Genesis 49:8 - De Beebaa Dabu

⁸ Judah, oo daina e tuhi naa goe; gai koe e hagadee kii naa oo hagadaumee, gai dama a doo damana e ino adu naa gi de goe.

Genesis 49:8 Iomraidhean Croise

Genesis 27:29

Gai gi soa huaahenua e hai hegau adu gi de goe, gai denga huaahenua gi ino adu gi de goe. Gai go koe gi dagina oo daina, gai dama a doo dinana gi ino adu gi de goe. Dangada e hagamalaia ina goe gi maalaia naa, gai gilaadeu e hagamanuuia ina goe e manuuia naa.”

Genesis 29:35

Gai ia ne hai dama ange hogi, ga haanau dahi dama daane, gai ia ga hagadaba, “De masavaa nei gai au e tuhi Tagi Maolunga.” Gai ia ga hagaingoo ange ia go Judah. Gai ia tee haanau ange.

Genesis 42:6

De masavaa laa gai go Joseph de goobenaa i de henua; go ia e hagao ina ange denga grain gi dangada. Deelaa ai, de masavaa huu ne tae mai ai daina daane o Joseph, gai gilaadeu ga ino gu paa olaadeu mada gi honga de gelegele i mada i mua o Joseph.

Genesis 46:12

Dama daane a Judah: go Er, ma Onan, ma Shelah, ma Perez, aama Zerah (aagai Er ma Onan ne maakau i de henua go Canaan). Dama daane a Perez: go Hezron ma Hamul.

2 Samuel 22:41

Koe ne hai ogu hagadaumee gi saavini gi hulo gee, gai au gu daa gi maakau gilaadeu e kino i de au.

2 Samuel 24:9

Gai Joab ga tala ange taelodo o de gau Israel alodahi gi de hodooligi; gai se valuseguli daane dau o Israel i de hebagi i de gadilaasa, gai denga daane o Judah se limaseguli.

2 Samuel 5:3

Gai dagi alodahi o Israel ne loomai gi daho de hodooligi i Hebron; gai de hodooligi go David ga hai dahi hagatoo donu hagaheloongoi madali gilaadeu i Hebron, i mada luu mada o Tagi Maolunga. Gai gilaadeu ga hagadabu David i de lolo, gi hodooligi i Israel alodahi.

1 Chronicles 28:4

Gai Tagi Maolunga de Maadua o Israel ne hili au mai i de huaabodu o dogu damana gi hodooligi i Israel ga hano ai. Ia ne hili Judah gi se dagi, gai ia ne hili de huaabodu o ogu damana mai i de aamuli o Judah, gai ia ne hili au mai i magavaa o ogu daina daane, ma de malangilangi i de au ga hai au gi hodooligi i honga o Israel alodahi.

1 Chronicles 5:2

aagai de aamuli o Judah ne mmahi ange i ono daina ange laa, gai dahi dagi ne sula age i daho ono hagadiilinga, aagai de boolonga o tama madua ne gaavange gi Joseph.)

2 Chronicles 14:8

Gai de hagabuulinga hebagi o Asa i Judah se doluseguli, gai gilaadeu e hagauda denga mee hungihungi nnui aama dao, gai se 280,000 daane o Benjamin, gai gilaadeu e hagauda denga mee hungihungi vaaligiligi aama mee hholu. Gilaadeu nei alodahi ni daane dau i de hebagi.

2 Chronicles 15:9

Gai ia ne hagabuni dangada alodahi o Judah ma Benjamin, aama dangada o Ephraim, ma Manasseh, aama Simeon e nnoho laa i olaadeu magavaa, go hiidinga gu soa dangada ne loomai i Israel gi ono daha, i de masavaa alaadeu ne gidee ai bolo Tagi Maolunga dono Maadua e madali ia.

2 Chronicles 17:2

Ia ne hai denga daane hebagi gi nnoho i lodo aduhale buibui alodahi o Judah, ma de hai denga daane hebagi gi nnoho i Judah, ma aduhale o Ephraim a dono damana go Asa ne hagadee kii laa.

2 Chronicles 30:11

Aagai e hanu daane o Asher, ma Manasseh, ma Zebulun ne hagamaolalo olaadeu lodo ga loomai gi Jerusalem.

Psalm 76:1

De henua o Judah e iloo de Maadua, dono ingoo e maolunga i Israel.

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Ezekiel 21:29

Gilaadeu e hai denga midi hhadu i oo dagodo, ma de tala oo dagodo i mee e loomai i de hadu muna, ma de hagauda ange goe gi honga eu o de gau baubau gu dai daa laa gi maakau, gai delaadeu laangi e hagaduasala ai gu dae mai donu.

Numbers 1:27

Gai taelodo o denga daane mai i de aamuli o Judah se 74,600.

Numbers 10:14

Gai go denga hagabuulinga o de aamuli o Judah ma delaadeu hagailonga ne hulo i mua. Gai delaadeu dagi go Nahshon, tama daane a Amminadab.

Numbers 26:20

Gai aanei denga hagadiilinga i de aamuli o Judah: go Shelah, ne hai ai de hagadiilinga o Shelah; ma Perez, ne hai ai laa de hagadiilinga o Perez; aama Zerah, ne hai ai laa de hagadiilinga o Zerah.

Numbers 26:22

Aanei hagadiilinga i de aamuli o Judah, gai taelodo o dangada alodahi iai se 76,500.

Deuteronomy 33:7

Ia ne tala dagodo o Judah, ga hagadaba, “Tagi Maolunga, hagalaangona tangidangi a Judah, gaamai ia gi buni ange madali ono dangada. Luoo lima gi suuia ia gi hebagi ai gai koe balea ange ia e hebagi ange ai gi ono hagadaumee.”

Hebrews 10:13

Mai i de masavaa laa, gai ia e tali de masavaa e hai ai ono hagadaumee go de mee e dugu ange aagena luoono vae.

Hebrews 7:14

Go hiidinga gidaadeu e iloo bolo taadeu Dagi Maolunga se dangada de aamuli o Judah, gai Moses tee hagadaba donu bolo dangada i de aamuli laa e maua i de hai hegau a de gau haimeedabu.

Joshua 10:24

Gai de masavaa alaadeu ne hagassao mai ai denga hodooligi laa ga gaamai gi daho Joshua, gai ia ga hagahi denga daane alodahi o Israel, gai ia ga hai ange gi denga dagi o denga daane hebagi ne hulo laa madali ia, “Goodou hulo gi paa ange goodou mage dugua ange oodou vae gi honga ua o denga hodooligi laa.” Gai gilaadeu ga hulo ga dugu ange olaadeu vae gi honga olaadeu ua.

Joshua 15:20

Gai deenei de mommee ne bolo ange gi denga hagadiilinga i de aamuli o Judah.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Revelation 5:5

Gai dahi i magavaa o denga daane maatua e dinolua ma dogohaa laa ne hai mai gi de au, “Aude dangi! Tilo, de laiono o de aamuli o Judah, go de Uli o David, ia gu kii, deelaa ai, ia e maua donu i de oha mee hagamakaga e hidu ma de hhuge de beebaa mulo laa.”

Judges 20:18

Gai denga daane o Israel ne loage ga hulo gi Bethel, ga ssili gi iloo i daho de Maadua, be goai gilaadeu e hulo i mua e hebagi ange gi de aamuli o Benjamin. Gai Tagi Maolunga ne hai ange, “Go de aamuli o Judah e hulo i mua.”