Genesis 6:7 - De Beebaa Dabu

⁷ Gai Tagi Maolunga ga hagadaba, “Au e hai naa gi odi i de maakau dangada aagu ne hai laa i de gelegele; go dangada alodahi ma manu dolodolo, ma manu e tolo i honga de gelegele, aama denga manu llele i lo te moana i lunga, i hiidinga au gu sivi i dagu hai gilaadeu.”

Genesis 6:7 Iomraidhean Croise

Genesis 6:6

Gai Tagi Maolunga gu ahe dana maanadu i dana hai tangada i henua i lalo, gai ia gu daemaha mmao ono lodo.

Genesis 7:21

Gai mee alodahi e mouli ma e ngalungaalue saele i honga de henua gu maakau — go manu llele, ma manu haangai, ma manu lodo henua, ma manu vaaligiligi alodahi i honga de henua, aama dangada alodahi;

Genesis 7:4

Gai e hidu ange naa donu huu laangi, gai au ga hai gi pala iho de langi gi henua i lalo, i e madahaa laangi ma e madahaa boo, gai au ga daa ai naa gi maakau mee alodahi e mouli aagu ne hai laa.”

Genesis 8:21

Gai Tagi Maolunga gu dungua de kala o ssigidaumaha laa, gai Tagi Maolunga ga hagadaba i ono lodo: “Au gu dee ahe ange naa donu e hagamalaia de gelegele i hiidinga o dangada, e dee galemu donu maanadu i lodo o tangada, e baubau donu mai i dono gauligi. Au gu dee ahe ange naa donu e daa gi maakau mee alodahi e mouli, bei dagu hai ne hai ai nei i de haonga nei.

Psalm 37:20

Aagai de gau baubau e maakau donu; hagadaumee o Tagi Maolunga e bei de mahamaha o de mommee iai helii, gai e moolau donu de llilo bei de useahi.

Proverbs 10:27

De madagu i Tagi Maolunga e hai ga daulooloa de mouli o tangada, aagai ngadau o de gau baubau e tuu mai naa gi sogoisi.

Proverbs 16:4

Tagi Maolunga e hagahai hegau mee alodahi gi bei dana hagatau; ia e hagadabena ange donu hogi tangada baubau gi de laangi o de hagaduasala.

Isaiah 27:11

De masavaa naa huu o ono laa vaaligi e mmasa ai, gai gu hadihadi, gai denga haahine ga hai ai alaadeu ahi. Gai de huaadangada nei e dee maua donu gi tonu ange, gai de ia ne haia gilaadeu tee lodo aloha i gilaadeu; de ia ne haia gilaadeu tee abodonu ange gi gilaadeu.

Hosea 4:3

Deenei ai, de henua gu ngadi dagodo, gai alodahi e nnoho i kilaa gu deai olaadeu mahi, denga manu dolodolo o lodo henua ma manu llele ma mamu i lausedi gu maakau.

Amos 7:3

Gai Tagi Maolunga ne sui dana hagatau, gai ia ga hagadaba, “De mee nei e dee hagassula donu.”

Amos 7:6

Gai Tagi Maolunga gu sui ange hogi dana hagatau. “De mee nei e dee hagasula hogi,” go de Ia Aamua go Iahweh e hagadaba.

Zephaniah 1:18

Alaadeu selevaa ma alaadeu goolo e dee maua naa donu i de hagaola gilaadeu i de laangi o Tagi Maolunga e bole ai. Dono magiaa e bei naa de ahi e dudu naa ga odi henua i lalo alodahi, gai ia e moolau naa donu dana daa ga maakau dangada alodahi i henua i lalo.

Zephaniah 1:2

“Au e oha naa mee alodahi i honga de henua, go Tagi Maolunga e hagadaba.

Zephaniah 1:3

Au e daa naa dangada ma manu dolodolo alodahi; au e daa naa gi maakau denga manu llele i lo te moana ma denga mamu i lo te dai. De gau baubau e bei naa denga hagabuudungaa gainga, i de masavaa aagu e daa ai gi maakau dangada i honga henua i lalo, go Tagi Maolunga e hagadaba.

Deuteronomy 28:63

Gai Tagi Maolunga e malangilangi naa hogi i de hai adu tanuaa gi de goe ma de hai gi soa goodou, aagai ia e malangilangi naa hogi i de hagaduasala goodou ga dae ai gi teai se goodou e doe. Goodou e gaavee gee naa i de henua oodou ga hulo naa e kave e henua ai.

Deuteronomy 29:20

Gai Tagi Maolunga e dee degi ange naa donu gi de ia, aagai de lili o Tagi Maolunga ma dono maagoda e hai baasi ange donu gi tangada nei, bei dagodo o de useahi. Gai hagamalaia alodahi gu sisi laa i lo te beebaa nei, e hai ange naa gi de ia, gai Tagi Maolunga e hai naa gi dee manadua dono ingoo i lalo de langi.

1 Samuel 15:11

“Au gu vvela de aloha i dagu hai a Saul gi hodooligi, go hiidinga ia ne dahuli gee i de au, ia tee hagassula agu muna ange gi de ia.” Gai Samuel gu dee baba ono lodo, gai ia ne dangi ange gi Tagi Maolunga i de boo laa alodahi.