Genesis 7:1 - De Beebaa Dabu

¹ Gai Tagi Maolunga ga hai ange gi Noah, “Hannoo ulu gi lo te vaga hale madali dangada alodahi i doo huaabodu, go hiidinga au gu gidee bolo koe se daane e heohi oo dagodo i de atangada nei.

Genesis 7:1 Iomraidhean Croise

Genesis 6:18

Aagai au e hai naa dahi hagatoo donu hagaheloongoi madali goe; gai koe ga ulu ai gi lo te vaga hale laa madali au dama daane, ma doo bodu, ma bodu o au dama.

Genesis 6:9

Deenei taalanga o de huaabodu o Noah. Noah se daane e heohi aama tee haisala i dono atangada; Noah ne seesee madali de Maadua.

Genesis 7:13

Gai go de laangi laa donu hogi o Noah ma ana dama daane, go Shem, ma Ham, ma Japheth, ma de bodu o Noah, ma bodu o alaau dama daane dogodolu ne ulu ai gi lo te vaga hale,

Genesis 7:7

Gai a Noah ma ana dama daane ma dono bodu ma bodu o ana dama, ga ulu gi lo te vaga hale gi ola mai ai gilaadeu i tolona.

2 Samuel 22:24

Au tigi haisala donu i mada luoono mada, gai au ne daohi gi dee haisala au.

Proverbs 10:9

Tangada e hai hegau laa i de mee abodonu e noho baba, aagai tangada e seesee laa i denga haiava dee heohi e gidee mai naa ono dagodo.

Proverbs 14:26

Tangada e madagu laa i Tagi Maolunga e lodo mmahi, gai se buibui ange gi ana dama.

Proverbs 18:10

De ingoo o Tagi Maolunga e bei de hale buibui makaga; tangada heohi e savini ga hano aagena gai ia gu ola.

Ezekiel 14:14

gai ga nnoho naa donu denga daane dogodolu nei, go Noah, ma Daniel, aama Job i honga de henua, gai go gilaadeu donu huu alaadeu e maua i de hagaola i olaadeu heohi, go de Ia Aamua go Iahweh e hagadaba.

Zephaniah 2:3

Goodou saalaa Tagi Maolunga, alodahi e daudonu i honga de henua, ma de daudali i ana muna. Goodou saalaa de mee heohi, saalaa de lodo maolalo; kana adu ia e buibui naa goodou, i de laangi o Tagi Maolunga e bole ai.

Luke 1:6

Gilaau ni dangada e heohi abodonu i mada luu mada o de Maadua, gai e honu delaau daudali i muna alodahi ma hainga a Tagi Maolunga gu hagasauaa.

Luke 17:26

Gai laangi o Tama a Tangada e bei naa dagodo o de masavaa o Noah.

Acts 2:39

De hagatoo donu nei se mee adu gi goodou ma oodou dama, aama dangada e mmao gee laa; go dangada alodahi a Tagi Maolunga de Maadua e hagahi.”

Hebrews 11:7

De gai o Noah, i de masavaa a Maadua ne hagakana ange ai ia, i dagodo o mee tigi gidee, ne hai ga maua e ia i de hagaduu dahi vaga hale ga hagamouli ai dono huaabodu, i hiidinga dono madagu. Dono gai ne hagabaubau henua i lalo, gai ia gu hagabinga hogi bolo se daane heohi i dono gai.

1 Peter 3:20

go gilaadeu tee daudali laa i muna a de Maadua madagidagi, i de masavaa a de Maadua ne golomagi ai ono lodo ga tali ange gilaadeu i laangi o Noah, i de masavaa a Noah ne hagaduu ai de vaga hale. Gai ne sogoisi donu huu dangada i lo te vaga laa, se dogovalu alodahi gilaadeu ne ola mai i lodo vai laa.