Genesis 48:14 - De Beebaa Dabu

¹⁴ Aagai Israel ne haalo dono lima madau, ga dugu ange gi honga de biho o tama gauligi go Ephraim, gai dono lima masui i honga de biho o tama madua go Manasseh; ia ne hagahesuihagi luoono lima.

Genesis 48:14 Iomraidhean Croise

Genesis 41:51

Gai Joseph ne hagaingoo ange dana dama madua go Manasseh, go hiidinga ia e hagadaba, “De Maadua gu hai gi ngalo e au ogu hai ngadaa alodahi, ma dogu huaabodu alodahi.”

Genesis 41:52

Gai ia ne hagaingoo ange dana dama gauligi go Ephraim, go hiidinga ia ne hagadaba, “De Maadua gu hai au gi hagadili i de henua oogu ne duasala ai.”

Genesis 46:20

Gai Joseph ne hagadili Manasseh ma Ephraim i de henua go Egypt, i daho Asenath tamaa hine a Potiphera, tangada haimeedabu o On.

Genesis 48:13

Gai ia ga gaamai luaana dama ngaadahi gi paa ange gi dono damana; Ephraim i dono madau, e bei go de masui o Israel, gai Manasseh i dono masui, e bei go de madau o Israel.

Genesis 48:17

Gai ga gidee huu e Joseph, bolo dono damana ne dugu ange dono lima madau gi honga de biho o Ephraim, gai gu dee heohi ange gi de ia; gai ia ga poo de lima o dono damana e hagangalue gee mai i de biho o Ephraim, e dugu ange gi honga de biho o Manasseh.

Genesis 48:18

Gai Joseph ga hai ange gi dono damana, “Dogu damana, e dee deenaa, deenei tama madua i kinei, dugua ange doo lima madau gi honga dono biho.”

Psalm 110:1

Tagi Maolunga ne hai ange gi dogu Ia Aamua, “Noho i dogu baasi madau, ga dae ai gi dagu hai oo hagadaumee go de mee e dugu ange aagena luoo vae.”

Psalm 118:16

De lima madau o Tagi Maolunga gu kii; de lima madau o Tagi Maolunga gu hagaago mai ono mmahi!”

Exodus 15:6

Tagi Maolunga, doo lima madau e mmahi mmao; Tagi Maolunga, doo lima madau gu hagabalaginagina de hagadaumee.

Numbers 2:18

Gai de baasi dai go de hagailonga o de mommee nnoho gaainga o Ephraim ma olaadeu hagabuulinga. Tagi o dangada o Ephraim go Elishama, tama daane a Ammihud.

Numbers 8:10

Gai de masavaa naa huu aau e gaamai ai denga daane de aamuli o Levi gi Tagi Maolunga, gai de gau Israel alodahi gi dugua ange olaadeu lima gi olaadeu elunga,

Numbers 8:18

Gai au gu kave denga daane de aamuli o Levi, e sui ai denga dama daane maatua alodahi a de gau Israel.

Matthew 16:18

Au e hai adu, go koe go Peter; go honga de baba nei aagu e hagaduu ai dogu nohoanga dabu, gai ssauaa o Hades e dee maua donu i de hagadee kii.

Matthew 19:13

Gai dangada ne gaamai denga gauligi vaaligiligi gi Iesu gi dugua ange dono lima gi olaadeu elunga, ma de dalodalo i gilaadeu. Gai ana dangada agoago ga hagasee gilaadeu.

Matthew 19:15

Gai ia ga dugu ange dono lima gi olaadeu elunga ⌊ga hagamanuuia gilaadeu,⌋ muli mai gai ia ne hano gee mai i kilaa.

Matthew 6:5

“Gai de masavaa naa huu oodou e dalodalo ai, aagai goodou gi dee ago ange i gilaadeu e daahangadia dangada! Gilaadeu e llodo e tuu e dalodalo i denga synagogue ma dege o denga haiava, gi gidee ai e dangada alaadeu hegau. Ni muna abodonu aagu e hai adu nei gi goodou, gilaadeu gu lava donu i de kave olaadeu hagaoanga.

Luke 13:13

Aagai Iesu ga dugu ange luoono lima gi ono elunga, gai de hine laa gu maua i de duu gi soe gi lunga, aagai ia ga tuhi de Maadua.

Luke 4:40

Gai ga dai danu huu de laa, gai dangada alodahi e hanu olaadeu dangada e mmagi i denga hagadaagangaa magi ga gaamai gilaadeu gi Iesu, gai ia ga dugu ange dono lima gi olaadeu elunga ga hagaieiangi gilaadeu.

Acts 13:3

Gai ga odi huu de masavaa olaadeu e hagahiikai ai ma de dalodalo, gai gilaadeu ga dugu ange olaadeu lima gi honga o Saul ma Barnabas ga hai gilaau gi hulo.

Acts 6:6

Gai gilaadeu ne gaamai denga daane laa gi daho de gau tala, gai gilaadeu ga dalodalo ma de dugu ange olaadeu lima gi olaadeu elunga.

Deuteronomy 34:9

Gai Joshua tama daane a Nun gu honu i de hagasaalunga o de heiangi, go hiidinga Moses ne dugu ange luoono lima gi ono elunga. Gai de gau Israel ne daudali i ana muna, bei de hai a Tagi Maolunga gu tala ange ai laa gi Moses.

1 Timothy 4:14

Koe gi dee hagangadi mee ina tuuhanga gu gaavadu naa gi de goe i muna pelaabisi i denga masavaa a denga dagi ne dugu adu ai olaadeu lima gi oo elunga.

1 Timothy 5:22

Aude hagamoolau gi hagadabu ina dahi dangada, aabe gi hagabuni ange gi dahi gi haisala ai. Koe gi gilimalali oo dagodo.