Genesis 7:11 - De Beebaa Dabu

¹¹ Gai go de onolau ngadau o Noah, i de madaangahulu ma hidu laangi o de lua malama — go de laangi nei ne hhuge ai denga vai i lalo de henua, gai denga abaaba o de langi gu hhuge.

Genesis 7:11 Iomraidhean Croise

Genesis 1:7

Gai de Maadua ne hai lo te moana i lunga ga vvae ai denga vai i baasi i lunga ma vai i baasi i lalo o de moana laa. Gai gu bei donu ana muna.

Genesis 6:17

Gai au e hai naa gi dolona honga henua i lalo e daa ai gi maakau mee alodahi e mouli ma e manamanava i lalo de langi. Mee alodahi i henua i lalo e odi naa i de maakau.

Genesis 7:6

Gai Noah gu onolau ono ngadau i de masavaa ne hai ai tolona i henua i lalo.

Genesis 8:14

Gai go de madalua ma hidu laangi o de lua malama ne mmasa i honga de henua alodahi.

Genesis 8:2

Gai gu tuu de ssali age o denga vai i lalo de henua, gai gu pono denga abaaba o de langi, gai gu sili de langi.

2 Kings 7:19

Gai tagi o denga daane hebagi ne hai ange laa gi taane o de Maadua, “Ga huugea naa donu e Tagi Maolunga denga abaaba o de langi, gai de mee laa e dee maua donu i de hai.” Gai taane o de Maadua ne hai ange, “Koe e gidee naa de hai mee nei, aagai koe e dee mami ange naa donu dahi mee daudahi.”

2 Kings 7:2

Gai taane e baalea ange laa de hodooligi ne hai ange gi taane o de Maadua, “Ga huugea naa donu e Tagi Maolunga denga abaaba o de langi, gai e dee maua donu i de hai mee nei!” Gai Elisha ga hai ange, “Koe e gidee naa de hai mee nei, aagai koe e dee mami ange naa donu mee nei.”

De Beebaa go Job 12:15

Noo ia e daohi denga vai, gai mee alodahi gu mmae; noo ia e hai gi ssali denga vai, gai gu dolona honga de henua.

De Beebaa go Job 28:4

Gilaadeu e geli mommee mmao e deai dangada iai, go mommee e dee seesee ai dangada; gai gilaadeu e daudau i daula i lo te moana, i de mommee e mmao gee mai i dangada.

De Beebaa go Job 38:16

E aha, koe gu dae laa gi de mommee e ssali age ai vai o tai, aabe gu seesee i lo te dagelo o de moana?

De Beebaa go Job 38:37

Goai e dahi ono heiangi e dau denga giliiga? Gai goai e maua i de hagadiba de ssaa e hhao ai vai i lo te langi,

Psalm 33:7

Ia ne hagabudu denga lausedi bei vai i lo te manu hao vai; gai ia ne dugu de moana gelo i lodo mommee doange.

Psalm 74:15

Go koe ne huugea denga vai ma saalingaa vai; koe ne hai gi maamasa denga saalingaa vai mmahi.

Proverbs 3:20

Dono iloo mee ne vvae denga moana kelo, gai ne hai gi hano iho de mee suungia i lodo hagausinga.

Isaiah 24:18

Be goai e savini ga hano i dana langona de dae mai o de mee hagamaatagu, e doo ange naa gi lo te geelonga; gai be goai e gage age i lo te geelonga, e doo ange naa gi lo te sele. Denga abaaba o de langi gu maahuge, gai denga dagelo o henua i lalo gu ngalungaalue.

Isaiah 24:19

Henua i lalo gu odi i de maoha, henua i lalo gu mahanga lua; henua i lalo gu kona donu de ngalungalue.

Jeremiah 5:22

E aha, goodou e dee maatagu naa i de au? go Tagi Maolunga e hagadaba. E aha, goodou e dee maatagu i de tuu i mada luoogu mada? Goodou e dee bolebole i doodou tuu i ogu mada i mua? Au ne hai de gelegele dea go de ngaadonga o tai, gai se buibui e dagodo gai tai e dee maua i de hano gi ui ai. Denga beau e hadihadi mai, aagai e dee maua i de oha; denga beau e hagangolo mai, aagai e dee maua i de hulo gi ui ai.

Jeremiah 51:16

De masavaa oona e basa ai, gai vai i lo te langi gu hagangolo; ia e hai de mama o denga vai gi hanage i luu bido o henua i lalo. Ia e hai gi labalaba de uila i de masavaa e pala ai de langi, ma de hagasao mai de madangi i lodo ono mommee doange goloa.

Ezekiel 26:19

E hagadaba de Ia Aamua go Iahweh: Dagu masavaa naa huu e hai ai goe gi ngadi dagodo, bei aduhale gu deai laa dangada e nnoho ai, ma de hai tai gelo ma ono lausedi lagolago gi haolia goe,

Malachi 3:10

Goodou gaamai alodahi denga sigidaumaha o dahi diba i diba e madaangahulu gi dogu mommee doange, gi hanu ai gai i dogu hale. Gai hagatale ange ogu dagodo, go Tagi o denga hagabuulinga hebagi e hagadaba, gai goodou ga tilo dagu hhuge denga haitoga o de langi ga llingi iho denga manuuia lagolago, ga dae ai gi de hoohonu oodou mommee doange mee.

Matthew 24:38

Laangi i mua o tolona gai dangada ne gaimee ma de unu, ma de hai bodu aama de gaavange alaadeu dama gi hai bodu, ga dae ai gi de laangi o Noah ne ulu ai gi lo te vaga hale.

1 Thessalonians 5:3

De masavaa a dangada e hagataba ai, “Gu nnoho paba dangada ma tee manavasaa,” gai gu moolau donu de dae mai de hagaduasala, bei dagodo o de hai hagalangona o de hine gu dai haanau, aagai e deai donu e maua i de saavini e hulo gee.

2 Peter 3:6

Gai go vai nei hogi ne oha ai henua i lalo i de masavaa laa.