Genesis 6:6 - De Beebaa Dabu

⁶ Gai Tagi Maolunga gu ahe dana maanadu i dana hai tangada i henua i lalo, gai ia gu daemaha mmao ono lodo.

Genesis 6:6 Iomraidhean Croise

Genesis 6:7

Gai Tagi Maolunga ga hagadaba, “Au e hai naa gi odi i de maakau dangada aagu ne hai laa i de gelegele; go dangada alodahi ma manu dolodolo, ma manu e tolo i honga de gelegele, aama denga manu llele i lo te moana i lunga, i hiidinga au gu sivi i dagu hai gilaadeu.”

2 Samuel 24:16

De masavaa a tangada de langi o Tagi Maolunga ne hagaabo ai dono lima e oha de aduhale go Jerusalem, gai Tagi Maolunga gu sui dono lodo e hai de baubau laa, gai ia ne hai ange gi tangada de langi e daia laa dangada, “Gu lava! Dugua iho doo lima!” De masavaa laa gai tangada de langi o Tagi Maolunga gu dae mai gi gaogao de mommee hili huamanu o Araunah, taane Jebus.

1 Chronicles 21:15

Gai de Maadua ne hai gi humai dahi dangada de langi gi daia gi maakau dangada i Jerusalem; aagai de masavaa a tangada de langi ne daamada ai de daa dangada, gai Tagi Maolunga gu gidee, gai ia gu sui dono lodo e hai de baubau laa, gai ia ga hai ange gi tangada de langi e daia laa dangada, “Gu lava, dugua iho doo lima!” De masavaa laa gai tangada de langi o Tagi Maolunga gu duu i gaogao de mommee hili huamanu o Araunah, taane Jebus.

Psalm 106:45

Gai ia ne manadua dana hagatoo donu hagaheloongoi, ga sui dana maanadu ga abodonu ange gi gilaadeu.

Psalm 110:4

Tagi Maolunga gu hagatoo donu gai ia e dee sui naa donu dana hagatoo donu: “Koe se dangada haimeedabu ga hano ai, bei dagodo o Melkizedek.”

Psalm 119:158

Au e kino i gilaadeu e dee hai hegau i de mee abodonu, i hiidinga gilaadeu e dee daudali i au muna.

Psalm 78:40

Gai tee modu donu delaadeu hai baasi ange gi de ia i de vao ma de hagadaemaha ono lodo i lodo henua!

Psalm 81:13

Mee naa gi hagallongo mai ogu dangada gi de au, gai Israel gi daudali i ogu lodo!

Psalm 95:10

Au ne lili i e madahaa ngadau i de atangada laa; au ne hagadaba, “Gilaadeu se huaadangada e daahuli gee i olaadeu lodo, gilaadeu e dee iloo ogu dagodo.”

Exodus 32:14

Gai Tagi Maolunga ga sui de hagatau aana ne maanadu laa de hai, ia tee hagaduasala dono huaadangada.

Isaiah 48:18

Mee naa koe ne anga ange ga hagallongo agu muna, gai doo noho baba e bei dagodo o ssaalingaa vai, gai doo heohi ne bei dagodo o denga beau o de moana.

Isaiah 63:10

Aagai gilaadeu ne hagamaanege, ma de hagadaemaha dono Hagasaalunga Dabu. Gai ia gu sui ga se hagadaumee niiolaadeu, gai ia ga hebagi ange gi gilaadeu.

Jeremiah 18:7

De masavaa naa huu aagu e hagadaba ai bolo au ga unusi age aabe oha dahi huaahenua aabe se nohoanga hodooligi,

Jeremiah 26:19

E aha, go Hezekiah, de hodooligi o Judah ne daia ia ga magau, aabe go hanu dangada o Judah? Gai Hezekiah tee madagu laa i Tagi Maolunga, ga dangidangi ange ia gi degi ange gi de ia? Gai Tagi Maolunga ne sui dana hagatau, ia tee gaamai de mee hai ngadaa aana gu tala laa bolo e hai ange gi gilaadeu. Aagai gidaadeu gu dai hai naa donu gi dae mai dahi hai ngadaa laumalie gi gidaadeu!”

Ezekiel 33:11

Hai ange gi gilaadeu, ‘Au e hagatoo donu i dogu mouli, go de Ia Aamua go Iahweh e hagadaba: Au e dee malangilangi donu i de magau o tangada baubau, aagai tangada baubau gi dahuli gee i ana hegau baubau, gi mouli ai i. Goodou daahuli gee, goodou daahuli gee i oodou hegau baubau! De gau Israel, ni haigamaiana aha doodou maakau?’

Hosea 11:8

Ephraim, e maua e au i de tili goe? Israel, e maua e au i de dugu goe gi hano? E maua e au i de hai goe bei dagodo o Admah? E maua e au i de hai goe bei dagodo o Zeboiim? Ogu lodo gu dee baba mmao, au gu dee maua i de golomagi dogu lodo aloha.

Joel 2:13

Hagaagona mai de daemaha abodonu oodou lodo, e dee go de saesae donu huu oodou malo. Gai aahe mai gi Tagi Maolunga doodou Maadua, go hiidinga ia e abodonu ma de lodo aloha. Ia e dee moolau de lili, gai e honu i de lodo aloha, gai ia ga dee gaamai de baubau gu dai humai laa.

Jonah 3:10

Gai ga gidee huu e de Maadua alaadeu mee ne hai, ma delaadeu tili alaadeu dahulinga baubau, gai ia ne sui dana maanadu, ia tee gaamai de hai ngadaa aana gu tala laa bolo e gaavange gi gilaadeu.

Malachi 3:6

“Go au go Iahweh, au e dee sui donu. Deelaa ai, goodou denga hagadiilinga o Jacob tee odi i de maakau.

Numbers 23:19

de Maadua e dee se dangada, gai ia ga hadu muna ai, ia e dee bei dagodo o dangada, gai ia ga sui ai dana maanadu. E aha, ia gu basa, gai ia e dee hai naa gi bei? E aha, ia gu tala de muna, gai ia e dee hagasula?

Romans 11:29

Go hiidinga de mee ngadi gaavange ma de hagahi a de Maadua e dee maua donu i de sui.

Ephesians 4:30

Gai goodou gi dee hagadaemaha ina de Hagasaalunga Dabu o de Maadua, go de ia oodou ne hagailonga ange ai gi de laangi e hagahonu ai doodou hagaola.

Deuteronomy 32:29

Mee naa gi ni dangada heiangi gilaadeu ma de tonu ange gi de mee nei, gai gilaadeu gu tonu ange gi olaadeu dagodo i muli mai!

Deuteronomy 32:36

Tagi Maolunga e hagamodu naa dagodo o ono dangada, ma de lodo aloha ange gi ono dangada hai hegau, i de masavaa aana e gidee ai teai olaadeu mahi, gai gu deai dangada hai hegau aabe ni dangada ilaage e doe.

Deuteronomy 5:29

Mee naa gi deenei dagodo olaadeu lodo; gilaadeu e maatagu i de au ma de daudali i agu hainga alodahi, gi nnoho paba ai gilaadeu ma alaadeu dama e loomai i olaadeu dua.

Hebrews 3:10

Deelaa ai, au ne lili i de atangada laa, ga hagadaba, ‘Gilaadeu e daahuli gee i de au i olaadeu lodo; gilaadeu e dee iloo ogu dagodo.’

Hebrews 3:17

Gai goai o de Maadua ne lili ai laa i e madahaa ngadau? E dee go gilaadeu ne haisala laa, gai olaadeu angaanga ne maakau ga daakodo saele i de vao?

James 1:17

Mee danuaa alodahi ma mee ngadi gaavange abodonu ni mee mai i lunga, i daho Tamana o denga maalama e deai laa se sui ono dagodo, bei dagodo o de gohu e hano laa ga lilo.

1 Samuel 15:11

“Au gu vvela de aloha i dagu hai a Saul gi hodooligi, go hiidinga ia ne dahuli gee i de au, ia tee hagassula agu muna ange gi de ia.” Gai Samuel gu dee baba ono lodo, gai ia ne dangi ange gi Tagi Maolunga i de boo laa alodahi.

1 Samuel 15:29

Gai de ia Mahamaha o Israel e dee hadu muna donu aabe e sui ono lodo; go hiidinga ia e dee bei dagodo o tangada, gai ia ga sui ai ono lodo.”

1 Samuel 15:35

Gai Samuel tee ahe ange gi daho Saul i taulooloa dono mouli, aagai ia ne hinangalosaa i a Saul. Gai Tagi Maolunga gu sivi i dana hai a Saul ga hodooligi i Israel.