Habakkuk 1:4 - De Beebaa Dabu

⁴ Deenei ai, de hainga gu dee hai hegau, gai de hagamodu heohi gu dee sula age. De gau baubau gu soa ange i gilaadeu e heohi, de hagamodu heohi gu dee hai hegau.

Habakkuk 1:4 Iomraidhean Croise

1 Kings 21:13

Gai luu daane baubau laa ne loomai ga nnoho i ono gaogao, gai gilaau ga hagabaubau Naboth i madamada o dangada, ga hagataba, “Naboth gu basa hagamaolunga i de Maadua ma de hodooligi.” Gai gilaadeu ga kave ia gi tua de aduhale ga maga ia gu magau i denga hadu.

De Beebaa go Job 21:7

Gu aha de gau baubau goi mouli ai laa huu, gai gilaadeu e hulo ga madumaatua ma de hagadaga ange de mmahi?

Psalm 11:3

De masavaa e oha ina ai denga dagelo, gai ni aha naa a tangada heohi e maua i de hai?”

Psalm 119:126

Tagi Maolunga, gu dae mai de masavaa e hai ai au hegau, go hiidinga gilaadeu gu oha au hainga.

Psalm 22:12

Denga kaau lagolago e duuli luoogu baasi; denga kaau mmahi o Bashan e duuli au;

Psalm 22:16

Denga gaaduu gu duuli luoogu baasi; de hagabuulinga o de gau baubau gu duuli au, gilaadeu gu hagalagolagohia luoogu lima ma luoogu vae.

Psalm 59:2

Hagaola ina mai au i gilaadeu e haia de baubau, ma de hagamouli au mai i gilaadeu e daia dangada gi maakau.

Psalm 59:4

Au tigi hai donu dahi mee dee heohi, gai gilaadeu gu nnoho e hebagi mai. Hidi age balea mai au; galo mai diiloo ogu dagodo!

Psalm 94:3

Tagi Maolunga, dee hee maa taulooloa, dee hee maa taulooloa de malangilangi o de gau baubau?

Exodus 23:2

Aude ago ange i dangada soa gi haia ai de baubau, aabe gi hagahaisala ina de hagamodu heohi, i doo hagabuni ange gi dangada soa,

Exodus 23:6

Aude buibuia de hagamodu heohi ange gi tangada hagaau aloha, i de masavaa e hagamodu ai ono muna.

Isaiah 5:20

E vakaa naa gilaadeu e daalaa bolo de baubau go tanuaa, gai tanuaa go de baubau, gilaadeu e tala bolo de gohu go de maalama gai de maalama go de gohu, gai gilaadeu e tala bolo de mee mmala e mee maimai, gai de mee maimai e mmala.

Isaiah 59:12

Go hiidinga omaadeu baubau i mada luoo mada e lagolago mmao, omaadeu haisala gu hagabaubau donu gi gimaadeu. Omaadeu baubau e daakodo donu i omaadeu daha, gai gimaadeu e iloo donu omaadeu baubau.

Jeremiah 12:1

Tagi Maolunga, koe e heohi donu, i de masavaa aagu e tala adu ai dogu heohi. Aagai au e basa adu gi de goe i dagodo o dau hagamodu muna. Gu aha de gau baubau e hagadagadaga age ai laa? Gai gu aha de gau vaivai daakodo alodahi e duadonu ai laa?

Jeremiah 12:6

Oo daina, ma doo huaabodu tee hai hegau adu gi de goe i de mee abodonu; gilaadeu e kona donu de hai baasi adu gi de goe. Aude hagadonusia alaadeu muna, e dee galemu donu delaadeu pasa danuaa i de goe.

Jeremiah 26:8

Aagai de masavaa huu a Jeremiah ne tala ai ga odi muna alodahi a Tagi Maolunga ne tala ange, ia gi daalaa ange gi dangada alodahi, gai de gau haimeedabu ma denga pelaabisi ma dangada alodahi i kilaa ga poo ia, ga hai ange, “Koe e daa donu gi magau!

Jeremiah 8:7

De manu lele go de stork i lo te moana e iloo masavaa gu hagailonga ange gi de ia, gai de manu kono, de swallow aama de crane e daudali olaadeu masavaa e aahe mai ai. Aagai ogu dangada e dee iloo e gilaadeu hagamodu a Tagi Maolunga.

Ezekiel 9:9

Gai ia ne hai mai gi de au, “Haisala o dangada o Israel ma dangada o Judah gu kona mmao de baubau; de henua gu honu i todo, gai gu deai se hagamodu heohi i de aduhale. Gilaadeu e hagataba, ‘Tagi Maolunga gu tili de henua; Tagi Maolunga e dee gidee mee gu hai.’

Hosea 10:4

Gilaadeu e tala hanu ngadi muna, ma de hai denga ngadi hagatoo donu hagaheloongoi; deelaa ai, de hagaduasala gu sula age bei dagodo o denga helii hagammau e ssomo age laa i de mommee gu hagabalabala.

Amos 5:12

Au e iloo taelodo o oodou hegau baubau, ma de lagolago oodou haisala. Goodou e hagaduasala gilaadeu e heohi gai e kave mee ngadi gaavange hagasenga, goodou e dee hagamodu muna o de gau hagaau aloha i de heohi, i de haitoga o de aduhale.

Amos 5:7

Goodou dangada e suuia de hagamodu heohi gi bei de mee mmala ma de dagadagahi gi honga de gelegele de mee heohi —

Mark 7:9

Iesu ne hai ange hogi gi gilaadeu, “Goodou e heiangi donu i de tili muna a de Maadua, gi maua ai e goodou i de hai hegau i oodou dahulinga.

Acts 7:52

Gai goai denga pelaabisi a oodou dubuna madagidagi tee vaivai hai? Gilaadeu ne daa ga maakau dangada ne daalaa dagodo de humai o de Ia Heohi laa, go de ia oodou gu gaavange laa ma de daa ga magau —

Acts 7:59

Gai de masavaa alaadeu e maga ai Stephen, gai ia ne dalodalo ga hai ange, “Tagi Maolunga go Iesu, gaavee dogu hagasaalunga.”

Romans 3:31

Gai e maua ai naa e gidaadeu i de tili hainga a Moses i hiidinga gidaadeu gu hagaheohi i odaadeu kai? E dee maua donu! Aagai gidaadeu gi hagasula ina de hainga.

Deuteronomy 16:19

Aude hagahaisala de hagamodu heohi, aabe gi hilihili dangada. Aude gaavee de mee ngadi gaavange hagasenga, go hiidinga de ngadi gaavange hagasenga e hai ga dee gidee e tangada heiangi de mee heohi, ma de hagahaisala muna a dangada e heohi laa.