Genesis 50:19 - De Beebaa Dabu

¹⁹ Gai Joseph ga hai ange gi gilaadeu, “Goodou aude maatagu; e dee go au go de Maadua!

Genesis 50:19 Iomraidhean Croise

Genesis 30:2

Gai Jacob gu kona mmao dono lili i Rachel, ga hai ange gi de ia, “Go au go de Maadua, de ia tigi dugua adu naa gi hanu au dama?”

Genesis 45:5

Gai goodou e dee maatagu aabe gi daemaha, i doodou hagao au ga gaamai gi kinei, go hiidinga go de Maadua donu ne gaamai au gi kinei, i mua doodou loomai, e hagaola ai mouli o dangada.

Genesis 50:18

Gai ono daina ga loomai hogi ga hagabaakuu gi honga de gelegele i ono mada i mua, gai gilaadeu ga hai ange gi de ia, “Aanei gimaadeu oo dangada hai hegau.”

Genesis 50:20

Goodou ne maanadu de hai mai de baubau gi de au, aagai de Maadua ne hagahai hegau de mee laa ga hai ai tanuaa, gai ia ga hagamouli ai dangada soa bei doodou hai gu gidee ai naa anailaa nei.

2 Kings 5:7

De masavaa a de hodooligi o Israel ne dau ai de leda laa, gai ia ga ssae ono malo, ga hai ange, “Go au go de Maadua? E maua e au i de daa gi maakau aabe go de hagamouli age tangada? Gai gu aha taane nei gu aalu mai ai nei au gi hagaieiangi ina ono lebelaa? Goodou gi iloo, ia e lodo e hai gi dee heloongoi omaau magavaa!”

Matthew 14:27

De masavaa laa donu huu gai Iesu ga basa ange, ga hai ange, “Goodou gi lodo mmahi; go au donu deenei. Goodou gi dee maatagu!”

Romans 12:19

Ogu soa hagamogomogo, goodou gi dee suuia ange de baubau, aagai dugua ange gi hai hegau de bole ⌊o de Maadua⌋, go hiidinga gu sisi e hai ange: “Go au e suuia ange de baubau; au e sui ange naa donu,” go Tagi Maolunga e hagadaba.

Deuteronomy 32:35

Go au e suuia ange de baubau, go au e hagao ina ange. Gai e dae mai naa de masavaa olaadeu e baakuu ai, gai de laangi olaadeu e hai ngadaa ai gu baa mai donu, gai e moolau naa donu de tae mai mee nei gi gilaadeu.”

Hebrews 10:30

Gai gidaadeu e iloo de ia ne hagadaba laa, “Go au e suuia ange de baubau.” Ia ne hagadaba hogi, “Tagi Maolunga e hagamodu naa muna o ono dangada.”