Genesis 50:17 - De Beebaa Dabu

¹⁷ ‘Goodou hai ange gi Joseph: Aude haihaia degi ange gi haisala o oo daina, i hiidinga baubau alaadeu ne hai adu gi de goe.’ Gai iainei gimaadeu e dangidangi adu koe gi degi mai gi haisala o de gau hai hegau o de Maadua o doo damana.” Gai Joseph gu dangi i dana langona alaadeu muna ange gi de ia.

Genesis 50:17 Iomraidhean Croise

Genesis 31:42

Gai noo de Maadua o dogu damana tee noho madali au, go de Maadua o Abraham, go de ia o Isaac e madagu ai laa, gai koe ne hai donu huu au gi ngadi hano. Aagai de Maadua gu gidee dogu hai ngadaa ma dogu hai hegau hagaduasala, gai ia gu hagasee goe anaboo.”

Genesis 45:8

Deenei ai, e dee go goodou ne gaamai au gi kinei, aagai go de Maadua. Ia gu hai hogi au gi se damana hagadubu niio Pharaoh, gai se dagi i dono hale alodahi aama honga o Egypt alodahi.

Genesis 49:25

Gai de Maadua o doo damana e bale adu naa goe, gai de Ia Mmahi Mmao laa e hagamanuuia naa goe i denga manuuia i lo te langi i lunga, ma manuuia i lo te gelegele i lalo de henua, ma denga manuuia o de gaanuunu ma de mommee o denga dama.

Genesis 50:16

Gai gilaadeu ga kave dahi gi hano gi hai ange gi Joseph, “Doo damana ne tala mai i mua dono magau, ga hai mai,

Genesis 50:18

Gai ono daina ga loomai hogi ga hagabaakuu gi honga de gelegele i ono mada i mua, gai gilaadeu ga hai ange gi de ia, “Aanei gimaadeu oo dangada hai hegau.”

Genesis 50:20

Goodou ne maanadu de hai mai de baubau gi de au, aagai de Maadua ne hagahai hegau de mee laa ga hai ai tanuaa, gai ia ga hagamouli ai dangada soa bei doodou hai gu gidee ai naa anailaa nei.

Psalm 21:11

Noo gilaadeu e hagatau e hai baasi adu gi de goe ma de hai denga maanadu de vaivai daakodo, gai alaadeu hagatau e dee ssula donu.

Proverbs 28:13

Tangada e hagamuunia ono haisala e dee hagadagadaga ange donu, aagai tangada e daalaa ma de tili ono haisala, de Maadua e abodonu ange naa gi de ia.

Matthew 10:42

Gai be goai e gaavange dahi ubu vai maluulu gi dahi gilaadeu e maolalo nei, i hiidinga ia se dangada agoago niiagu, ni muna abodonu aagu e hai adu nei gi goodou, ia e kave naa donu dono hagaoanga.”

Matthew 18:35

Aanei hogi hegau a dogu Damana i de langi e hai adu gi goodou, noo goodou e dee degi ange gi haisala o oodou daina i oodou lodo.”

Matthew 25:40

Gai de Hodooligi e hai ange naa gi gilaadeu, ‘Ni muna abodonu aagu e hai adu nei gi goodou, mee alodahi oodou ne hai ange gi dahi ogu daina maolalo nei, gai goodou ne hai mai donu gi de au!’

Matthew 6:12

Gai daalaa omaadeu haisala bei demaadeu tala haisala olaadeu e haisala mai gi gimaadeu.

Mark 10:41

Gai ga langona huu e tinoangahulu dangada agoago ange laa alaau muna, gai gilaadeu gu llili i James ma John.

Galatians 6:10

Deenei ai, noo gu dahi masavaa danuaa, gai gidaadeu gi haia ange tanuaa gi dangada alodahi, gai go huaabodu donu o dangada gu hagadonusia e hai ange mee nei aagena.

Galatians 6:16

De baba ma de abodonu gi dagodo i daho dangada e hai hegau i mee nei, ma daho dangada o de Maadua go de gau Israel.

Ephesians 4:32

Gai goodou gi hagadau abodonu ma de hagadau aaloha, ma de hagadau degi ange gi haisala i oodou magavaa, bei de hai a de Maadua ne degi adu ai laa gi goodou i daho Klisdo.

James 5:16

Deenei ai, goodou hagadau daalaa oodou haisala, ma de hagadau dalodalo gi ieiangi ai goodou. Talodalo a tangada heohi e sauaa mmao ma de haigamaiana.