Habakkuk 3:2 - De Beebaa Dabu

² Tagi Maolunga, au gu langona oo longo, Tagi Maolunga, gai au gu lele ogu mouli i au hegau. Ahe ange haia au hegau i demaadeu masavaa, haia gi iloo e gimaadeu dagodo o au hegau; gai koe manadua de lodo aloha i doo bole.

Habakkuk 3:2 Iomraidhean Croise

Ezra 9:8

Aagai iainei Tagi Maolunga demaadeu Maadua ne abodonu mai gi gimaadeu, i dahi damaa masavaa, ia ne hai gi hanu gimaadeu e doe, ma de gaamai gi gimaadeu dahi duulanga i dono mommee dabu. Demaadeu Maadua ne hai gi ilaage gimaadeu ma de ola mai i omaadeu hagaduasala.

De Beebaa go Job 42:5

Au gu langona oo dagodo, gai iainei au gu gidee goe;

Psalm 119:120

Dogu angaanga gu bolebole i dogu madagu i de goe, gai au e madagu i au hagamodu.

Psalm 25:6

Tagi Maolunga, manadua doo degi ma doo abodonu, go hiidinga mee nei gu hai mai loo madagidagi.

Psalm 38:1

Tagi Maolunga, koe gi dee hagasee ina loo au i doo lili aabe gi haelea mai au i doo bole.

Psalm 44:1

De Maadua, gimaadeu gu langona i omaadeu dalinga, gai omaadeu dubuna madagidagi gu tala mai gi gimaadeu, dagodo o au mee ne hai i delaadeu masavaa, i denga laangi madagidagi.

Psalm 71:20

Koe ne hai gi gidee e au denga hai ngadaa lagolago ma de baubau, gai koe e ahe ange naa ga hagaola dogu mouli, ma de hagaahe age au i de mommee o de gau maakau.

Psalm 78:38

Aagai ia ne lodo aloha, ga degi ange gi olaadeu baubau, tee daa gilaadeu gi maakau. Ia tee modu donu de golomagi ono lodo i gilaadeu, tee hagahai hegau dono bole.

Psalm 85:6

E aha, koe e dee ahe ange e hagaola mai gimaadeu, gi malangilangi ai oo dangada i oo hiidinga?

Isaiah 53:1

Goai e hagadonusia amaadeu muna gu tala? Gai goai a Tagi Maolunga gu hagaago ange aagena ssauaa o dono lima?

Isaiah 54:8

Au ne kona mmao dogu lili gai au ga haoli luoogu mada gi dee gidee e goodou i dahi masavaa bodobodo, aagai au e abodonu adu gi de goe ga hano ai ma de lodo aloha adu naa gi de goe, go Tagi Maolunga doodou Ia Hagaola e hagadaba.

Isaiah 63:15

Koe gi galo iho i de langi ma gi diiloo, ma mai i doo nohoanga maolunga, i de dabu ma de mahamaha. I hee iai doo lodo mmahi ma doo sauaa? Koe gu daohi doo abodonu ma doo lodo aloha i gimaadeu.

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Jeremiah 10:24

Tagi Maolunga, koe gi hagaheohi ina mai au, gai haelea donu i de heohi; gai e dee haelea au i doo lili, kana haia e goe au ga se ngadi mee.

Jeremiah 10:7

De Hodooligi o denga huaahenua, goai e dee madagu i de goe? Deenei de mee e heohi de hai adu gi de goe. Gai e deai donu e bei oo dagodo, i magavaa o de gau heiangi alodahi o denga huaahenua, ma olaadeu nohoanga hodooligi alodahi.

Jeremiah 29:10

Gai e hagadaba Tagi Maolunga: De masavaa naa huu e odi ange ai de madahidu ngadau, gai au ga hanadu gi oodou daha, ga hagassula mee danuaa alodahi aagu gu hagatoo donu adu ai gi goodou, ga hagaahe mai goodou gi de mommee nei.

Jeremiah 46:28

Dogu dangada hai hegau go Jacob, aude madagu, go hiidinga au e madali goe, go Tagi Maolunga e hagadaba. Gai ga oohaa naa donu e au huaahenua alodahi aagu gu hai oo dangada gi mavaevae saele aagena, gai au e dee oha donu goe. Au e haele naa goe i de hai heohi; au e dee dugu naa donu huu goe, gai e hagaduasala donu goe.”

Lamentations 3:32

Gai e dee galemu naa donu dana hai gi duu ange au gi de hagaduasala, gai ia e lodo aloha mai donu hogi, bei tagodo o dono abodonu laumalie.

Daniel 8:17

Gai ia ne humai ga duu i ogu gaogao; gai de masavaa huu oona ne humai ai, gai au gu madagu ga ino luoogu mada gi honga de gelegele. Aagai ia ne hai mai gi de au, “Tama a tangada, koe gi donu ange bolo de midi hagaago ange nei go dagodo o denga laangi hagaodi.”

Daniel 9:2

tahi ngadau oona ne hodooligi ai, gai au ne daulia ange i lodo beebaa taelodo o ngadau o Jerusalem e ngadi dagodo ai, bei de hai a Tagi Maolunga gu tala ange ai laa gi de pelaabisi go Jeremiah, bolo taulooloa o de masavaa laa se madahidu ngadau.

Habakkuk 3:1

Talodalo a de pelaabisi go Habakkuk, e hua bei de Shigionoth.

Habakkuk 3:16

Au ne langona mee nei, gai dogu angaanga gu bolebole, luoogu malaungudu gu bolebole hogi i dagu longo mee nei; ogu ivi gu daamada de pobo, gai luoogu vae gu pole. Aagai au e noho naa ga tali de masavaa o de hai ngadaa e humai ai gi honga o dangada gu hebagi mai gi gimaadeu.

Zechariah 1:12

Gai tangada de langi o Tagi Maolunga ga hagadaba, “Tagi o denga hagabuulinga hebagi, dee hee maa taulooloa doo dee degi ange gi Jerusalem ma denga aduhale o Judah, ma de golo age doo lili i ngadau e madahidu nei?”

John 10:10

Tangada gaiaa se humai e gaiaa, ma de daa gi maakau aama de oha; au ne humai gi maua ai e gilaadeu de mouli, go de mouli e honu abodonu.

Romans 10:16

Aagai e dee go de gau Israel alodahi ne daohia muna o de longo danuaa; go hiidinga Isaiah ne hagadaba, “Tagi Maolunga, goai ne hagadonusia amaadeu agoago?”

Philippians 1:6

Gai au e iloo abodonu bolo de Maadua ne damadaa ina laa de hegau danuaa i oodou lodo naa, e duudagi naa donu de hegau naa ga dae ai gi dana hagalava i de laangi o Klisdo Iesu e ahe mai ai.

Hebrews 11:7

De gai o Noah, i de masavaa a Maadua ne hagakana ange ai ia, i dagodo o mee tigi gidee, ne hai ga maua e ia i de hagaduu dahi vaga hale ga hagamouli ai dono huaabodu, i hiidinga dono madagu. Dono gai ne hagabaubau henua i lalo, gai ia gu hagabinga hogi bolo se daane heohi i dono gai.

Hebrews 12:21

Gai ne kona donu de hagamaatagu i de tilo mee laa, gai Moses ne hagadaba, “Au ne bolebole mmao i dogu madagu.”

Revelation 15:4

Tagi Maolunga, goai e dee madagu ma tee hagamahamaha ina doo ingoo? Go koe donu huu e dabu. Denga huaahenua alodahi e loomai naa ga daumaha adu gi de goe, go hiidinga koe gu hagaago mai au hagamodu heohi.”