Habakkuk 2:1 - De Beebaa Dabu

¹ Au e duu naa ga dagitilo, au e noho naa i honga de mommee dagitilo; e tilo ai be aahee ana muna e tala mai gi de au, ma dagu hai e basa ange ai gi agu muna e nanu ai.

Habakkuk 2:1 Iomraidhean Croise

2 Samuel 18:24

De masavaa laa gai David e noho i magavaa de haitoga i lodo ma de haitoga i daha i de buibui o de aduhale; gai taane dagidiiloo ne gage ga noho i honga de haitoga i gaogao de buibui. Gai ia ne gidee adu dahi daane e savini mai donu huu i de ia.

2 Kings 17:9

Gai de gau Israel ne hai hagammuni denga hegau dee heohi e hai baasi ange laa gi Tagi Maolunga, delaadeu Maadua. Gilaadeu ne hagatuu denga mommee daumaha i denga aduhale alodahi, mai mommee iai hale dagitilo ga dae ai gi denga aduhale buibui.

2 Kings 9:17

Gai taane dagitilo e duu laa i honga de hale dagitilo maolunga i Jezreel, ne gidee adu e ia dahi hagabuulinga e loomai madali Jehu, gai ia ga oo iho ga hai ange, “Au e gidee adu dahi hagabuulinga e loomai.” Gai Joram ga hai ange, “Gaamai dahi daane e savini laa i honga de hoosa, ga hai ia gi hano gi hedae ange gi gilaadeu, ma gi siilia ange, ‘Go hiidinga o de nnoho paba oodou ne loomai ai naa?’ ”

De Beebaa go Job 31:35

(Mee naa gi dahi dangada e hagalaangona agu muna! Tilo, au gu sisi dogu ingoo e hagasauaa ai agu muna; de Ia Mmahi Mmao laa gi basa mai gi agu muna, gai dogu hagadaumee gi siia ana mee e hagabaubau ai au.

De Beebaa go Job 31:37

Au e tala ange naa gi de ia agu mee alodahi gu hai; au e hedae ange naa gi de ia, bei dagodo o dahi dagi.) —

Psalm 5:3

Tagi Maolunga, koe gi hagalangona dagu dangidangi i taiao, au e hagadabena dagu sigidaumaha adu gi de goe i taiao ma de noho ga tali ⌊doo basa mai⌋.

Psalm 85:8

Au e hagallongo muna a de Maadua, Tagi Maolunga e tala; ia e hagatoo donu ange gi ono dangada de nnoho paba, go ono dangada dabu, aagai gilaadeu gi dee aahe ange gi hai hegau i de llodo ssenga.

Psalm 85:9

Ni muna abodonu, dana hagaola e dee mmao gee donu i gilaadeu e maatagu i de ia, gi dagodo ai de mahamaha o Tagi Maolunga i honga taadeu henua.

Isaiah 21:5

Gilaadeu gu hagadabena denga deebele, gilaadeu gu hhola mee e nnoho ai dangada, gilaadeu gu gaimee ma de unu! Denga dagi, goodou hiihidi age, hagalollolo ina denga mee hungihungi!

Isaiah 21:6

Gai de Ia Aamua laa ne hai mai gi de au, “Hannoo haia dahi dangada gi duu gi dagitilo, gai ia gi hagailoo ina mee aana e gidee.

Isaiah 21:8

Gai tangada dagitilo ne oo ga hagadaba, “Dogu dangada aamua, laangi alodahi, gai au e duu i de mommee dagitilo; boo alodahi gai au e duu i dogu mommee.

Isaiah 62:6

Jerusalem, au gu dugu denga daane dagitilo i honga doo buibui; gai gilaadeu e dee hagapuni naa donu olaadeu ngudu i de laangi ma boo. Goodou e dalodalo ange laa gi Tagi Maolunga, goodou aude damaa hagammabu donu,

Jeremiah 12:1

Tagi Maolunga, koe e heohi donu, i de masavaa aagu e tala adu ai dogu heohi. Aagai au e basa adu gi de goe i dagodo o dau hagamodu muna. Gu aha de gau baubau e hagadagadaga age ai laa? Gai gu aha de gau vaivai daakodo alodahi e duadonu ai laa?

Jeremiah 6:17

Au ne hili hanu dangada dagitilo moodou, ga hai ange, ‘Goodou hagalaangona de ili o de hanga manu!’ Aagai goodou e hagataba, ‘Gimaadeu e dee hagallongo donu.’

Ezekiel 3:17

“Tama a tangada, au gu hili goe gi se dangada dagitilo niio de gau Israel; gai de masavaa naa huu aau e langona ai agu muna e tala adu, gai koe ga hagakana ange ai gilaadeu.

Ezekiel 33:7

Gai koe, tama a tangada, au gu hili goe e hai ai tangada dagitilo o de gau Israel; gai koe ga hagallongo agu muna e tala adu ga hagakana ange ai gilaadeu.

Micah 7:7

Aagai ogu dagodo, au e dagitilo naa ma de tali ange Tagi Maolunga, au e tali ange de Maadua dogu Ia Hagaola; gai dogu Maadua e hagallongo naa donu dagu dangi.

2 Corinthians 13:3

i hiidinga goodou e llodo e ssala gi iloo abodonu be go Klisdo donu e basa nei i ogu daha. Gai ia e dee baageaa donu i de hai hegau i oodou daha, aagai e mmahi mmao i oodou daha.

Galatians 1:16

ne malangilangi ai i de hagaago mai dana Dama Daane gi de au, gi maua ai e au i de agoago ange ia gi denga Gentile, gai au tee hano donu e kave de bale mai i daho dahi dangada daudahi.