Genesis 9:27 - De Beebaa Dabu

²⁷ De Maadua gi hagalaumalie ina de vaaenga o Japheth, gai ia gi noho madali a Shem i lodo ono hale malo, gai Canaan gi se dangada hai hegau niio Japheth.”

Genesis 9:27 Iomraidhean Croise

Genesis 10:2

Dama daane a Japheth: go Gomer, ma Magog, ma Madai, ma Javan, ma Tubal, ma Meshek, aama Tiras.

Genesis 27:29

Gai gi soa huaahenua e hai hegau adu gi de goe, gai denga huaahenua gi ino adu gi de goe. Gai go koe gi dagina oo daina, gai dama a doo dinana gi ino adu gi de goe. Dangada e hagamalaia ina goe gi maalaia naa, gai gilaadeu e hagamanuuia ina goe e manuuia naa.”

Genesis 9:28

Gai ne 350 ngadau o Noah ne mouli ai i dua tolona.

Isaiah 11:10

De laangi laa gai de uli o Jesse e duu age naa e hai ai de hagailonga ange gi denga huaadangada; gai denga huaahenua e hagabuni mai naa gi kilaa, gai dono mommee hagammabu e hai naa ga mahamaha.

Isaiah 66:19

Au e hagaduu ange naa dahi hagailonga i olaadeu magavaa, ma de hai hanu gilaadeu ne ola gi hulo gi denga huaahenua: go Tarshish, ma Put, ma Lud, go dangada e mmau i de tili mee hholu, ma Tubal ma de gau Greek, ma mommee i tagudai tigi langona e gilaadeu ogu longo aabe gidee dogu mahamaha. Gilaadeu e tala ange gi denga huaahenua dagodo o dogu mahamaha.

Hosea 2:14

Deenei ai, tilo, au e hagaaneane naa ia, ga kave ia gi de vao ga basa maamaane ange gi de ia.

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Acts 17:14

Aagai denga daina ne hagamoolau ga hai a Paul gi hano gi tagudai; gai Silas ma Timothy ne nnoho i Berea.

Romans 11:12

Gai noo delaadeu haisala ne hai ga laumalie de manuuia ange gi henua i lalo, gai noo delaadeu dee maua ne hai ga manuuia denga Gentile, gai dee hee maa ai naa de laumalie de manuuia e humai noo gilaadeu alodahi gu dau!

Romans 15:12

Gai Isaiah gu hagadaba hogi, “De mogobuna o Jesse e humai naa, ia e hanage naa ga dagi denga Gentile; gai go ia de tali hagalodolodo a denga Gentile.”

Ephesians 2:19

Deenei ai, goodou gu dee ni dangada tua de mee aabe ni dangada henua gee, aagai gu ni dangada donu de henua madali dangada o de Maadua, goodou gu ni dangada donu dono huaabodu.

Ephesians 3:13

Deenei ai, au e dangidangi adu goodou gi dee baageaa oodou lodo i ogu hagaduasala lagolago i oodou hiidinga; mee nei go doodou mahamaha.

Ephesians 3:6

Deenei de mee nogo dee iloo laa: denga Gentile gu dau hogi i de boolonga madali de gau Ssuu, gilaadeu alodahi gu dau ange gi de angaanga daudahi, ma de kave de hagatoo donu i lodo o Klisdo Iesu i de longo danuaa.