadeu ne langona ai muna o de hainga.

Exodus 4:13

Gai Moses ga hai ange, “Dogu Ia Aamua, aude haihaia, haia dahi dangada gee gi hano.”

Haggai 1:12

Gai Zerubbabel, tama daane a Shealtiel, ma Joshua tama daane a Jehozadak, tangada haimeedabu maolunga, aama dangada alodahi ga hagallongo ange gi muna a Tagi Maolunga, delaadeu Maadua ma muna a de pelaabisi go Haggai, go hiidinga go Tagi Maolunga, delaadeu Maadua ne haia ia gi humai. Gai dangada gu maatagu i Tagi Maolunga.

Haggai 1:14

Gai Tagi Maolunga ga hagangaalue lodo o Zerubbabel, tama daane a Shealtiel, de goobenaa o Judah, ma lodo o Joshua, tama daane a Jehozadak, tangada haimeedabu maolunga, aama lodo o dangada alodahi. Gai gilaadeu ga loomai ga daamada de hagaduu age de hale o Tagi o denga hagabuulinga hebagi, delaadeu Maadua,

Haggai 1:15

i de madalua ma haa laangi o de ono malama, i de lua ngadau o de hodooligi go Darius.

Haggai 1:2

“E hagadaba Tagi o denga hagabuulinga hebagi: De huaadangada nei e hagataba, ‘Tigi dae mai de masavaa e hagaduu age ai de hale o Tagi Maolunga.’ ”

Haggai 1:3

Gai Tagi Maolunga ne tala ange ana muna gi dangada i daho de pelaabisi go Haggai, ga hai ange,

Haggai 2:10

Gai de madalua ma haa laangi huu o ssiva malama, i de lua ngadau o Darius, gai Tagi Maolunga ga hagaago ange ana muna gi de pelaabisi go Haggai, ga hai ange,

Haggai 2:20

Gai Tagi Maolunga ne hagaago ange ana muna gi Haggai i de lua hanonga, i de madalua ma haa laangi o de malama, ga hai ange,

Haggai 2:21

“Daalaa ange gi Zerubbabel, de goobenaa o Judah bolo au gu dai hagangalungalue naa de langi ma henua i lalo.

Haggai 2:4

Aagai koe gi lo taane, Zerubbabel, go Tagi Maolunga e hagadaba. Joshua, tama daane a Jehozadak, tangada haimeedabu maolunga, koe gi lo taane. Dangada alodahi o de henua, goodou gi lo taane, go Tagi Maolunga e hagadaba, goodou hagammahi hai hegau. Go hiidinga au madali goodou, go Tagi o denga hagabuulinga hebagi e hagadaba.

Zechariah 1:1

De valu malama huu i de lua ngadau o Darius ne hodooligi ai, gai Tagi Maolunga ga hagaago ange ana muna gi de pelaabisi go Zechariah, tama daane a Berekiah, tama daane a Iddo, ga hai ange:

Zechariah 3:1

Ia ne hagaago mai hogi Joshua tangada haimeedabu maolunga e duu i mada i mua o tangada de langi o Tagi Maolunga, gai Satan e duu i dono baasi madau ma e hagabaubau ai ia.

Malachi 1:8

Goodou e gaamai denga manu dee kide e hai ai oodou sigidaumaha; e aha, e dee se hegau dee heohi deenei? Goodou e hai oodou sigidaumaha i denga manu mmagi ma manu balagelage; e aha, se hegau heohi deenei? Goodou gaavange muhuu mee naa gi doodou goobenaa, gai goodou ga tilo be ia e malangilangi laa be deai! E aha, ia e malangilangi naa i goodou? go Tagi o denga hagabuulinga hebagi e hagadaba.

Luke 3:27

Joda go tama daane a Joanan, Joanan go tama daane a Rhesa, Rhesa go tama daane a Zerubbabel, Zerubbabel go tama daane a Shealtiel, Shealtiel go tama daane a Neri,