Genesis 48:19 - De Beebaa Dabu

¹⁹ Aagai dono damana e dee lodo, ga hai ange, “Dagu dama, au e iloo. Ia e hai naa ga se huaadangada soa, ia e sula naa hogi ga maolunga. Aagai dono daina gauligi e maolunga ange naa i de ia, gai ono hagadiilinga e hai ai naa ga ni huaahenua soa.”

Genesis 48:19 Iomraidhean Croise

Genesis 17:4

“Tilo, au e hai dahi hagatoo donu hagaheloongoi madali goe, gai koe e hai naa go tamana o denga huaahenua soa.

Genesis 25:23

Gai Tagi Maolunga ne hai ange gi de ia, “E lua huaahenua i lo too dinae, gai luu huaadangada i oo lodo naa e dee nnoho hagabuni; dahi e mmahi ange i de ia ange laa, gai tama madua e hai hegau ange naa gi tama gauligi.”

Genesis 25:28

Gai Isaac e aloha i Esau, go hiidinga ia e lodo e gai denga kano manu; aagai Rebekah e aloha i Jacob.

Genesis 28:14

Gai oo hagadiilinga e soa naa bei de lagolago o denga gelegele i honga de henua, gai koe e hhao naa ga honu de henua mai i dai ga hano ai gi dua, ma mai i ngaiho ga hano ai gi ngaage. Gai hagadiilinga alodahi o henua i lalo e manuuia naa i oodou hiidinga ma doo hagadiilinga.

Genesis 46:3

Gai ia ne hai ange, “Go au go de Maadua, go de Maadua o doo damana; aude madagu i de hano gi Egypt, go hiidinga au e hai naa goe gi se huaahenua soa i kilaa.

Genesis 48:14

Aagai Israel ne haalo dono lima madau, ga dugu ange gi honga de biho o tama gauligi go Ephraim, gai dono lima masui i honga de biho o tama madua go Manasseh; ia ne hagahesuihagi luoono lima.

Genesis 48:18

Gai Joseph ga hai ange gi dono damana, “Dogu damana, e dee deenaa, deenei tama madua i kinei, dugua ange doo lima madau gi honga dono biho.”

Isaiah 7:17

Tagi Maolunga e gaamai naa gi de goe ma oo dangada, aama doo huaabodu dahi masavaa hai ngadaa, gai tigi ai ange donu se masavaa bee nei mai i de laangi o Ephraim ma Judah ne mavaevae ai: ia e gaamai naa gi goodou de hodooligi o Assyria.”

Ezekiel 27:10

Denga daane o Persia, ma Lud aama Put ne hebagi madali doo hagabuulinga hebagi. Gilaadeu ne hagalaulau age alaadeu mee hungihungi ma olaadeu goobai baalanga i honga doo buibui ga hagamahamaha ai goe.

Deuteronomy 1:10

go hiidinga Tagi Maolunga doodou Maadua gu hai goodou gi hagadili gi soa, anailaa nei goodou gu soa donu bei dagodo de lagolago o denga heduu i lo te langi.

Deuteronomy 33:17

Dono mahamaha e bei dagodo o de kaau mmahi, gai luoono hanga e mmahi bei hanga o de kaau aada. Ia e hagalagolagohia denga huaadangada i luoono hanga, ga usu gilaadeu alodahi gi de bido laa o henua i lalo. Aanei dagodo o tahisemada dangada o Ephraim; aanei hogi dagodo o tahisemada dangada o Manasseh.”

Revelation 7:6

se 12,000 mai i de aamuli o Asher, se 12,000 mai i de aamuli o Naphtali, se 12,000 mai i de aamuli o Manasseh,

Revelation 7:8

se 12,000 mai i de aamuli o Zebulun, se 12,000 mai i de aamuli o Joseph, gai se 12,000 mai i de aamuli o Benjamin.