Genesis 5:2 - De Beebaa Dabu

² Ia ne hai taane ma de hine, gai ia ne hagamanuuia gilaau ga hagaingoo ange gilaau go Tangada, i de laangi aana ne hai ai gilaau.

Genesis 5:2 Iomraidhean Croise

Genesis 1:27

Gai de Maadua ne hai tangada ga hagadulagi ange gi ono dagodo donu, ia ne hai tangada gi bei hagadulagi o de Maadua; ia ne hai taane ma de hine.

Genesis 1:28

Gai de Maadua ne hagamanuuia gilaau, ga hai ange, “Gooluu hagadili gi soa, haoa ai henua i lalo ga huahua ai. Gai gooluu ga dagi ai denga mamu i lausedi, ma manu llele i lo te moana i lunga, aama manu dolodolo alodahi i honga de henua.”

Genesis 2:15

Gai Tagi Maolunga de Maadua ga kave taane laa gi noho i lo te veelenga go Eden, gai ia ga hagabalabala ai ga doo aama de tilo ange de veelenga laa.

Genesis 2:23

Gai Adam ga hagadaba, “Go ogu ivi donu aanei, gai go ogu kano donu aanei; ia e hagaingoo ange naa go de hine, i hiidinga ia ne aau mai i de angaanga o taane.”

Genesis 5:3

Gai ga 130 huu ngadau o Adam, gai ia ga hagadili dahi dama daane bei ono hagadulagi aama ono dagodo; gai ia ga hagaingoo ange ia go Seth.

Malachi 2:15

E aha, e dee go de Maadua ne haia gooluu gi dahi? De angaanga ma de hagasaalunga ni mee niiana. Gai se aha a de Maadua e ssala? Go denga hagadiilinga dabu. Deenei ai, goodou dagidiiloo dagodo o oodou lodo, goodou gi dee oohaa de hagatoo donu ange gi doo bodu mai i doo masavaa e dama daane ai.

Matthew 19:4

Iesu ne hai ange gi gilaadeu, “Goodou tigi daulia ange naa donu bolo de Maadua ne hai taane ma de hine i taamada age,

Mark 10:6

Aagai mai i taamada age de hai o mee alodahi, ‘Gai de Maadua ne hai taane ma de hine,’ ⌊bei de hai gu sisi ai laa i de Beebaa Dabu⌋.

Acts 17:26

Gai ia ne hai denga huaahenua alodahi i daho dahi dangada daudahi, gai gilaadeu ga nnoho ai i honga henua i lalo alodahi. Madagidagi gai ia gu hagamodu denga masavaa ma goinga o olaadeu mommee e nnoho ai,