Genesis 49:10 - De Beebaa Dabu

¹⁰ De laagau hodooligi e dee aau gee naa donu i daho Judah, aabe e aau gee togo o tagi mai i magavaa luoono vae, ga dae ai gi de humai o de ia niiona togo laa; gai denga huaahenua e hagallongo ange gi de ia.

Genesis 49:10 Iomraidhean Croise

2 Samuel 7:13

Go ia e hagaduulia dahi hale e hagadubu ai dogu ingoo, gai au e hai naa dono nohoanga hodooligi gi dagodo ga hano ai.

2 Samuel 7:16

Gai au e hai naa gi dee llilo doo aamuli ma doo nohoanga hodooligi; gai doo nohoanga hodooligi e dagodo naa ga hano ai.’ ”

1 Chronicles 12:24

denga daane o Judah e hagauda ina de mee hungihungi ma dao — se 6,800;

1 Chronicles 12:39

Gai gilaadeu ne nnoho i daho David i kilaa i e dolu laangi, ga gaimee ai ma de unu, go hiidinga olaadeu huaabodu ne hagadabena alaadeu gai e gaimee ai.

Psalm 108:8

Niiogu Gilead, niiogu Manasseh; Ephraim go dogu goobai baalanga; Judah go dagu laagau hodooligi.

Psalm 60:7

Niiogu Gilead, niiogu Manasseh; Ephraim go dogu goobai baalanga; Judah go dagu laagau hodooligi.

Psalm 60:9

Goai e gaavee au gi de aduhale buibui laa? Goai e dagina ngau gi Edom?

Psalm 78:68

aagai ia ne hili de aamuli o Judah, ma de mounga go Zion, go de mommee oona e malangilangi ai.

Isaiah 11:10

De laangi laa gai de uli o Jesse e duu age naa e hai ai de hagailonga ange gi denga huaadangada; gai denga huaahenua e hagabuni mai naa gi kilaa, gai dono mommee hagammabu e hai naa ga mahamaha.

Isaiah 2:2

Denga laangi hagaodi naa huu gai de mounga o de hale o Tagi Maolunga e hai naa ga maolunga ange i denga mounga hugadoo, ma de maolunga ange i denga duuduu. Gai denga huaahenua alodahi e daga mai naa gi kilaa,

Isaiah 33:22

Gai Tagi Maolunga go demaadeu ia hagamodu muna, Tagi Maolunga go demaadeu ia hai hainga, Tagi Maolunga go demaadeu hodooligi; gai go ia e hagaola ina gimaadeu.

Isaiah 42:1

Tilo, deenei dogu dangada hai hegau, go ia aagu e bale ange; go ia aagu gu hili, gai go ia oogu e malangilangi ai. Au gu hai dogu Hagasaalunga gi hano iho gi ono elunga; gai ia ga hagamodu ai muna o denga huaahenua i de heohi.

Isaiah 55:3

Huugea oodou dalinga, gai loomai gi de au; goodou hagalaangona agu muna, gi mouli ai goodou. Au e hai naa dahi hagatoo donu hagaheloongoi dee ngado mai madali goodou, i hiidinga dogu hai hegau i de muna abodonu, aama dogu aloha gu hagatoo donu ange laa gi David.

Isaiah 60:1

⌊Jerusalem,⌋ hidi age, haia gi maalama goe, gu dae mai doo maalama, gai de mahamaha o Tagi Maolunga ga hagamaalama goe.

Isaiah 62:11

Tilo, Tagi Maolunga gu hagailoo ange gi luu bido o henua i lalo; “Goodou hai ange gi tamaa hine o Zion: Tilo, doodou Ia Hagaola gu humai! Tilo, ia e gaamai ana hagaoanga madali ia, ma mee e hagao ange ai alaadeu hegau.”

Isaiah 9:6

Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

Jeremiah 30:21

Gai delaadeu dagi se dangada donu i olaadeu magavaa; delaadeu dangada aamua e haanau naa i olaadeu magavaa. Gai au e gaamai naa ia gi baa mai, gai ia e humai naa ga hagabaa mai gi de au, Gai goai naa donu e maua i de humai e hagabaa mai noo au e dee dugu ange? go Tagi Maolunga e hagadaba.

Jeremiah 33:26

gai au e tili naa hogi hagadiilinga o Jacob ma dogu dangada hai hegau go David, gai au e dee hili naa hogi dahi ono hagadiilinga gi dagina hagadiilinga o Abraham, ma Isaac, aama Jacob. Gai au e hagaahe ange naa delaadeu manuuia aama de lodo aloha ange gi gilaadeu.”

Ezekiel 19:11

Ono laa ne ssomo ga makaga, gai e danuaa i de hai ai denga laagau hodooligi. Gai ne somo ga looloa ange i denga manu ssomo alodahi, gai dangada e gidee dono looloa ma ono laa lagolago.

Ezekiel 19:14

De ahi ne daamada de dudu dahi ono laa, gai ne dudu ga vvela ono laa alodahi ma ono hua. Gu deai donu laa makaga o de manu laa e doe e danuaa ange laa gi de hai ai denga laagau hodooligi.’ De mee nei se daahili hagahinangalosaa, gai se daahili e hua i denga maakau.”

Ezekiel 21:27

Gu maoha, gu maoha, au e oha naa gi maoha! Gai e dee ahe ange naa donu e hagaduu age ange, ga dae ai gi de humai o de ia gu hili, gai au ga gaavange gi de ia.’

Ezekiel 21:32

Koe e bei naa dagodo o lahhie e hai ai laa de ahi, oo dodo e hagassii saele naa i doo henua, gai e deai ange naa donu dangada e manadua goe; go au donu go Iahweh ne hagadaba.’ ”

Daniel 9:25

Gai koe gi iloo ma de donu ange gi de mee nei: mai i de masavaa e hagailoo ai bolo gi hagaahea age ange Jerusalem, ga dae ai gi de humai o de Ia gu Hagadabu laa i de lolo, go tagi, e hidu naa uvigi, ma e madaono ma lua uvigi. Gai e hagaduu age naa de aduhale madali denga haiava, aama mommee iai vai, aagai de masavaa laa se masavaa hai ngadaa.

Hosea 11:12

Ephraim gu duuli au i denga muna hhadu, de gau Israel gu daahanga mai au; gai a Judah goi hai baasi ange huu gi de Maadua, de Ia Dabu e hai hegau laa i de mee abodonu.

Micah 5:1

De aduhale o denga daane hebagi, hagabuni ina oo hagabuulinga hebagi, go hiidinga hanu gu dai hebagi mai naa gi taadeu aduhale. Gilaadeu e hagailiili naa de galaahuu o tagi o Israel i de laagau.

Haggai 2:7

Au e hagangalungalue naa denga huaahenua alodahi, gai goloa hagamogomogo o denga huaahenua e gaamai naa gi kinei, gai au e hai naa de hale nei gi mahamaha mmao, go Tagi o denga hagabuulinga hebagi e hagadaba.

Zechariah 10:11

Gilaadeu e hulo naa laa lo te dai beabeau, gai beau o tai laa e hagadeai naa, gai mommee kelo alodahi o Nile e maamasa naa. De lodo maolunga o Assyria e hai naa ga maolalo, gai de laagau hodooligi o Egypt e odi naa dono masavaa.

Zechariah 2:11

Denga huaahenua soa e hagabuni mai naa gi daho Tagi Maolunga, i de laangi laa ga hai ai ono dangada. Gai au e noho naa i oodou daha, gi iloo ai e goodou bolo go Tagi o denga hagabuulinga hebagi donu ne haia nei au gi humai gi oodou daha.

Numbers 21:18

dagodo o de vai geli a denga dagi ne geli, gai de gau aamua ne geli — i alaadeu laagau hodooligi, ma olaadeu dogo.” Gai gilaadeu ne loomai i de vao ga hulo gi Mattanah,

Numbers 24:17

Au e gidee ia, gai e dee go iainei; au e daumada ia, aagai ia tigi baa mai. Dahi heduu e sobo age naa i daho Jacob, dahi laagau hodooligi e sula age naa i Israel; ga dagahi gi bala de biho o Moab, ma de ngadi biho o hagadiilinga o Sheth.

Numbers 24:19

Dahi dagi e sula age naa i daho Jacob, ga daa naa gu maakau dangada ne ola i denga aduhale.”

Matthew 1:21

Ia e haanau naa dahi dama daane, gai koe ga hagaingoo ange ia go Iesu, go hiidinga ia e hagaola naa ono dangada mai i olaadeu haisala.”

Matthew 17:5

De masavaa o Peter e basa ai, gai tilo, dahi giliiga maalama gu haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo, au e malangilangi i de ia. Goodou hagalaangona ana muna!”

Matthew 21:9

Gai dangada e hulo laa i ono mada i mua ma gilaadeu e loadu i ono dua ne hevaalogi, ga hagataba, “Hosanna ange gi Tama a David! E manuuia Tangada e humai i de ingoo o Tagi Maolunga! Hosanna i de mommee maolunga mmao!”

Matthew 25:32

Gai denga huaahenua alodahi e hagabuni mai naa gi mada luoono mada, gai ia ga vaevae ai dangada naa bei de vvae a tangada hagaloosi ssiibi denga ssiibi mai i denga guudi,

John 12:32

Aagai aanei ogu dagodo, de masavaa naa huu oogu e hagaduu age ai i henua i lalo, gai au ga hai gi loomai dangada alodahi gi de au.”

John 18:31

Pilate ne hai ange gi gilaadeu, “Goodou gaavee donu huu ia mage hagamodu ina ono muna i oodou hainga.” De gau Ssuu laa ne hai ange gi de ia, “E dee alaange demaadeu daa dahi dangada gi magau.”

John 19:12

De masavaa laa gai Pilate gu hagatale de hagaola ai Iesu, aagai de gau Ssuu ne hevaalogi ga hai ange, “Noo koe e hagaola taane nei, gai koe e dee se soa niio Caesar; tangada e hagadaba bolo ia se hodooligi e hai baasi ange donu gi Caesar.”

John 19:15

Gai gilaadeu ga hevaalogi ga hai ange, “Gaavee gee ia, gaavee gee ia, daudau ina ia i de laagau lui!” Pilate ne ssili ange gi gilaadeu, “Goodou e llodo au gi daudaulia doodou Hodooligi i de laagau lui?” Gai de gau haimeedabu maolunga ga hai ange, “E deai ange donu semaadeu hodooligi, go Caesar donu huu.”

John 9:7

Gai ia ga hai ange gi taane laa, “Hannoo, huuia luoo mada i de vai go Siloam.” (E bei go de “hai gi hano”.) Gai taane laa ga hano ga hhui luoono mada ga ahe mai gu gide.

Romans 15:12

Gai Isaiah gu hagadaba hogi, “De mogobuna o Jesse e humai naa, ia e hanage naa ga dagi denga Gentile; gai go ia de tali hagalodolodo a denga Gentile.”

2 Corinthians 5:10

Go hiidinga gidaadeu alodahi e tuu naa i mada i mua de nohoanga hagamodu muna o Klisdo, gai dahi ma dahi e kave naa de hagaoanga o ana hegau ne hai i de angaanga nei, e dee hilihili be e danuaa aabe e baubau.

Deuteronomy 28:57

i de henuu e doo mai laa i dua dono haanau, ma denga gaagaa aana e haanau laa. Ia e gai hagammuni naa mee laa, i hiidinga gu deai gai, i de masavaa a de hagadaumee e hagaduasala ai goe, ma de masavaa alaadeu e duuli ina ai luu baasi oo aduhale.

Hebrews 7:14

Go hiidinga gidaadeu e iloo bolo taadeu Dagi Maolunga se dangada de aamuli o Judah, gai Moses tee hagadaba donu bolo dangada i de aamuli laa e maua i de hai hegau a de gau haimeedabu.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”