Dan e bei de labodo i honga de haiava laa, gai se labodo hagammau i gaogao dahi dao haiava, e gadigadia laa muli luu vae o de hoosa gai tangada e gage laa i honga de hoosa e doo iho naa.
Tilo, gimaadeu e bei de gau hai hegau e daumada ina laa delaadeu ia aamua, ma de hine hai hegau e daumada ina laa dono hahine aamua; e bei ai hogi, gimaadeu e daumada Tagi Maolunga, demaadeu Maadua, ga dae ai gi dono degi mai gi gimaadeu.
Mee naa gi humai de hagaola o Israel i Zion! De masavaa a Tagi Maolunga e hagaahe ange ai de manuuia o ono dangada, gai Jacob gi malangilangi, Israel gi lodo danuaa!
Go Tagi Maolunga ogu mahi ma dagu daahili, gai go ia dogu Ia Hagaola. Go ia dogu Maadua, gai au e tuhi naa donu ia; ia go de Maadua o dogu damana, gai au e daahili e tuhi ia.
De laangi laa gai gilaadeu e hagataba naa, “Tilo, deenei donu taadeu Maadua; gidaadeu ne tali ange ia gi hagaola ina gilaadeu. Deenei Tagi Maolunga adaadeu ne hagadonusia laa; gidaadeu ga malangilangi ma de lodo danuaa i dana hagaola.”
Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.
Tagi Maolunga, koe gi abodonu mai gi gimaadeu; gimaadeu e tali adu donu huu goe. Go koe omaadeu mmahi i daiao alodahi, ma demaadeu hagaola i de masavaa omaadeu e hai ngadaa ai.
Humai hagaheloongoi ange gi dogu dangada aamua, go de hodooligi o Assyria, gai au ga gaavadu gi de goe e luamano hoosa, gai koe ga tilo be koe e maua i de hai gi odi ange denga daane e kage ai!
Aagai ogu dagodo, au e dagitilo naa ma de tali ange Tagi Maolunga, au e tali ange de Maadua dogu Ia Hagaola; gai dogu Maadua e hagallongo naa donu dagu dangi.
gai Joseph taane Arimathea, go dahi daane hagadubu i daho de hagabuulinga hagasaele, gai se daane hogi e daalia de nohoanga hodooligi o de Maadua, ia ne lodo mmahi i de hano gi daho Pilate, ga dangidangi ange i de angaanga o Iesu.
Gai e dahi daane i Jerusalem, dono ingoo go Simeon, ia se daane heohi ma de hai lodo o de Maadua, ia ne tali de hagaola o de gau Israel, gai de Hagasaalunga Dabu e noho i ono daha.
Ia tee buni ange gi hagatau ma hegau a de hagabuulinga hagasaele. Ia se daane Arimathea, se aduhale niio de gau Ssuu, gai se daane e daalia de dae mai o de nohoanga hodooligi o de Maadua.
gai goodou e tali de humai o dana Dama Daane mai i de langi, go Iesu, de ia a de Maadua ne hagamouli age mai i de magau. Gai go Iesu donu hogi ne hagaola ina gidaadeu mai i de bole ⌊o de Maadua⌋ gu dai humai laa.
